2 Mbiri 14:2 - Buku Lopatulika

² Ndipo Asa anachita chokoma ndi choyenera m'maso mwa Yehova Mulungu wake,

Chichewa Buku Lopatulika Bible 2014

² Ndipo Asa anachita chokoma ndi choyenera m'maso mwa Yehova Mulungu wake,

Buku Loyera Catholic Edition - Chichewa

² Asa adachita zokoma ndi zolungama pamaso pa Chauta, Mulungu wake.

Mawu a Mulungu mu Chichewa Chalero

² Asa anachita zabwino ndi zolungama pamaso pa Yehova Mulungu wake.

2 Mbiri 14:2 Mawu Ofanana

1 Mafumu 15:11

Ndipo Asa anachita zabwino pamaso pa Yehova monga Davide kholo lake.

1 Mafumu 15:12

Nachotsa m'dziko anyamata aja adama, nachotsanso mafano onse anawapanga atate ake.

1 Mafumu 15:14

Koma misanje sanaichotse, koma mtima wa Asa unali wangwiro ndi Yehova masiku ake onse.

2 Mbiri 14:1

Momwemo Abiya anagona ndi makolo ake, ndipo anamuika m'mzinda wa Davide; ndi Asa mwana wake anakhala mfumu m'malo mwake; m'masiku ake dziko linaona bata zaka khumi.

2 Mbiri 14:3

nachotsa maguwa a nsembe achilendo, ndi misanje; naphwanya zoimiritsa zao, nalikha zifanizo zao,

2 Mbiri 15:16

Maaka yemwe, mai wake wa Asa, mfumu, namchotsa uyu asakhalenso mai wa ufumu, popeza anapanga fanizo lolaula; ndipo Asa analikha fanizolo, naliphwanyaphwanya, nalitenthera ku mtsinje wa Kidroni.

2 Mbiri 17:6

Ndi mtima wake unakwezeka m'njira za Yehova; anachotsanso misanje ndi zifanizo mu Yuda.

2 Mbiri 20:32

Ndipo anayenda m'njira ya Asa atate wake osapatukamo, nachita zoongoka pamaso pa Yehova.

2 Mbiri 21:12

Ndipo anamdzera kalata yofuma kwa Eliya mneneri, ndi kuti, Atero Yehova Mulungu wa Davide atate wanu, Popeza simunayende m'njira za Yehosafati atate wanu, kapena m'njira za Asa mfumu ya Yuda,

2 Mbiri 31:1

Chitatha ichi chonse tsono, Aisraele onse opezekako anatuluka kunka kumizinda ya Yuda, naphwanya zoimiritsa, nalikha zifanizo, nagamula misanje ndi maguwa a nsembe mu Yuda monse, ndi mu Benjamini, mu Efuremunso, ndi mu Manase, mpaka adaziononga zonse. Pamenepo ana onse a Israele anabwerera, yense kudziko lake ndi kumizinda yao.

2 Mbiri 31:20

Momwemo anachita Hezekiya mwa Yuda lonse nachita chokoma, ndi choyenera, ndi chokhulupirika, pamaso pa Yehova Mulungu wake.

2 Mbiri 34:7

Nagumula maguwa a nsembe, naperapera zifanizo ndi mafano osema, nalikha mafano a dzuwa onse m'dziko lonse la Israele, nabwerera kunka ku Yerusalemu.

Eksodo 23:24

Usagwadira milungu yao, kapena kuwatumikira, kapena kuchita monga mwa ntchito zao; koma uwapasule konse, ndi kugamulatu zoimiritsa zao.

Luka 1:75

m'chiyero ndi chilungamo pamaso pake, masiku athu onse.

Deuteronomo 12:3

nimugumule maguwa ao a nsembe, ndi kuphwanya zoimiritsa zao, ndi kutentha zifanizo zao, ndi kulikha mafano osema a milungu yao; ndipo muononge dzina lao lichoke m'malomo.