2 Mafumu 10:26 - Buku Lopatulika

²⁶ Natulutsa zoimiritsa zija zinali m'nyumba ya Baala, nazitentha.

Chichewa Buku Lopatulika Bible 2014

²⁶ Natulutsa zoimiritsa zija zinali m'nyumba ya Baala, nazitentha.

Buku Loyera Catholic Edition - Chichewa

²⁶ Ndipo adatulutsamo chipilala chopatulika chimene chinali m'nyumba ya Baala nakachitentha.

Mawu a Mulungu mu Chichewa Chalero

²⁶ Iwo anakatulutsa mwala wopatulika umene unali mʼnyumba ya Baala ndipo anawutentha.

2 Mafumu 10:26 Mawu Ofanana

2 Samueli 5:21

Ndipo iwo anasiya kumeneko mafano ao; Davide ndi anyamata ake nawachotsa.

1 Mafumu 14:23

Pakuti anadzimangiranso misanje, ndi zoimiritsa, ndi zifanizo, pa chitunda chonse chachitali, ndi patsinde pa mtengo wogudira uliwonse;

1 Mafumu 15:13

Ndipo anamchotsera Maaka amake ulemu wa make wa mfumu, popeza iye anapanga fanizo lolaula; ndipo Asa analikha fano lake, nalitentha ku mtsinje wa Kidroni.

1 Mafumu 16:32

Nammangira Baala guwa la nsembe m'nyumba ya Baala anaimanga mu Samariya.

2 Mafumu 11:18

Namuka anthu onse a m'dzikomo kunyumba ya Baala, naigumula; maguwa ake a nsembe ndi mafano ake anawaswaiswa, napha Matani wansembe wa Baala ku maguwa a nsembe. Ndipo wansembeyo anaika oyang'anira nyumba ya Yehova.

2 Mafumu 18:4

Anachotsa misanje, naphwanya zoimiritsa, nalikha chifanizo, naphwanya njoka ija yamkuwa adaipanga Mose; pakuti kufikira masiku awa ana a Israele anaifukizira zonunkhira, naitcha Chimkuwa.

2 Mafumu 19:18

naponya milungu yao kumoto; popeza sindiyo milungu koma yopanga anthu ndi manja ao, mtengo ndi mwala; chifukwa chake anaiononga.

2 Mafumu 23:12

Ndi maguwa a nsembe anali patsindwi pa chipinda chosanja cha Ahazi adawapanga mafumu a Yuda, ndi maguwa a nsembe adawapanga Manase m'mabwalo awiri a nyumba ya Yehova, mfumu inawagumula, niwachotsa komweko, nitaya fumbi lao ku mtsinje wa Kidroni.

2 Mafumu 23:4

Ndipo mfumu inalamulira Hilikiya mkulu wa ansembe, ndi ansembe a gawo lachiwiri, ndi olindira pakhomo, atulutse mu Kachisi wa Yehova zipangizo adazipangira Baala, ndi chifanizo adazipangira Baala, ndi chifanizo chija, ndi khamu lonse la kuthambo; nazitentha kunja kwa Yerusalemu ku thengo la ku Kidroni, natenga phulusa lake kunka nalo ku Betele.

2 Mafumu 23:6

Natulutsa chifanizocho m'nyumba ya Yehova kunja kwa Yerusalemu ku mtsinje wa Kidroni; nachitenthera ku mtsinje wa Kidroni, nachipera chikhale fumbi, naliwaza fumbi lake pa manda a ana a anthu.

2 Mafumu 3:2

Nachita choipa pamaso pa Yehova, koma osati monga atate wake ndi amake; pakuti anachotsa choimiritsa cha Baala adachipanga atate wake.

1 Mbiri 14:12

Ndipo anasiyako milungu yao; nalamula Davide, ndipo anaitentha ndi moto.

2 Mbiri 34:7

Nagumula maguwa a nsembe, naperapera zifanizo ndi mafano osema, nalikha mafano a dzuwa onse m'dziko lonse la Israele, nabwerera kunka ku Yerusalemu.

Yesaya 27:9

Chifukwa chake, mwa ichi choipa cha Yakobo chidzafafanizidwa, ndipo ichi ndi chipatso chonse chakuchotsa tchimo lake; pamene iye adzayesa miyala yonse ya guwa la nsembe, ngati miyala yanjeresa yoswekasweka, zifanizo ndi mafano a dzuwa sizidzaukanso konse.

Deuteronomo 7:5

Koma muzichita nao motero: mukapasule maguwa ao a nsembe, ndi kuphwanya zoimiritsa zao, ndi kulikha zifanizo zao, ndi kutentha mafano ao osema ndi moto.