Yòwanìrzɛ̀ 9:7 - Mokpwe: Bakwery (New Testament)

⁷ Rzìi Yerzù à mò òhweyà ama, “Ɛndɛ ò rzòrze wòrzò wò aŋgɔ̀ ò ituŋgu ja Rzìlàwòmi” (jànda ja Rzìlàwòmi i hwèlì ndi nanù ema, “Lì òma.”) O èŋgànɛ̀lɛ̀ òŋgò mòtò à mà ɛ̀ndɛ rzìi a rzòrza mìirzɔ̀ ma eni, à mà tìmba, rzìi a ɛnɛ.

Yòwanìrzɛ̀ 9:7 Mawu Ofanana

Matiyò 11:5

È mò òhweyà nanù ema, “I ndima je ɛnɛ̀, i mbòkò je ɛ̀ndɛ, e wɔ̀ hwa nyàmbɛ ja mɛ̀lɔ̀ŋgɔ̀ hwa wɔ̀wìrzɛ̀hwɛ̀yi, e wɔ̀ hwa hwètòòtò hwa hweya. È wɔ̀ hwa ŋwelì hwa tìmbì hvɛ ò lòŋgɛ, ŋmɛ̀ndì mò gbamù mɔ̀ hvɛ mò òhwàyɛ̀lɛ̀hwɛ̀yi mèlìrzà me hwatò.

Lukàrzɛ̀ 13:4

Nɛ e ò hwɛ rzɔ nà lìnɛyi lìyòmɛ̀ la hwatò nà wàmbì, ema è ndawò è mà kàrzàma ò ŋmanyu rzayì-rzayì e mà rzuhweyà ò mbòwà yà Rzìlòwàmì rzìi hwa ŋwa e? O èŋgànɛ̀lɛ̀ e ɔ̀ŋgɛlɛ ema hwanù hwatò hwa mà gbeyà wòhwe, lì aka hwanɛ̀yi hwatò hwa arzɛ ema hwà mà hwɛ lì lìya ò Jèrurzalɛ̀mù e?

Lukàrzɛ̀ 2:32

Ŋmàye mò eni mò ò gbeyà hwaŋga hwatò ema hwa rza enje wònyà Yudà hwa ò hwiyà, ndèŋgàna a ò jànà èluhwe ò hwatò hwa aŋgɔ̀ hwa Irzàyɛ̀lì.”

Yòwanìrzɛ̀ 10:36

Imba ndì na hwèlì e mɔ̀ ema Lohwɛ̀ à nàmìrzɛ̀yi rzi a nò òmi ò rze, nɛ rzɔ inyɔ e tànɛ̀yi lì òhwa nanù ema imba na hwɛnyɛ Lohwɛ̀ e? Èhwanja imba na òhwi nanù ema imba ndì nà hwèlì è Ŋmanà wà ama Lohwɛ̀ e?

Yòwanìrzɛ̀ 11:37

Ndi hwanɛ̀ hvɛ hwà mà òhwa nanù ema, “O nò mòtò à mà wɔ̀wìrzɛ̀ e ndima mòtò rzeke òma à mà gbeyà ema Làrzàrɔ̀rzì a rzi ŋwe e?”

Yòwanìrzɛ̀ 9:11

A ma hwa òhweyà nanù ema, “È mòtò ema hwa hwɛlɛ Yerzù a tùki marzanja rzìi à nò nyàlɛ̀ è mɔ̀ ò mìirzɔ̀ mà ami,” rzìi à nò òhwèlì nanù ema, “Ɛ̀ndɛ ò ituŋgu jà malìhwa mà Rzìlàwòmi ò rzòrze wòrzò wà aŋgɔ̀, nà mà ɛ̀ndɛ rzìi nà wò rzòrza, rzìi nà wòteyà lì ɛnɛ.”

Yòwanìrzɛ̀ 9:39

Yerzù a òhwa nanù ema, “Imba na jelì ndi anù rze lì kaya, aŋga nanù i ndima ja ɛnɛ, rzìi hwaŋga ema hwa ɛnɛ hwa hwɛ ndima.”

Hwègbèèlì 26:18

O wa ò hwa lìhvòhwa mìirzɔ̀ ma awu aŋga nanù hwa anjiya ò ìtììtènì ja jìtìtì, hwa luwa ŋmàye rzìi hwa anjiya ò tenì ya e ŋginyà ya ama Mòkarzɛ̀ rzìi hwa ɛndɛ ò rze ya e ŋginyà ya ama Lohwɛ̀, eŋge eyà e gbeyà wɔ hwa luwa mèlàkìrzɛnɛ ò wòhwe wò awu, rzìi hwa hwɛ èki yɔ̀kɔ na hwatò ema Lohwɛ̀ à mà rzàŋgìrzɛ̀ ehwànja hwa nò lòkɛ̀.’”

Ròmànì 8:3

È mbenda e rzi tanɛ lì kulɛ wòhwe èhwanja e mòtò wa hwènàmà a rzi hwɛnɛ e ŋginyà ya lì e òŋgama. O èŋgànɛ̀lɛ̀ Lohwɛ̀ à mà gbeyà eyà ema e mbenda e rzi tanɛ lì gbeyà. A ma òma è Ŋmanà wà eni na e nyò ya e mòtò wa hwènàmà ema e gbeyà wòhwe, ò lì lìmìrzɛ̀ e ŋginyà ya wòhwe. Nà òma Lohwɛ̀ à mà gbeye nanù e ma kulɛ e ŋginyà ya wòhwe ò tenì ya e mòtò wa hwènàmà.

Gàletìyà 4:4

Ndi lìrzako ema e hvonda ya jɔ̀kɛ̀ e ma uke ema Lohwɛ̀ à mà kàkɛ̀nɛ̀, Lohwɛ̀ à mà oma Ŋmanà wa eni o rze. Oŋgo ŋmanà à mà uwɛ̀lɛ̀lɛ̀yi ndi o luŋga la molanà rzi a oŋgeya o rze ya e mbenda.