Yòwanìrzɛ̀ 9:5 - Mokpwe: Bakwery (New Testament)

⁵ Nà òma na hwèlì anu rze, imba ndi na hwèlì ŋmàye mò rze.”

Yòwanìrzɛ̀ 9:5 Mawu Ofanana

Matiyò 4:16

Hwatò ema hwa hwèlì ò jììtìtì, hwa ɛnɛ ŋmàye mòndɛnɛ̀; Hwatò ema hwa kòmbɛ̀nɛ̀ è kpelì hwa mà luwa li arzùŋgɛ̀.”

Matiyò 5:14

È gbeyi ndi nàa ètùlù ema e uŋmɛ̀lɛ̀ hwatò hwa arzɛ hwa ene rze e njiya ya ama Lohwɛ̀. Mbòwà e ma e òŋgàhwi ò ŋmanyu ya mòòlì e rza tanɛ lì utàmà.

Lukàrzɛ̀ 2:32

Ŋmàye mò eni mò ò gbeyà hwaŋga hwatò ema hwa rza enje wònyà Yudà hwa ò hwiyà, ndèŋgàna a ò jànà èluhwe ò hwatò hwa aŋgɔ̀ hwa Irzàyɛ̀lì.”

Yòwanìrzɛ̀ 12:46

Nà jelì ndi ò rze nàa ŋmàye, aŋga nanù tɔ̀ ima mɔ̀ ema a nò lòkɛ̀yì imba a rzi lììya ò jìtìtì.

Yòwanìrzɛ̀ 8:12

Yerzù à mà òhwìrzɛ̀nɛ̀ hvɛ hwatò, à mà òhwa nanù ema, “Imba ndì na hwèlì etùlù ya e rze. È mɔ̀ ema a nò nɔŋgi a rza tanɛ lì ɛ̀ndɛ ò jìtìtì, ndi à ò hwɛnɛ etùlù ya lòŋgɛ.”

Hwègbèèlì 13:47

Eyà ema Lohwɛ̀ a jò kànèlì nanù ema i gbeye, e hwèlì ndi nanù ema, ‘Nà ma ò gbeyà ndi nàa ŋmàye ò hwaŋga hwatò ema hwa rza enje wònyà Yudà, aŋga nanù, hwatò hwa arzɛ hwa e rze ya arzɛ hwa ò luwa lì òŋgìrzɛ̀ lì akeyà na ò wa.’”

Hwègbèèlì 26:18

O wa ò hwa lìhvòhwa mìirzɔ̀ ma awu aŋga nanù hwa anjiya ò ìtììtènì ja jìtìtì, hwa luwa ŋmàye rzìi hwa anjiya ò tenì ya e ŋginyà ya ama Mòkarzɛ̀ rzìi hwa ɛndɛ ò rze ya e ŋginyà ya ama Lohwɛ̀, eŋge eyà e gbeyà wɔ hwa luwa mèlàkìrzɛnɛ ò wòhwe wò awu, rzìi hwa hwɛ èki yɔ̀kɔ na hwatò ema Lohwɛ̀ à mà rzàŋgìrzɛ̀ ehwànja hwa nò lòkɛ̀.’”

Hwègbèèlì 26:23

Wɔ̀ hwà mà òhwa nanù ema è Mɔ̀ ema à Ɔ̀kirzɛ̀hwɛ̀yi a hwɛnì lì taka rzìi a hwɛ e mòtò hwa wòrzò ò lì hvùmùwà ò kpelì. A ò òhweyà hwatò nanù ema ŋmàye mò hvànyeya hwatò hwa wònyà Yudà na ò hwaŋga hwatò ema hwa rza enje wònyà Yudà nàŋgɛ.”

Ɛ̀hvìrzìyà 5:14

Ŋmàye ndi mo wuluhwa hweyà hwe wòhwe. Ɔ̀ndeŋgàtɛ̀ e ohwahwi nanù ema, “O wa ema o nàŋgaa imòwa, hvùmùwà o kpelì. Ŋmàye mo ama Krirztò mo uŋmɛ̀lɛ̀ o nyo ya aŋgɔ̀.”

Hwèwulùwèlì 21:23

Ène mbowà ndɛɛndɛ e rza arza igbèyi tɔ̀ ŋmɛ̀ɛlì o lì e hvàyeya ehwànja èluhwe ya ama Lohwɛ̀ yɔ̀ ndi e hwèlì ŋmàye mo eni, ndèŋgànɛ̀lɛ̀ e Ŋgumà ya Mɔ̀lɛ̀ŋgù ndi à gbèyi nàa ètùlu ya eni.