Yòwanìrzɛ̀ 9:39 - Mokpwe: Bakwery (New Testament)

³⁹ Yerzù a òhwa nanù ema, “Imba na jelì ndi anù rze lì kaya, aŋga nanù i ndima ja ɛnɛ, rzìi hwaŋga ema hwa ɛnɛ hwa hwɛ ndima.”

Yòwanìrzɛ̀ 9:39 Mawu Ofanana

Matiyò 11:5

È mò òhweyà nanù ema, “I ndima je ɛnɛ̀, i mbòkò je ɛ̀ndɛ, e wɔ̀ hwa nyàmbɛ ja mɛ̀lɔ̀ŋgɔ̀ hwa wɔ̀wìrzɛ̀hwɛ̀yi, e wɔ̀ hwa hwètòòtò hwa hweya. È wɔ̀ hwa ŋwelì hwa tìmbì hvɛ ò lòŋgɛ, ŋmɛ̀ndì mò gbamù mɔ̀ hvɛ mò òhwàyɛ̀lɛ̀hwɛ̀yi mèlìrzà me hwatò.

Matiyò 15:14

È rza atàkìrzɛ̀ ò nyòla ya awu! Hwa hwèlì ndi hwàtìmbèlì hwa ndima; mòtò wa ndìma a timbì tɛ òhvɛhvɛ mòtò wà ndìma, hwahwàkɛ hwa undà ò tenì yà èhvɔ̀ndì.”

Matiyò 6:23

Ndi lìirzɔ̀ là aŋgɔ̀ lì rza rzɛŋgi tɛ, è nyò yà aŋgɔ̀ ya arzɛ è ònda ndi nà jìtìtì. È hwèlì tɛ ema yòòma ema ò gbeyà ò ɛnɛ yɔ̀ ndi è ò ika ò tenì yà jìtìtì, aŋga nanù, iŋgi jìtìtì ema o ò hwɛ ò tenì, jò ò hwɛ ndi jìtìtì ndɛnɛ.

Lukàrzɛ̀ 1:79

Mònò mòrzɔnji-rzɔnji mò igbèyi, mò ò uŋmɛ̀lɛ̀ hwaŋga hwatò ema hwa hwèlì ò jìtìtì, nà è wɔ̀ hvɛ ema hwa kòmbɛ̀nɛ̀ è kpelì, ŋmàye. Ndèŋgàna irzɔ jò ò lùwa lìhwiyè ema lì jò uŋmɛ̀lɛ̀ è njiya ema e jànà lòŋgɛ la ɛ̀yɔ̀lɛ̀.”

Lukàrzɛ̀ 13:30

O èŋge hvònda hwatò ema hwà mà lìiya ò mburzà, wɔ̀ ndi hwa lòma lì ja ò wòrzò. Hwàŋga hvɛ ema hwa ò hwɛ ò wòrzò, wɔ̀ ndi wò hwɛ ò mburzà.”

Lukàrzɛ̀ 2:34

Rzimìyɔ̀nì rzìi, a hwa nàmìrzɛ̀, a òhweyà, Màlìyɛ̀ è nyàŋgò yà e Ŋmanà nanù ema, “Ɔ̀ŋgɔ tɛ! Ò nò Ŋmanà e ɛnɛ nanù à òmahwi ndi nà Lohwɛ̀. À ò jàneya lòŋgò la hwatò hwèkàyìrzèlì, lòŋgò hvɛ hwèyòŋgìrzèlì, ò èkòmè ya Irzàyɛ̀lì. Ò nò Ŋmanà a ò hwɛ ndi nàa ɛ̀mɛ̀nɛ̀nì ya ama Lohwɛ̀ ema rzayì-rzayì ja hwatò hwa ò mò teŋgɛ̀nɛ̀.

Lukàrzɛ̀ 4:18

“Èlìŋgɛ̀ yà ama è Rzàŋgò è hwèlì nà ìmba, èhwanja Lohwɛ̀ à nò hvɔ̀rzì, ò lì òhweyà mèlìrza me hwatò, Ŋmɛ̀ndì mò Gbamù. À nò òmì nà ŋmɛ̀ndì, ema hwatò ema hwa kakahwi ì ŋgɔ̀kɔ̀hwi hwa ò ulɛhwɛ ò iŋgi ŋgɔ̀kɔ̀hwi, ndèŋgàna hwaŋga hwatò ema hwa hwèlì ndima hwa ò ɛnɛ hwaŋga hwatò hvɛ ema hwa tàkàà ò màa mà hwahvɛhvɛ hwatò, imba nà hwa ulɛ̀ ò mèŋge mètàkà.

Lukàrzɛ̀ 7:21

Lirzàkò ema hwà mà ùke aŋga, à mà hwɛ lì wɔ̀wìrzɛ̀ rzayì-rzayì jà hwatò ema hwà mà ɔ̀kirzɛ merziyò na ì nyàmbɛ, na è wɔ̀ hwà mà òhva hwèlìŋgɛ̀ hwe wòhwe rzìi a wɔ̀wìrzɛ̀ hvɛ è wɔ̀ hwa ndima.

Yòwanìrzɛ̀ 12:31

O nàŋgɛ nanù e hvònda ene ema Lohwɛ̀ a kàyìrzɛ ene rze. Nàŋgɛ nanù e mòkànèlì wà ene rze a hweni lì kàyìrzɛ̀hwɛ.

Yòwanìrzɛ̀ 12:46

Nà jelì ndi ò rze nàa ŋmàye, aŋga nanù tɔ̀ ima mɔ̀ ema a nò lòkɛ̀yì imba a rzi lììya ò jìtìtì.

Yòwanìrzɛ̀ 3:17

Lohwɛ̀ à rzi òme è Ŋmanà wà eni ò rze yà mɔ̀nyɛ̀ ò lì kàyìrzɛ̀ hwatò. Ndi à mà mò òma ò lì rzùŋgà hwatò.

Yòwanìrzɛ̀ 3:19

Nànù ndi è mbàkò yà ama Lohwɛ̀ è hwèlì: ŋmàye mò mà jà ò rze yà mɔ̀nyɛ̀ ndi hwatò hwa lìŋgàni ndi jììtìtì lì aka ŋmàye, èhwanja hwègbèèlì hwe awu hwe hwèlì wòhwe.

Yòwanìrzɛ̀ 8:12

Yerzù à mà òhwìrzɛ̀nɛ̀ hvɛ hwatò, à mà òhwa nanù ema, “Imba ndì na hwèlì etùlù ya e rze. È mɔ̀ ema a nò nɔŋgi a rza tanɛ lì ɛ̀ndɛ ò jìtìtì, ndi à ò hwɛnɛ etùlù ya lòŋgɛ.”

Yòwanìrzɛ̀ 8:15

Inyɔ e kàyìrzɛ̀ ndi hwetɛmelì hwe ami hwe mòtò wa hwènàmà, imba na rza kàyìrzɛ̀ tɔ̀ mòtò mɔ̀kɔ

Yòwanìrzɛ̀ 9:25

Òŋgò mòtò rzìi a hwa alàhwɛ̀ nanù ema, “Nà rza hwi ŋga ònò mòtò a hwèlì ndi mòtò wa wòhwe tɔ̀ a rza enje mòtò wa wòhwe. Èya yɔ̀kɔ ema na hwi e hwèlì ndi nanù ema, nà mà hwɛ ndima ndì ò nàŋgɛ nanù na ɛnɛ.”

Hwègbèèlì 26:18

O wa ò hwa lìhvòhwa mìirzɔ̀ ma awu aŋga nanù hwa anjiya ò ìtììtènì ja jìtìtì, hwa luwa ŋmàye rzìi hwa anjiya ò tenì ya e ŋginyà ya ama Mòkarzɛ̀ rzìi hwa ɛndɛ ò rze ya e ŋginyà ya ama Lohwɛ̀, eŋge eyà e gbeyà wɔ hwa luwa mèlàkìrzɛnɛ ò wòhwe wò awu, rzìi hwa hwɛ èki yɔ̀kɔ na hwatò ema Lohwɛ̀ à mà rzàŋgìrzɛ̀ ehwànja hwa nò lòkɛ̀.’”

2 Kɔ̀rintìyà 2:16

O hwatò ema hwa hwèlì o njiya ema e rzɔ̀lɛ̀nɛ̀ Lohwɛ̀, ŋmɛ̀ndì mò gbamù ema irzɔ i hwa ohweyà, mo hwèlì ndi nàa erzunju ya tòòtòò ya wòhwe ema e hwa oŋwa. Hwanɛyi hwatò ema hwa hwèlì o njiya ya lì ɛndɛ o ma Lohwɛ̀, ŋmɛ̀ndì mò gbamù ema i hwa ohweyà, mò hwèlì ndi nàa erzunju ya gbamù ya hvɛ̀ɛ̀hvɛ̀ èhwanja irzɔ i hwèlì i hwa ohweyà nanù ema, wɔ̀ hwa o hwɛ o lòŋgɛ na Lohwɛ̀ o gbìndèyà na gbìndèyà. Njɛnɛ rzɔ a tànɛyi o lì gbeyà ene tumba èwòlò e?

Ɛ̀hvìrzìyà 5:14

Ŋmàye ndi mo wuluhwa hweyà hwe wòhwe. Ɔ̀ndeŋgàtɛ̀ e ohwahwi nanù ema, “O wa ema o nàŋgaa imòwa, hvùmùwà o kpelì. Ŋmàye mo ama Krirztò mo uŋmɛ̀lɛ̀ o nyo ya aŋgɔ̀.”

2 Tɛ̀rzàlonìyà 2:10

A gbeyàna nyayi na nyayi ja meyano me wòhwe o hwatò ema mòŋgɛ ma awu mo ò hvàŋgahwɛ̀. Mòŋgɛ ma awu ma o hvàŋgahwà ehwànja wɔ̀ hwa rzɔ̀rzì o lì lìŋgàna e jɔ̀kɛ̀ ema e o hwa kɔ̀tɛ.

1 Pètrò 2:9

Ndi inyɔ ndi e hwèlì hwatò ema Lohwɛ̀ à mà hvɔ̀rzɛ̀, Ipìlìrzì ja ama Lohwɛ̀ ema mɔ̀ ndi à hwèlì e kiŋgɛ. È hwèlì ndi èkòmè ya wòtani, ndèŋgànɛ̀lɛ̀ Lohwɛ̀ ŋmitɛ-ŋmitɛ ndi à e hwɛni, aŋga nanù inyɔ e uŋmɛ̀lɛ̀ hwahvɛhvɛ hwatò na oma mɔ̀ à hwèlì gbamù. Lohwɛ̀ à mà e ulɛ ò tenì ya jìtìtì ndèŋgànɛ̀lɛ̀ mɔ̀ à mà e jànà o ŋmàye.

1 Yòwanìrzɛ̀ 2:11

Ndi tɔ̀ njɛnɛ hvɛ ema à kɔ̀wu ŋmanyàŋgò tɔ̀ ndomɛ̀ wà eni nanù oma à ohvi ndi lòŋgɛ là jììtìtì. Èŋge tùmba mòtò à ɛ̀ndɛ̀ya ndi ò tenì yà jììtìtì ndèŋgànɛ̀lɛ̀ à rza hwi èki ema à ɛ̀ndɛ̀ ehwànja jììtìtì ì mà mò gbeyà à mà tìmba ndi nàa ndìma.