Yòwanìrzɛ̀ 9:34 - Mokpwe: Bakwery (New Testament)

³⁴ Iŋgi Ihvàlìrzàyì rzìi ì mò alàhwɛ̀ nanù ema, “O ma ŋyàahwà ndì ò wòhwe rzì ò òŋgeya hvɛ ò tenì ya wòhwe, rzìi nàŋgɛ wa arza lì jò òkòlɛ̀ e?” Rzìi hwa mò hvaya ò ndawò ya màkanɛ̀.

Yòwanìrzɛ̀ 9:34 Mawu Ofanana

Lukàrzɛ̀ 11:45

Mòòkòlèlì mɔ̀kɔ wà mbenda, rzì a mò òhweyà nanù ema, “Mòòkòlèlì, ò òhwa tɛ nanù, ò ma ò jò hwɛnyi irzɔ hvɛ.”

Lukàrzɛ̀ 14:11

O èŋgànɛ̀lɛ̀ e hwiye ema, tɔ̀ ima mòtò ema à akàrzɛ mɔ̀ ŋmìti Lohwɛ̀ à mò rzìhwìrzɛ̀. Òŋgò hvɛ ema à arzìhwìrzɛ̀ mɔ̀ ŋmìti, Lohwɛ̀ à mò kàrzɛ̀.”

Lukàrzɛ̀ 18:17

Nà è òhweyà è jɔ̀kɛ̀ nanù ema, tɔ̀ ima mɔ̀ ema à rza ìmànɛ̀lɛ̀ lìkànèyà la ama Lohwɛ̀ nàa ŋmanà mòrzàlì a rza lì kpèeyà.”

Lukàrzɛ̀ 6:22

Mònàmɛ̀ nà inyɔ ema è kɔ̀ɔ̀hwi nà hwatò rzìi hwa è ndinda ò ìtììtènì ja awu rzìi hwa è hwɛnyɛ̀ rzìi hwa è hwɛlɛ mìnà ma wòhwe èhwanja è òŋgama è Ŋmanà wà e Mòtò wà Hwènàmà.

Yòwanìrzɛ̀ 6:37

Hwatò hwa arzɛ ema Tatɛ̀ wà ami à nò ŋgbelì hwa ò nò jèeyà. Tɔ̀ njɛnɛ ema à nò jɛ̀lɛ̀lɛ̀ nà rza mò rzɔ̀rzɔ̀.

Yòwanìrzɛ̀ 8:41

Inyɔ e gbeyà ndi hwèŋge hweyà ema e rzàŋgò ya anyu e gbeyà.” Hwà mà timbirzɛlɛlɛ na mbùnakɛ̀ nanù ema, “I rza enje ndi hwàna hwa mòrzònje, e rzàŋgò mɛnɛ ema i hwɛnì e hwèlì ndi Lohwɛ̀ mɔ̀ ŋmìti.”

Yòwanìrzɛ̀ 9:2

Hwà-òkòwèlì hwa eni rzìi hwa mò ijòwa nanù ema, “Ìi Mòòkòlèlì, wòhwe wò ama njɛnɛ wò gbèyi ndèŋgàtɛ̀ ònò mòtò à mà ŋyàahwànà e ndima e? È ma hwɛ ndi wòhwe wò eni, ŋga e wò ama e rzàŋgò ya eni na e nyàŋgò ya eni ndèŋgàtɛ̀ à mà ŋyàahwà nanù e?”

Yòwanìrzɛ̀ 9:22

Rzàŋgò na nyàŋgò wa eni hwà mà òhwa ndi nanù èhwanja hwà mà òka hwatò hwa lìkànèyà là wònyà Yudà wɔ̀ŋgɔ̀. Hwatò hwa wònyà Yudà hwà mà òhwa nanù ema tɔ̀ ima mɔ̀ ema a òhwi nanù ema Yerzù ndi à hwèlì è Mɔ̀ ema à Ɔ̀kirzɛ̀hwɛ̀yi, hwa mò hvaya ò ndawò ya màkanɛ̀.

Yòwanìrzɛ̀ 9:35

È hvònda ema Yerzù à mà hweyà nanù ema hwà mà hvaya òŋgò mòtò ema à mà wɔ̀wìrzɛ̀ ò e Ndawò ya màkanɛ̀, rzìi a mò arza. Nà òma à mà mò ɛnɛ, rzìi a mò ijòwa nanù ema, “O lòkɛ̀ è Ŋmanà wà è Mòtò wà Hwènàmà e?”

Yòwanìrzɛ̀ 9:40

Lòŋgò là Ihvàlìrzàyì hwà mà hwɛ aŋga na mɔ̀, hwà mà hwèya na òma Yerzù à mà òhwe hwenè hweyà rzìi hwa mò ijòwa nanù ema, “I lòkɛ̀ nanù ema jànda ja ene mbɔrzi i rza òhwi ndi nanù ema irzɔ hvɛ i hwèlì ndima e?”

1 Kɔ̀rintìyà 5:13

Lohwɛ̀ a kàyìrzɛ̀ hwaŋga hwatò ema hwa rza enje o mòndeŋgè mò wònyà Krirztò. È tìlahwì o kààtì ya Lohwà nanù ema, “È hwɛnì lì ulɛ òŋgo mòtò wa wòhwe o ìtììtènì ja anyu.”

Gàletìyà 2:15

Irzɔ ema o hwèŋyàyèlì i hwèlì ndi wònyà Yudà, i rza enje ndi nàa hwatò ema hwa rza enje wònyà Yudà ema irzɔ i hwi nanù ema hwa rza hwi e mbenda ya ama Lohwɛ̀.

Ɛ̀hvìrzìyà 2:3

Irzɔ hwa arzɛ hvɛ i mà hwɛ ndi nàa wɔ̀. I mà hwɛ hvɛ ndi lì gbeyà hweyà o lì òkìrzɛ̀ e nyàma nyo mɔ̀nyɛ̀ŋgì. I ma hwɛ lì gbeyà hweyà hwe wòhwe na oma inyo ja arzu i ma arze nà e hweyɔ hvɛ ema màlùtèyà ma arzu ma mà arze. Wono wòhwe ema i ma hwɛ lì gbeyà, wo ma hwɛnɛ lì gbeyà Lohwɛ̀ o lì jo kɔ̀kìrzɛ̀ molemilemi na oma a kɔ̀kìrzɛ̀ hwatò hwa arzɛ.

1 Pètrò 5:5

Ŋgànà hvɔ̀kɔ hvɛ mɛnɛ, inyɔ hwatò ema e rzi rzɔ̀ mòkèka, e arzihwirzɛ o hwàmbaki hwa anyu. Inyɔ hwa arzɛ e arzìhwìrzɛ̀lɛ̀lɛ̀ mɔ̀kɔ na ɔ̀nɛyi, ehwànja e tìlahwì o e kààtì ya Lohwà nanù ema, “Lohwɛ̀ a teŋgɛ̀nɛ̀ hwatò ema hwa ohvi kumba ndi à uŋmɛ̀lɛ̀ ŋmèma mo gbamù o hwaŋga hwatò ema hwa arzihwirzɛ.”

3 Yòwanìrzɛ̀ 1:10

O eŋgànɛlɛ rzɔ, na jelì tɛ aŋga, na ohweyà hwatò hwa ŋmèmba mamɛ ya arzɛ ema mɔ̀ à gbeyà. Hweya ema mɔ̀ à gbeyà hwe hwèlì ndi, hwèyòhwèlì hwe mòlàŋgà mo èèti o lì jo hvomɛ̀nɛ̀, ndèŋgànɛlɛ hvɛ mɔ̀ à rza kàrzɛ wònyànyàŋgo hwa arzu hwa ama Krirztò, ndèŋgànɛlɛ hvɛ mɔ̀ à kekà hwà hvɛhvɛ hwatò ò lì hwa kàrzɛ. Ndeŋgànɛ̀lɛ̀ mɔ̀ à hwa hvaya o ŋmèmba.

3 Yòwanìrzɛ̀ 1:9

Nà ma tìleya ŋmèmba ema mo hwèlì o mbowà ndɛnɛ ya aŋgɔ̀ kààti, ndi Dìyòtrɛ̀hvɛ̀rzì a rzi emeyà lì gbeyà mamɛ nà mà tile ehwànja à mà arza lì hwɛ e mòtìmbèlì wa ŋmèmba.

Hwèwulùwèlì 13:17

Tɔ̀ ima mòtò ema a rzi hwɛnɛ ene èmɛ̀nɛ̀nì à rzi tànɛyi lì anda tɔ̀ lì àhwìrzɛ̀ è nyòŋga. Ène èmɛ̀nɛ̀nì è hwèlì ndi lìinà là èŋge èembe, tɔ̀ mɔ̀rzɔ̀ŋgi mò lìinà là eni.