Yòwanìrzɛ̀ 9:30 - Mokpwe: Bakwery (New Testament)

³⁰ Oŋgò mòtò a hwa alàhwɛ̀ nanù ema, “Rzekɛ eyà ya hwètàmirzelì ene! È rza hwi òne a uwɛ̀lɛ̀lɛ̀yi ndi à nò wɔ̀wìrzɛ̀ ò ene ndima yà ami!

Yòwanìrzɛ̀ 9:30 Mawu Ofanana

Matiyò 11:5

È mò òhweyà nanù ema, “I ndima je ɛnɛ̀, i mbòkò je ɛ̀ndɛ, e wɔ̀ hwa nyàmbɛ ja mɛ̀lɔ̀ŋgɔ̀ hwa wɔ̀wìrzɛ̀hwɛ̀yi, e wɔ̀ hwa hwètòòtò hwa hweya. È wɔ̀ hwa ŋwelì hwa tìmbì hvɛ ò lòŋgɛ, ŋmɛ̀ndì mò gbamù mɔ̀ hvɛ mò òhwàyɛ̀lɛ̀hwɛ̀yi mèlìrzà me hwatò.

Matiyò 21:42

Yerzù rzi a hwa òhweyà nanù ema, “È rzi laŋgi ò èki ema Èya ya Lohwà e òhwa nanù ema, ‘Lìnyayi ema hwà-òŋgèlì hwà mà hvake na yòma ya ŋgundu, lì ɔ̀ndi lì ma timbɛ lìŋyàyi ema lì endàhwàwɛlɛ. È Rzàŋgò ndi à mà gbeyà ene eyà. Ndèŋgànɛ̀lɛ̀ e hwèlì mànyakà ò mirzɔ̀ ma arzu.’

Makòrzì 6:6

Yerzù a mà ònda nà hwètàmirzelì èhwanja hwanù hwatò hwa rzi hwɛnɛ lì lòkɛ̀. Yerzù rzìi a ɛ̀ndɛ ò màmbòwà ma rzàlì ema ma mà hwɛ lì kòmbɛ̀nɛ̀ aŋga ò lì òkòlɛ̀ hwatò.

Lukàrzɛ̀ 7:22

Yerzù à mà tìmbìrzɛ̀lɛ̀ hwà-òkòwèlì hwa ama Yòwanìrzɛ̀ nanù ema, “È tìmbè e òhweyà Yòwanìrzɛ̀ mamɛ ema e ɛnì nà mamɛ ema e hweyi. È mò òhweyà nanù ema, hwatò ema hwà mà hwɛ ndima hwa ɛnɛ̀, è wɔ̀ hvɛ ema hwà mà hwɛ mbòkò wɔ̀ hvɛ hwa ɛ̀ndɛ, hwaŋga hwatò hvɛ ema hwà mà hwɛ̀nɛ̀ e nyàmbɛ ya mɛ̀lɔ̀ŋgɔ̀ wɔ̀ hvɛ hwà mà tànìrzɛ̀hwɛ̀. Hwàŋga hwatò hwa hwètòòtò wɔ̀ hvɛ hwa hweya, è wɔ̀ hwa ŋwelì hwa tìmbì hvɛ ò lòŋgɛ, ndèŋgànɛlɛ Ŋmɛ̀ndì mò Gbamù mò òhwàyɛ̀lɛ̀hwɛ̀yi mèlìrzà me hwatò.

Yòwanìrzɛ̀ 12:37

Tɔ̀ nɛ Yerzù à mà gbeye manù mànyakà ma arzɛ ò marzò ma awu, eŋge ŋgindi e rzi mò lòkɛ̀.

Yòwanìrzɛ̀ 3:10

Yerzù rzìi à mò alàhwɛ̀ nanù ema, “O wa ò hwèlì ndi Mòòkòlèlì mò ndɛnɛ wa wònya Irzàyɛ̀lì ndi ò wa ò rza rzɔ̀ŋgìtɛ̀nɛ̀ hwenè hweyà e?

Yòwanìrzɛ̀ 9:29

I hwi nanù ema Lohwɛ̀ à mà òhwìrzɛ̀nɛ̀ Mòrzè, ndi i rza hwi òne ònò mòtò a uwɛ̀lɛ̀lɛ̀yi.”

Yòwanìrzɛ̀ 9:31

I hwi nanù ema Lohwɛ̀ a rza alàhwɛ̀ màkanɛ̀ ma hwatò hwa wòhwe, ndi à alàhwɛ̀ ndi màkanɛ̀ ma hwatò ema hwa mò ŋgba èluhwe na lì gbeyà mamɛ ya arzɛ ema a arza.

2 Kɔ̀rintìyà 4:6

Lohwɛ̀ ema à mà ohwa nanù ema, “Ŋmàye mo hvanye o èki ema e ma loma lì hwɛ jìtìtì,” Mɔ̀ ndi à gbèyi moŋgo ŋmɛ̀ndì mo ama Yerzù o lì hwɛ nàa ŋmàye ema mo hvànya o mèèmà me arzu. Lohwɛ̀ à mà jo gbeyà ene o irzɔ hwa arzɛ ema i lòkɛ̀yi Yerzù ene eyà. Lohwɛ̀ à mà gbeyà ndi nanù, aŋga nanù hwatò hwa hwiya nanù ema mɔ̀ à hwèlì wòlìto ò ma hwatò hwà mà hwiya nanù ema Yerzù Krirztò a hwèlì ndi nàa mɔ̀.