Yòwanìrzɛ̀ 9:22 - Mokpwe: Bakwery (New Testament)

²² Rzàŋgò na nyàŋgò wa eni hwà mà òhwa ndi nanù èhwanja hwà mà òka hwatò hwa lìkànèyà là wònyà Yudà wɔ̀ŋgɔ̀. Hwatò hwa wònyà Yudà hwà mà òhwa nanù ema tɔ̀ ima mɔ̀ ema a òhwi nanù ema Yerzù ndi à hwèlì è Mɔ̀ ema à Ɔ̀kirzɛ̀hwɛ̀yi, hwa mò hvaya ò ndawò ya màkanɛ̀.

Yòwanìrzɛ̀ 9:22 Mawu Ofanana

Lukàrzɛ̀ 6:22

Mònàmɛ̀ nà inyɔ ema è kɔ̀ɔ̀hwi nà hwatò rzìi hwa è ndinda ò ìtììtènì ja awu rzìi hwa è hwɛnyɛ̀ rzìi hwa è hwɛlɛ mìnà ma wòhwe èhwanja è òŋgama è Ŋmanà wà e Mòtò wà Hwènàmà.

Yòwanìrzɛ̀ 1:19

Hwàmbaki hwa hwatò hwa wònyà Yudà ò e mbòwà ya Jèrurzalɛ̀mù hwà mà òma lòŋgò la Pìlìrzì na lòŋgò la hwatò hwa lìtumba la ama Lɛ̀hvì òma Yòwanìrzɛ̀ ò lì mò ijòwa nanù ema, njɛnɛ mɔ̀ à hwèlì.

Yòwanìrzɛ̀ 16:2

Wɔ̀ hwa ò e hvaya ò tenì ya e ndawò ya màkanɛ̀. Ò jɔ̀kɛ̀, o ò ja hvònda ema tɔ̀ ima mɔ̀ ema a ò e òŋwɛ, a ò ɔ̀ŋgɛ̀lɛ̀ ndi ema a gbèeyà ndi Lohwɛ̀ èwòlò.

Yòwanìrzɛ̀ 19:38

Ò mburza yà nanù, Jòrzɛ̀hvù ema à mà uwɛ̀lɛ̀lɛ̀yi ò mbòwa yà Àrìmàtìyà à mà òhweyà Pìlatò nanù ema à mò ŋgbe wònja ò lì wòwa èèmbè yà ama Yerzù. Jòrzɛ̀hvù à mà hwɛ ndi mòòkòwèlì wà ama Yerzù ndi à rza àwùŋmɛ̀lɛ̀ mɔ̀ ŋmìti èhwanja à mà òka hwatò hwa wònyà Yudà wɔ̀ŋgɔ̀. Pìlatò à mà mò ŋgbà è wònjà ò lì wòwa èèmbè yà ama Yerzù. Ò èŋgànɛ̀lɛ̀ à mà ɛndɛ lì wòwa èèmbè yà ama Yerzù.

Yòwanìrzɛ̀ 20:19

O èŋge ŋgòmbe ya Rzɔ̀ɔ̀ndi mɛnɛ, Hwà-òkòwèlì hwa ama Yerzù hwà mà arzaŋganɛ ò tenì ya ndawò, rzìi hwa umbanɛ èhwanja hwà mà hwɛ lì òka wònyà Yudà wɔ̀ŋgɔ̀. Yerzù rzìi a hwa wurzeya rzìi a tɛ̀mɛ̀ ò ìtììtènì ja awu, rzìi a òhwa nanù ema, “Ɛ̀yɔ̀lɛ̀ e hwɛ nà inyɔ.”

Yòwanìrzɛ̀ 7:13

Ndi tɔ̀ mɔ̀kɔ wa awu a rzi tànɛyi lì òhwa tɔ̀ eyà lì mò hvòmɛ̀nɛ̀, èhwanja hwà mà òka lìkànèyà la wònyà Yudà wɔ̀ŋgɔ̀.

Yòwanìrzɛ̀ 9:18

Hwatò hwa wònyà Yudà hwa rzìi lòkɛ̀ nanù ema òŋgò mòtò à mà lòma lì hwɛ ndima. Ène eyà e ma gbeyà ema hwa hwɛlɛ e rzàŋgò na e nyàŋgò ya eni.

Yòwanìrzɛ̀ 9:21

Ndi i rza hwi mamɛ e gbèyɛ̀nɛ ndèŋgàtɛ̀ a ɛnɛ nàŋgɛ, i rza hwi hvɛ tɔ̀ njɛnɛ a mò wɔ̀wìrzɛ̀yi ò e ndima ya eni. È mò ijòwe a uki mòkèka ema a tanɛ lì alàhwɛ̀ mɔ̀ ŋmìti.”

Yòwanìrzɛ̀ 9:34

Iŋgi Ihvàlìrzàyì rzìi ì mò alàhwɛ̀ nanù ema, “O ma ŋyàahwà ndì ò wòhwe rzì ò òŋgeya hvɛ ò tenì ya wòhwe, rzìi nàŋgɛ wa arza lì jò òkòlɛ̀ e?” Rzìi hwa mò hvaya ò ndawò ya màkanɛ̀.

Yòwanìrzɛ̀ 9:35

È hvònda ema Yerzù à mà hweyà nanù ema hwà mà hvaya òŋgò mòtò ema à mà wɔ̀wìrzɛ̀ ò e Ndawò ya màkanɛ̀, rzìi a mò arza. Nà òma à mà mò ɛnɛ, rzìi a mò ijòwa nanù ema, “O lòkɛ̀ è Ŋmanà wà è Mòtò wà Hwènàmà e?”

Hwègbèèlì 4:18

Aŋga ndi hwa a hwa hwɛlìrzɛ hvɛ rzìi hwa hwà kòkòwɛ̀lɛ̀ kɔ̀yi-kɔ̀yi nanù ema, hwa rzi keka tɔ̀ e hwɛ ndi mamɛ lì òhwa tɔ̀ lì òkòlɛ̀ eyà hvɛ ò lìna la ama Yerzù.

Hwègbèèlì 5:13

Tɔ̀ nɛ hwatò hwà mà hwa hwɛlɛ miinà mà gbamù, hwaŋga hwà mà òka wɔ̀ŋgɔ̀ ò lì hwa lata nanù mɛnɛ.

Hwègbèèlì 5:40

Hwà mà hwɛlɛ I àpɔ̀rzìtòlò ò lì kpèeyà ò tenì ya e ndawò. Rzìi hwa hwà gbìiyɛ̀ hvònji, rzìi hwa hwà kànèyà nanù ema hwa rza arza lì hweyà nanù ema hwa gbeyànì lìinà la ama Yerzù hvɛ. Rzìi hwà hwa hwɛmɛ nanù ema hwa ɛndɛ.

Hwèwulùwèlì 21:8

Ndi nà hwatò ema hwa ohvi erzorze ò tenì yà awu, hwaŋga ema hwa rza lòkɛ̀, hwaŋga ema hwa gbeyà hweyà hwe mbindo, hwatò ema hwa oŋwa hwahvɛhvɛ hwatò, hwatò ema hwa gbeyà hweyà hwe mòrzònje, hwa aŋgba mààŋga, hwatò ema hwa gbèeyà mòòhwà mà mòlàŋga nà hwatò hwa arzɛ hwa mòlàŋga, èki yà awu è hwèlì ndi yùlu yà mùnya ema è tùmbana rzayi-rzayi. Ène kpelì ndi e hwèlì e kpelì ya hwèlìŋgɛ̀.”