Yòwanìrzɛ̀ 9:16 - Mokpwe: Bakwery (New Testament)

¹⁶ Lòŋgò la Ihvàlìrzàyì rzìi hwa wòteya lì òhwa nanù ema, “È mòtò ema a gbèyi ene eyà a rza tànɛyi lì uwɛ̀lɛ̀lɛ̀yi òma Lohwà, èhwanja a rza ika e mbenda ya Wùnyà wò lì Arzìyòlɛ̀.” Rzìi hwanɛ̀yi hwa wòteya lì òhwa nanù ema, “Nɛ mòtò ema a hwèlì mòtò wa wòhwe a tànɛyi lì gbeyà ini nyayi ja mànyakà ma eyà e?” Hwà mà akahwanɛ̀ wɔ̀ na wɔ̀.

Yòwanìrzɛ̀ 9:16 Mawu Ofanana

Matiyò 12:10

O ma hwɛ mòtò mɔ̀kɔ aŋga ema à mà ɔ̀kirzɛ̀ mɔ̀ɔ̀ mò njɛmbu. O ma hwɛ hvɛ hwatò aŋga e ma hwa ma hwɛ lì arza ò lì rzɔ̀ɔ̀ Yerzù njɔ̀mì. Rzìi hwa mò ijòwa nanù ema, “È mbenda e arzu e ŋgbelì wònja ema mòtò a wɔ̀wìrzɛ̀hwɛ ò Wùnya wò lì Arzìyòlɛ̀ e?”

Matiyò 12:2

Nà òma Ihvàlìrzàyì i ma ɛnɛ mamɛ ema hwa ma gbèye rzìi hwa òhwàna Yerzù nanù ema, “Ɔ̀ŋgɔ tɛ, Hwà-òkòwèlì hwa aŋgɔ̀ hwa gbeyà mamɛ ema e mbenda e rza ŋgbelɛ wònja ò lì gbeyà ò wùnyà wò lì Àrzìyòlɛ̀!”

Lukàrzɛ̀ 13:14

È mòkànèlì wà èŋge ndawò ya màkanɛ̀ yà wònyà Yudà à mà tàta èhwanja Yerzù à mà wɔ̀wìrzɛ̀ òŋgò mòlanà ò Wùnya wò lì Arzìyòlɛ̀. Rzìi à òhweyà hwatò nanù ema, “O hwèlì mèenyà mòtòhwa me èwòlò. È arza tɛ lì wɔ̀wìrzɛ̀hwɛ e je ndi mèŋge menya, rzeketɛ ò Wùnya wò lì Arzìyòlɛ̀.”

Yòwanìrzɛ̀ 10:19

Yerzù à mà òhwe hwenè hweyà nanù, rzi hwatò hwa wònyà Yudà hwa a kahwanɛ̀ hvɛ.

Yòwanìrzɛ̀ 14:11

È nò lòkɛ̀yi, na òhwi tɛ nanù ema na hwèlì ò tenì ya ama Tatɛ̀ ndèŋgànɛ̀lɛ̀ hvɛ Tatɛ̀ a hwèlì ò tenì ya ami. È lòkɛ̀yi tɛ eŋge e lòkɛ̀ hvɛ hweyà hwe mànyakà ema na gbeyà.

Yòwanìrzɛ̀ 15:24

Imba na rzi gbeeye tɛ lòŋgò la hweyà ò ìtììtènì ja awu ema tɔ̀ mòtò a rzi gbeyi ò ma wòhwe wò awu, me rzi wuluwahwe. Ndi ò nàŋgɛ hwà mà ɛnɛ hweyà hwe arzɛ ema nà mà gbeye ndì tɔ̀ nanù hwa nò kɔwu ndèŋgànɛlɛ hwa kɔwu hvɛ Tatɛ̀ wa ami.

Yòwanìrzɛ̀ 2:11

Manù mànyakà ndi ma hwèlì embànelì ya wòrzò, ya hwètàmìrzèlèlì ya ama Yerzù ema à mà gbeye ò mbòwà ya Kena, ò erzòòkà ya Galìlì. Anu ndi à mà awùlùhwɛ èluhwe ya eni rzìi Hwà-òkòwèlì hwa eni hwa ika lìlòkɛ̀ lì awu na mɔ̀.

Yòwanìrzɛ̀ 3:2

Wuu wɔ̀kɔ à mà ɛ̀ndɛ lì ùŋmanɛlɛ Yerzù rzìi a mò òhweyà nanù ema, “Ìi Mòòkòlèlì, irzɔ i hwi nanù ema ò hwèlì ndi Mòòkòlèlì ema a òmahwi na Lohwɛ̀. O rza enje tɔ̀ mòtò tɔ̀ mɔ̀kɔ ema a tànɛyi lì gbeyà manù mànyakà ma arzɛ ema ò gbeyà e hwèlì tɛ ema Lohwɛ̀ a rza enje na mɔ̀.”

Yòwanìrzɛ̀ 5:10

Nà òma hwàkànèlì hwa wònyà Yudà hwa mà ɛnɛ òŋgò mòtò ema Yerzù à mà wɔ̀wìrzɛ̀ rzìi hwa mò ijòwa nanù ema, “Wùùnyà wò yàwònò wò hwèlì ndi Wùùnyà wò lì Arzìyòlɛ̀. È hwèlì ndi eyà è teŋgɛ̀nɛ̀ è mbenda ema ò hwanɛ̀ lìkɔ̀kɔ̀ lì aŋgɔ̀ nà lì ahwànà.”

Yòwanìrzɛ̀ 5:36

Ndi na hwɛni mbòŋgi ema e karzami lì aka Yòwanìrzɛ̀. Èwòlò ema Tatɛ̀ wa ami a nò ŋgbelì ò lì e gbeyàna lì e kulɛ, yɔ yiti ndi e nò tɛmelì mbòŋgi ema Tatɛ̀ wa ami ndi à na òmi.

Yòwanìrzɛ̀ 6:52

Hwàŋga hwatò hwà mà hweye nanù, hwà mà tata, hwa wòteya lì tɔ̀kirzɛnɛ wɔ̀ na wɔ̀, rzi hwa ijòwanɛ nanù ema, “Nɛ ònò mòtò a àŋgàmɛ̀nɛyi lì jò ŋgbà e nyàmà nyò ya eni ema i lee e?”

Yòwanìrzɛ̀ 7:12

O ìtììtènì ja eŋge ŋgindi ema e mà hwɛ ò ndèma lòŋgò la hwatò hwa mà hwɛ lì òhwa nanù ema, “À hwèlì ndi mòtò wà gbamù,” ndi hwahvɛhvɛ hwà mà òhwa nanù ema, “Jàyɛ̀, a ɔnjɔ ndi hwatò.”

Yòwanìrzɛ̀ 7:23

È hwèlì tɛ ema mòtò à endàhwà ò wùnyà wò lì arziyòlɛ, aŋga nanù ò ma hwà mà unda e mbenda yà ama Mòrzè. Yaa mamɛ ndèŋgàtɛ̀ e nò tatana èhwanja na wɔ̀wìrzɛ̀ mòtò ò wùnyà wò lì arziyòlɛ e?

Yòwanìrzɛ̀ 7:43

O èŋgànɛ̀lɛ̀ rzɔ e ŋgìndì ema akahwanɛ lì mò hvòmɛ̀nɛ̀.

Yòwanìrzɛ̀ 9:24

È ŋgèlì e ùkirzɛ̀ ihwàkɛ rzìi hwaŋga hwatò hwa wònyà Yudà hwa hwɛlɛ hvɛ òŋgò mòtò ema à mà ŋyàahwàna e ndima, rzìi hwa mò òhweyà nanù ema, “O lìna la ama Lohwɛ̀ òhwa e jɔ̀kɛ̀ ya aŋgɔ̀. I hwi nanù ema ònò mòtò ema a ò wɔ̀wìrzɛ̀ a hwèlì ndi mòtò wa wòhwe.”

Hwègbèèlì 14:4

Hwàtò hwa èŋge mbòwà ndɛ̀nɛ hwà mà akahwanɛ mòòŋgò ma hwàkɛ. Lòŋgò la hwatò hwà mà timbana wònyà Yudà e mburza hwanɛyi hwatò wɔ̀ hvɛ I àpɔ̀rzìtòlò.