Yòwanìrzɛ̀ 9:1 - Mokpwe: Bakwery (New Testament)

¹ Nà òma Yerzù à mà hwɛ lì ɛ̀ndɛ, à mà ɛnɛ mòtò mɔ̀kɔ ema à mà hwɛ ndima lì wòteya ò hwè ŋyàawèlì hwe eni.

Yòwanìrzɛ̀ 9:1 Mawu Ofanana

Matiyò 20:30

Hwatò hwahwakɛ ema hwà mà hwɛ ndima hwà mà lìya ò tòŋgòŋgò ya njiya. Nà òma hwà mà hweye ema Yerzù mɔ̀ ndi à hwèlì a aka, rzìi hwa wòteyà lì tɛ nanù ema, “Ìi Rzàŋgò e Ŋmanà wà munyanà wà ama e nyɔ̀ŋgɔ̀nì ya ama Dàhwitì ò jò òkeya ììlì!”

Matiyò 9:27

Nà òma Yerzù mɔ̀ à mà anjiye aŋga òma, ndima ihwàkɛ ja wunyanà hwa wòteyà lì mò nɔ̀ŋgɔ, rzìi hwa a tɛ lì òhwa nanù ema, “Ìi Ŋmanà wa e nyɔ̀ŋgɔ̀nì wà ama Dàhwitì ò jò òkeya ììlì!”

Makòrzì 9:21

Yerzù rzìi a ijòwa òŋgò ŋmanà wà mùnyanà rzàŋgò wà èni nanù ema, “Ima hvòkà yà hvònda ema mɔ̀ à mà take nanù e?” Rzìi à mò alàhwɛ̀ nanù ema, “Lìwòteyà a mà hwɛ jùma ŋmanà.

Lukàrzɛ̀ 8:43

Mòlanà mɔ̀kɔ à ma hwɛ aŋga, ema à ma hwɛ lì wurzà màyija ò nyò yà èni yà mòlanà lìyòmɛ̀ la meya nà mehwàkɛ. Ònò mòlanà tɔ̀ mòtò tɔ̀ mɔ̀kɔ à rzi tanɛ̀ lì mò wɔ̀wìrzɛ̀.

Yòwanìrzɛ̀ 5:5

Ò mà hwɛ mòtò mɔ̀kɔ aŋga ema à mà indana e nyambɛ rzàyiyàwò ja meya na hwàmbi.

Yòwanìrzɛ̀ 8:59

Nà òma à mà òhwe nanù, rzi hwa kòma màŋyàyi ò lì mò aŋgba, ndi Yerzù à mà àwutɛ̀ mɔ̀ ŋmìti, rzìi a nyɔ̀lɔ̀lɔ̀ èŋge ŋgìndì ò tenì ya èwòka ya e ndawò yà màkanɛ̀.

Yòwanìrzɛ̀ 9:2

Hwà-òkòwèlì hwa eni rzìi hwa mò ijòwa nanù ema, “Ìi Mòòkòlèlì, wòhwe wò ama njɛnɛ wò gbèyi ndèŋgàtɛ̀ ònò mòtò à mà ŋyàahwànà e ndima e? È ma hwɛ ndi wòhwe wò eni, ŋga e wò ama e rzàŋgò ya eni na e nyàŋgò ya eni ndèŋgàtɛ̀ à mà ŋyàahwà nanù e?”

Hwègbèèlì 14:8

O ma hwɛ mùnyanà mɔ̀kɔ wa mbòkò ò mbòwa ya Lìrzìtìrà ema à mà hwɛ mbòkò lì wòteya ò hwèŋyàyèlì hwe eni, ema a rza ɛndi yɔ̀ndɔ̀ tɔ̀ wùnyà.

Hwègbèèlì 28:4

Hwàŋga hwatò hwa èŋge èki hwà mà ene na òma wòŋgò gbahwà wò ma kakùmɛ̀nɛ̀ Pàwolò ò lìya rzìi hwa a òhwalɛnɛ wɔ̀ na wɔ̀ nanù ema, “Onò mòtò a hwèlì ndi mò òŋwelì wa hwatò. Mɔ̀ à mà arza lì ŋwa ò tenì ya ŋmànja, ndi tɔ̀ nanù e mbàkò ya ama Lohwɛ̀ e ma mò lɛmbɛ.”

Hwègbèèlì 4:22

Oŋgò mòtò ema mànyakà mà hweyà ma mà wɔ̀wìrzɛ̀ à mà aka mènìmenì me meya.

Hwègbèèlì 9:33

Nà òma mɔ̀ à mà uke aŋga à mà ùŋmànɛ̀lɛ̀ mòtò mɔ̀kɔ ema à mà hwɛ̀lɛ̀hwɛ̀ Aneyàrzì, ema à mà ɔ̀kirzɛ̀ e nyàmbɛ ya njɛ̀mbu. Onò mòtò a rzi tanɛ lì anjiya ò lìnɔ̀ŋgɔ ò hwàmbi ya meya.