Yòwanìrzɛ̀ 8:43 - Mokpwe: Bakwery (New Testament)

⁴³ Mamɛ ndeŋgatɛ e rza rzɔ̀ŋgìtɛ̀nɛ̀ e mbɔrzi ya ami e? Èhwanja inyɔ e ambi lì hwèya mamɛ na òhwa.

Yòwanìrzɛ̀ 8:43 Mawu Ofanana

Matiyò 13:15

Nà òhwa ndi nanù èhwanja hwanù hwatò hwa rza tànɛyi lì òkòwa hvɛ tɔ̀ eyà. Wɔ̀ hwa umbi hvɛ matò nà mììrzɔ̀ mà awu. Hwa rza ò hweyà nà lì ɛnɛ hvɛ tɔ̀ eyà. È rzi hwɛ tɛ nanù, òma wɔ̀ hwa ɛnɛ nà lì embàneyà. Aŋga nanù òma wɔ̀ hwa hweyàna na matò ma awu ndèŋgànà òma mèèmà me awu meyɔhvɛ̀ me rzɔ̀ŋgìtɛ̀nɛ̀. Wɔ̀ hwa gbèyi tɛ nanù hwa nò timbeya òma nà mà hwa òŋgirzɛ.’

Yòwanìrzɛ̀ 5:25

Nà e òhweyà e jɔ̀kɛ̀ nanù ema, e hvònda e hwèlì e ja èŋge hvònda e ma màa lì jà, ema hwatò ema hwà mà ŋwɛɛ hwa hwèya lìlò la ama è Ŋmanà wà ama Lohwɛ̀, rzìi hwaŋga ema hwa hweyi lìŋgi lìlò hwa ò hwɛ ò lòŋgɛ.

Yòwanìrzɛ̀ 5:43

Nà jelì ò lìna la ama Tatɛ̀ wa ami ndi e rza nò emelì. Ndi ò hvɛhvɛ mòtò a jelì tɛ ò lìna la eni, e mò emeyà.

Yòwanìrzɛ̀ 6:60

Rzayì-rzayì ja hwatò ema hwà mà hwɛ lì òŋgama Yerzù na òma hwà mà hweye hwene hweyà rzìi hwa òhwa nanù ema, “Hwene hwèyòkòlèlì hwe ambi ò lì rzɔ̀ŋgìtɛ̀nɛ̀, njɛnɛ mɔɔ a tànɛyi lì e emeyà lìni lìtumba la eyà e?”

Yòwanìrzɛ̀ 7:17

Ndi tɔ̀ ima mɔ̀ ema arza lì gbeyà lì emeyà lì ama Lohwɛ̀ a ò hwiya ŋga hwèyòkòlèlì hwe ami hwe uwɛ̀lɛ̀lɛ̀yi ndi òma Lohwɛ̀, ŋga ò è wònjà ya amì.

Yòwanìrzɛ̀ 8:27

Wɔ̀ hwa rzi rzɔ̀ŋgìtɛ̀nɛ̀ ema à mà hwɛ ndi lì hwa òhweyà lì hvòmɛ̀nɛ̀ Rzàŋgò wa eni.

Yòwanìrzɛ̀ 8:33

Wɔ̀ hwà mà mò alàhwɛ̀ nanù ema, “Irzɔ i hwèlì ndi e nyɔ̀ŋgɔ̀nì ya ama Abràhamù. Ndèŋgànɛ̀lɛ̀ hvɛ irzɔ i rzi hwèlì a hwɛ, tɔ̀ hwàkòmì hwa tɔ̀ mòtò tɔ̀ mɔ̀kɔ. Nɛ rzɔ ò wa òhwa ema i hwɛnì lì lùwa wònjà e?”

Yòwanìrzɛ̀ 8:39

Wɔ̀ hwà mà mò alàhwɛ̀ nanù ema, “Abràhamù mɔ̀ ndi à hwèlì e rzàŋgò ya arzu.” Yerzù rzi a hwa timbirzɛlɛlɛ nanù ema, “È ma hwɛ tɛ hwàna hwa ama Abràhamù, òma inyɔ e gbeyà ndi hwèŋge hwèwòlò ema Abràhamù à mà gbeye.

Hwègbèèlì 7:51

Rzìtehvànɛ rzìi a hwatɛ hvɛ ò lì òhwa nanù ema, “Inyɔ hwatò hwa maniya, mèèmà me anyu ma eti. È ma umba matò ma anyu ò lì hweyà ŋmɛ̀ndì mò ama Lohwɛ̀. È gbèyi ndi nàa imbamba ja anyu, e teŋgɛ̀nɛ̀yi Èlìŋgɛ̀ yà Wòtani.

Ròmànì 3:11

O rza enje tɔ̀ mòtò tɔ̀ mɔ̀kɔ ema a rzɔ̀ŋgìtɛ̀nɛ̀ e jɔ̀kɛ̀ lì hvòmɛ̀nɛ̀ Lohwɛ̀, ò rza enje tɔ̀ mòtò tɔ̀ mɔ̀kɔ ema a keka ò lì hwiya Lohwɛ̀.