Yòwanìrzɛ̀ 8:34 - Mokpwe: Bakwery (New Testament)

³⁴ Yerzù à mà hwa alàhwɛ̀ nanù ema, “Nà e òhweyà ndi e jɔ̀kɛ̀, tɔ̀ ima mòtò ema a gbèe wòhwe a hwèlì ndi mòkòme ò wòhwe.

Yòwanìrzɛ̀ 8:34 Mawu Ofanana

Matiyò 5:18

Nà è òhwèyà ndi è jɔ̀kɛ̀, natɛ̀ɛ è ŋmanyu yà lohwà nà e rze hwe è ò uka ò lìrzùkù, tɔ̀ ŋmanà mbumbu wà lìtɔ̀ti là mòtìla ema lì tìlahwì ò mbenda yà Lohwà è rza tànɛyi lì wuŋguhwèyà ò èki ya eni natɛ̀ɛ hwèyà hwe arzɛ hwe òndìrzɛ̀hwɛ.

Yòwanìrzɛ̀ 3:3

Yerzù rzìi à mò alàhwɛ̀ nanù ema, “Imba nà ò òhweyà ndi è jɔ̀kɛ̀ ema ò rza enje tɔ̀ mòtò tɔ̀ mɔ̀kɔ ema à ò kpèeyà ò lìkànèyà là ama Lohwɛ̀ à rza ŋyààhwì tɛ mòhvènya.”

Hwègbèèlì 8:23

Imba na ɛnɛ nanù ema, ò wa ò òndi na inòna ja ŋginyà, ndèŋgàna ò hwèlì ndi mòtò wa hwèwòwà ò wòhwe.”

Ròmànì 6:12

O èŋgànɛ̀lɛ̀ rzɔ, e rzi hwɛmɛ wòhwe wò kànèyà e nyàmà ya nyò ya anyu ema e ŋwaa. Èŋge e gbeyà nanù ema inyɔ e rza òŋgama e nyɔŋgi ya e nyàmà nyò hvɛ.

Ròmànì 6:16

Ò jɔ̀kɛ̀ e hwɛni lì hwiya nanù ema, mòtò aŋgbɛ tɛ mɔ̀ ŋmìti nàa mòkòmè ò rze ya òhvɛhvɛ mòtò, ò lì gbeyà tɔ̀ ima lìtumba la eyà ema òŋgò mòtò à mà òhwèlì ò lì gbeyà, nanù òma mɔ̀ à hwèlì ndi e mòkòmì wa ama òŋgò mòtò e? Hwàtò ema hwà mà aŋgbɛ wɔ̀ hwiti ò lì gbeyà hweyà hwe wòhwe, mamɛ ema hwa luwa, e hwèlì ndi e kpelì. Ndi e mòtò ema a aŋgbɛ mɔ̀ ŋmìti ò lì gbeyà na òma Lohwɛ̀ a àrzeyà, a hwèlì ndi mòtò ema a gbeyà hweyà ema hwe hvòmɛ̀nɛ̀yi ò wòrzò wò ama Lohwɛ̀.

Ròmànì 6:6

Irzɔ i hwi nanù ema na òma hwà mà wòmeyà Krirztò ò mbarza hwà mà mò wòmeyà na ɛ̀ɛ̀mɛ̀ ya mòlòmɛ̀ ema i ma òhve. Ène e ma gbèyɛ̀nɛ ndi nanù aŋga nanù e ŋginyà ya eŋge ɛ̀ɛ̀mɛ̀ ya mòlòmɛ̀ ema e ma hwɛ lì jò gbèeyà ò lì gbeyà wòhwe e hwɛni lì hvaŋgahwa ya arzɛ ya arzɛ. Ène eyà e gbeyà nanù ema wòhwe wò rza jò wòwa hvɛ nàa hwàkòmì.

Ròmànì 7:14

I hwi nanù ema e mbenda ema jò òhwa nanù e hwèlì ndi eyà ya hwèlìŋgɛ̀ ndi imba nà hwèlì ndi e mòtò wa hwènàmà ema na àhwirzɛ̀hwɛ̀ nàa mòkòmì ò wòhwe.

Ròmànì 7:25

Nà èki Lohwɛ̀. A nò rzùŋgi lòŋgɛ la ami lì akeyà na Ŋmanà wa eni Yerzù Krirztò e Rzàŋgò ya arzu. O èŋgànɛ̀lɛ̀ rzɔ imba mbiti na hwèlì hwèhvàrzù hwehwakɛ, ŋmèma mò ami mò nò òhweyà ò lì òŋgama e mbenda ya ama Lohwɛ̀ ndi e nyò ya ami ya mòtò wa hwènàmà e òŋgama ndi wòhwe ema wò hwèlì ò tenì ya ami.

Ròmànì 8:21

mɔ̀ à ò rzòlòwa hweŋge hwema ò e ŋgɔkɔhwi ya ndùtù ema e hwe kaki nanù ema hwe rzɔmbe. Hweŋge hwema hvɛ hwe ò luwa wònja ò lì luwa nyayi hvɔ̀kɔ ya èluhwe ema Lohwɛ̀ a ŋgba hwàanà hwa eni.

Ɛ̀hvìrzìyà 2:2

Ò eŋge hvonda è mà nɔ̀ŋgɔ̀ hweyà hwe wòhwe hwe hwatò hwa ene rze. È mà hwɛ lì hweyàna è mòkànèlì ema à kànèyà hwèlìŋgɛ̀ hwe wòhwe ema hwe hwèlì ò yululì. Nàtɛ̀ɛ nà yàwònò, eŋge èlìŋgɛ̀ è hwèlì è kànèyà hwatò ema hwa gbeyà mamɛ ema Lohwɛ̀ à ohwi nanù ema hwa rza gbeyà.

Tàyìtùrzì 3:3

O hvonda hvɔ̀kɔ ema e ma aka, irzɔ hvɛ i ma hwɛ hwèèti, i rzi hwɛ lì hweyàna Lohwɛ̀, i ma hvònda e njiya, i ma hwɛ nàa hwàkòmì na oma i ma ohve e nyɔ̀ŋgi ya hweyà hwe e rze ya mɔ̀nyɛ̀, ndèŋgànɛ̀lɛ̀ i ma hwɛ lì arza mɔ̀nyɛ̀ŋgì mo e rze. Mòŋgɛ ma arzu ma mà onda ndi na inona na ɛ̀kɔ̀wù. Hwàto hwà mà jo kɔwu ndèŋgànɛ̀lɛ̀ irzɔ hvɛ i ma kɔwu mɔ̀kɔ na ɔnɛyi.

2 Pètrò 2:19

Wɔ̀ hwa ohweyà hwatò nanù ema hwa oŋgami tɛ hwèyòkòlèlì hwe awu, hwa gbeyà tɔ̀ mamɛ ema hwa arza lì gbeyà, ema tɔ̀ wɔ̀ hwitɛ-hwitɛ wòhwe wò hwa lìŋgi nà è ŋgɔ̀kɔ̀hwi. Wòhwe wò hwa lìŋgi ehwànja tɔ̀ mamɛ ema è kànèyà mòtò, oŋgo mòtò à hwɛ ndi mòkòmì ò rze yà eŋge yòma.