Yòwanìrzɛ̀ 8:32 - Mokpwe: Bakwery (New Testament)

³² Àŋga nanù e hwiya e jɔ̀kɛ̀, ndèŋgànɛ̀lɛ̀ èŋge jɔ̀kɛ̀ yɔ ndì ye ŋgba wònjà.”

Yòwanìrzɛ̀ 8:32 Mawu Ofanana

Matiyò 11:29

Inyɔ e hwɛni lì emeyà ò lì nɔ̀ŋgɔ i mbɔ̀ɔ ja ami ja matàŋga, ndèŋgànà e nò òkòwàna, ehwànja na hwèlì ŋmɛɛ na òhvi hvɛ ŋmèma mò ami ema mò wɔ̀wi. È jèe e luwa la arzìyòlɛ̀.

Yòwanìrzɛ̀ 1:14

Eyà è mà jà mòtò wà hwènàmà, rzi è lìya nà irzɔ. Ì mà ɛnɛ èluhwe yà eni ema Tatɛ̀ wà eni à mà mò ŋgbèe nàa ehvòwà yà eni yà ŋmanà. À mà ònda ndèli rzi à jò wùlùhweyà è jɔ̀kɛ̀ lì hvòmɛ̀nɛ̀ Lohwɛ̀.

Yòwanìrzɛ̀ 1:17

Lohwɛ̀ à mà ŋgbà è mbenda lì akeyà nà Mòrzè ndi è ndèli nà è jɔ̀kɛ̀ è mà jà ndi lì akeyà nà Yerzù Krirztò.

Yòwanìrzɛ̀ 14:6

Yerzù rzìi a alàhwɛ̀ nanù ema, “Imba ndi na hwèlì e njiya ema e ɛndɛ òma Tatɛ̀ wa ami, e jɔ̀kɛ̀ e uwɛ̀lɛ̀lɛ̀yi ndi na imba, imba hvɛ ndi na ŋgbà lòŋgɛ. Tɔ̀ mòtò tɔ̀ mɔ̀kɔ a rza tànɛyi lì jà òma Tatɛ̀ wa ami ema a rza akelɛ na imba.”

Yòwanìrzɛ̀ 16:13

Ndi e Èlìŋgɛ̀ ya jɔ̀kɛ̀ e jelì tɛ, ye e tìmba ò lì hwiya e jɔ̀kɛ̀ ya arzɛ. Mɔ̀ a rza ò òhwa lì hvòmɛ̀nɛ̀ lìkànèyà la eni. Eyà ema hwa mò òhweyà yɔ ndi à ò òhwa, ndèŋgàna a ò e òhweyà hvɛ hweyà ema hwe ò gbèyɛ̀nɛ.

Yòwanìrzɛ̀ 17:17

Gbeyana e jɔ̀kɛ̀ ya aŋgɔ aŋga nanù hwa tanɛ lì ò gbèeyà. Èya ya aŋgɔ e hwèlì ndi jɔ̀kɛ̀.

Yòwanìrzɛ̀ 6:45

È tìlahwì na òma hwà-òhwèlì hwa hwèlìŋgɛ̀ hwa òhwi nanù ema, ‘Lohwà a ò hwa òkòlɛ wɔ̀ hwa arzɛ.’ Tɔ ima mɔ̀ ema a hweyàni Tatɛ̀ rzìi a òkòwa a nò jèeya imba.

Yòwanìrzɛ̀ 7:17

Ndi tɔ̀ ima mɔ̀ ema arza lì gbeyà lì emeyà lì ama Lohwɛ̀ a ò hwiya ŋga hwèyòkòlèlì hwe ami hwe uwɛ̀lɛ̀lɛ̀yi ndi òma Lohwɛ̀, ŋga ò è wònjà ya amì.

Yòwanìrzɛ̀ 8:36

O èŋgànɛ̀lɛ̀ rzɔ è Ŋmanà wà mùnyanà wa ama Lohwɛ̀ a o rzòlòhwì tɛ wònjà nanù òma ò hwɛmɛhwi wònjà na e jɔ̀kɛ̀.

Ròmànì 6:22

Ndi ò naŋgɛ Lohwɛ̀ à mà e ulɛ ò rze ya e ŋginyà ya wòhwe ò èŋgànɛ̀lɛ̀ e hwèlì ndi hwàkòmì hwa ama Lohwɛ̀. Mɔ̀rzɛ̀ŋgi ema e luwa mò hwèlì ndi nanù ema Lohwɛ̀ à mà e gbeyà ò lì hwɛ wòtani na òma hwatò hwa eni hwa àŋgàmɛ̀nɛ̀yi lì hwɛ. Èŋge eyà ye e gbeyà nanù ema e luwe lòŋgɛ la gbìndèyà.

Ròmànì 8:15

Èlìŋgɛ̀ ema Lohwɛ̀ à mà e ŋgbe e rza e gbèyi ema e hwɛ hwàkòmì, ndèŋgàna ema inyɔ e hwɛ ò wɔ̀ŋgɔ̀. Ndi Èlìŋgɛ̀ ya ama Lohwɛ̀ e ma e gbeyà na jɔ̀kɛ̀ ò lì hwɛ hwàna hwa ama Lohwɛ̀. Èŋge ŋginyà ya eŋge Èlìŋgɛ̀ yɔ ndi e jò gbeyà ò lì hwɛlɛ Lohwɛ̀ nanù ema, “Ìi Tatà! È Tatɛ̀ ya ami!”

Ròmànì 8:2

Ène eyà e hwèlì ndi nanù èhwanja, e mbenda yà Èlìŋgɛ̀ ema e jò jàneyà lòŋgɛ, na òma irzɔ i hwèlì mɔ̀kɔ na Yerzù Krirztò, e ma nò rzòlòwa ò e mbenda yà eyà ya wòhwe na ò màà mà kpelì.

1 Kɔ̀rintìyà 7:22

O ma hwɛ tɛ mòkòmì ndèŋgàna Lohwɛ̀ a o hwɛlɛ, o naŋgɛ nanù e Rzàŋgo Yerzù à mà o rzòlohwà. Ndèŋgànɛ̀lɛ̀ hvɛ o ma hwɛ tɛ wònjà lìrzako ema Rzàŋgo à mà o hvɔ̀rzè, o naŋgɛ̀ nanù, o ma tìmba ndi e mokome wà ama Krirztò.

Gàletìyà 5:1

O eŋgànɛ̀lɛ̀ Krirztò à mà jo rzolowa aŋga nanù i rza hwɛ nàa hwàkòmì hvɛ. O eŋgànɛ̀lɛ̀ e ètìrzɛ̀ mataŋgà mà anyu o rze, e rzi keka lì emeyà nanù ema mòtò a e kaka o tenì ya ŋgɔkɔhwi ya hwàkòmì hvɛ.

Gàletìyà 5:13

Wònyamòwè kòkò, Lohwɛ̀ a e hwɛlɛ o lì anjiya o èki ema hwa e kànɛ̀yi. Kànatɛ e rza kànyɛ̀hwɛ̀ hvɛ, eŋge e rza e ŋgbelì e wònja o lì gbeyà tɔ̀ mamɛ ema e nyàmà ya nyo ya anyu e arza. Ndi ema tɔ̀ ima mɔ̀ wa anyu a gbèeyà ɔ̀nɛyi na ndìŋgɛ.

2 Tìmotì 3:7

Ini nyayi ja hwalanà, hwa hwèlì ndi i hvonda ja arzɛ o lì nɔ̀ŋgɔ hwèyòkòlèlì hwe hvènya, ndi wɔ̀ hwa rza tànɛyi o lì rzɔŋgìtɛ̀nɛ̀ hwèyòkòlèlì hwe jɔ̀kɛ̀ hwe ama Lohwɛ̀.

Jèmìrzì 1:25

Ndi tɔ̀ njɛnɛ ema a ɔ̀ŋgɔ kɔ̀yi-kɔ̀yi e mbenda ya jɔ̀kɛ̀ ema e rzuŋga hwatò, ema a hwɛ ndi o lì e aŋgoweya, ema a rza hwɛ ndi o lì hweyà e mbenda mɛnɛ rzi a hvoŋga, ndi à hwɛ ndi mòtò ema a gbeyà mamɛ ema e mbenda e ohwa, oŋgo moto a o nàmìrzɛ̀hwɛ̀ na Lohwɛ̀ o mamɛ ya arzɛ ema mɔ̀ à gbeyà.

Jèmìrzì 2:12

È ohwe ndèŋgànɛ̀lɛ̀ e gbeye hweyà o a ɛnɛ oma e hwi nanù ema Lohwɛ̀ a o hwa kàyìrzɛ, na e mbenda ema e rzuulɛ hwatò.

1 Pètrò 2:16

È lìya nàa hwatò hwa wònja. Ndi e rzi gbeyàna eŋge wònja ya anyu, o lì gbeyà wòhwe. Ndi e lìya nàa hwàgbèèlì hwa ama Lohwɛ̀.

2 Yòwanìrzɛ̀ 1:1

Imba e mòtìmbèlì wà ŋmèmba ndi na tìli ene kààtì. Nà o tìleya ndi o wa e molànà ema Lohwɛ̀ a hvɔ̀rzì hwàanà hwa aŋgɔ. Nà o lìŋgàni na e jɔ̀kɛ̀, ndèŋganɛlɛ rzeketɛ imba mbiti mɛnɛ ndi na o lìŋgàni, ndèŋgànɛ̀lɛ̀ hwahvɛhvɛ hwatò hvɛ ema hwa hwi e jɔ̀kɛ̀ wɔ hvɛ hwa o lìŋgàni.