Yòwanìrzɛ̀ 8:26 - Mokpwe: Bakwery (New Testament)

²⁶ Nà òhvi hweyà rzayì-rzayì ò lì e òhweyà, na lì e kàyìrzɛ̀. Ndi e mɔ̀ ema à mà nò òma, a hwèlì ndi wa jɔ̀kɛ̀. Ndeŋga tɔ̀ mamɛ ema nà mà mò hweyànɛ, na òhweyà e rze.”

Yòwanìrzɛ̀ 8:26 Mawu Ofanana

Yòwanìrzɛ̀ 15:15

Nà rza e ò hwɛlɛ hvɛ ema e hwèlì ndì hwàgbèèlì èhwanja mògbèèlì a rza hwi mamɛ e rzàŋgò wa eni wa èwòlò a gbeyà, na e hwɛlɛ ndi nanù ema imbunda ja ami èhwanja na e òhweyà hweyà ema Tatɛ̀ wà ami à mà nò òhweyà.

Yòwanìrzɛ̀ 16:12

“Nà hwɛnɛ rzayì-rzayì ja hweyà ò lì e òhweyà, hwe akayi tɔ̀ mamɛ ema e rza tànɛyi lì hwanɛ.

Yòwanìrzɛ̀ 17:8

Nà hwa òhwèlì mamɛ ya arzɛ ò nò òhwèlì ò lì hwa òhweyà rzìi hwa lòkɛ̀yi hwene hweyà, hwa hwi na e tɛ̀ɛtɛ nanù ema na uwɛ̀lɛ̀lɛ̀yi ndi ò mba aŋgɔ ndèŋgàna hwa lòkɛ̀yi hvɛ nanù ema ò wa ndi ò nò òmi.

Yòwanìrzɛ̀ 18:20

Yerzù à mà mò alàhwɛ̀ nanù ema, “Imba nà mà màa lì òhweyà hwatò hwa arzɛ hwene hweyà hwe arzɛ ò mòte. Nà mà hwɛ ndi lì òkòlɛ̀ ò ndawò jà màkanɛ̀, nà ò Ndawò yà Lohwà. Hwèki ema hwatò hwa Yudà hwa arzɛ hwà mà hwɛ lì arzàŋganɛ. Nà rzi òhwe tɔ̀ eyà ò jùtùtà.

Yòwanìrzɛ̀ 3:11

Nà e òhweyà e jɔ̀kɛ̀ nanù ema irzɔ jò òhwa ndi mamɛ ema i hwi. I tɛ̀mɛ̀ mbòŋgi ò mamɛ ya arzɛ ema irzɔ i ma ɛnɛ. Ndi tɔ̀ nanù, tɔ̀ mɔ̀kɔ hwa anyu a rzi imanɛlɛ ò lìlòkɛ̀ hweyà ema i hwèlì jò òhwa.

Yòwanìrzɛ̀ 7:16

O èŋgànɛ̀lɛ̀ Yerzù à mà hwa alàhwɛ̀ nanù ema, “Hwèyòkòlelì ema na òkòlɛ hwe rza enje e hwe ami, ndi e uwɛ̀lɛ̀lɛ̀yi ndi na e mɔ̀ ema a nò òmi.

Yòwanìrzɛ̀ 7:28

Nà òma Yerzù a mà hwɛ lì òkòlɛ̀ ò Ndawò yà Lohwà, rzìi a kàrzɛ lìlò la eni a òhwa nanù ema, “Ɛ̀ɛ e nò hwi jɔ̀kɛ̀-jɔ̀kɛ̀, rzi e hwi hvɛ èki ema nà uwɛ̀lɛ̀lɛ̀yi. Ndi nà rza jelì anù ò imba mbiti. È mɔ̀ ema a nò òmi à hwèlì è jɔ̀kɛ̀. È rza mò hwi,

Yòwanìrzɛ̀ 8:25

Hwà mà mò ijòwa nanù ema, “Ò wà ò hwèlì ndi njɛ e?” Yerzù rzìi a hwa timbirzɛlɛlɛ nanù ema, “Nà hwèlì ndi e mɔ̀ ema na hwèlì lì aàtɛ ene hvònda ya arzɛ.

Yòwanìrzɛ̀ 8:27

Wɔ̀ hwa rzi rzɔ̀ŋgìtɛ̀nɛ̀ ema à mà hwɛ ndi lì hwa òhweyà lì hvòmɛ̀nɛ̀ Rzàŋgò wa eni.

Yòwanìrzɛ̀ 8:40

Nà òma e hwèlì nanù, inyɔ e kimi ndi ò lì nò òŋwa. Imba e mòtò ema nà mà e òhweyà e jɔ̀kɛ̀, ema na hweyàni Lohwɛ̀. Abràhamù mɔ̀ à rzi gbeye ini nyayi ja hweyà.

2 Kɔ̀rintìyà 1:18

O worzò wo ama Lohwɛ̀ ema a gbeyà mamɛ ema a ohwi à mà a gbeyà, jo òhwi tɛ ema i gbeyà eyà, je e gbeyà.