Yòwanìrzɛ̀ 8:20 - Mokpwe: Bakwery (New Testament)

²⁰ Yerzù à mà òhwa ndi hwenè hweyà nà òma mɔ̀ à mà hwɛ lì òkòlɛ̀ ò Ndawò yà Lohwà. Lì kòmbɛ̀nɛ̀ èki ema hwà mà aŋgbeyà e njàŋge ya e Ndawò yà Lohwà. Ndi tɔ̀ mòtò a rzi tanɛ lì mò hvùma, èhwanja e hvònda ya eni e rzi ùke.

Yòwanìrzɛ̀ 8:20 Mawu Ofanana

Matiyò 26:55

Yerzù rzìi a ijòwa eŋge ŋgindi nanù ema, “Nà hwèlì ndi ŋmìhwɛ̀ ema e jelì lì nò ŋgbaŋgɛ na hweeye na irzɔ̀lɔ̀ e? Mamɛ ndeŋgatɛ e rzi nò ŋgbaŋgɛ e hvònda ema nà mà hwɛ lì òkòlɛ̀ wùnyà tɛ ò e Ndawò yà Lohwà e?

Matiyò 27:6

Ipìlìrzì ndɛnɛ rzìi i rzàŋga wòŋgò wòlì rzìi jò òhwà nanù ema, “È hwèlì mbendà ò lì ikà wònò wòlì wò màyija ò lùùtà la e Ndawò ya Lohwà.”

Makòrzì 12:41

Yerzù à mà lìyà ò tòŋgòŋgò ya iwòŋgò ema hwà mà ika màhwèyà ò Ndawò yà Lohwà. A ma hwɛ lì ɔ̀ŋgɔ nà òmà hwatò hwa mà hwɛ lì ika ìkahvà ja awu ò tenì ya iŋgi iwòŋgò. Rzayì-rzayì ja hwèwàŋgì wɔ̀ hvɛ hwà mà ika rzayì-rzayì ja kahvà,

Makòrzì 12:43

Yerzù rzìi a hvɛ̀tɛlɛ hwà-òkòwèlì hwa eni ema hwa je hwa mò kòmbɛ̀nɛ̀, rzìi a hwa òhweyà nanù ema, “Nà e òhweyà è jɔ̀kɛ̀ ema mònò mòlìrzà mò mòkurze mò mòlanà, mò ikayi lì aka hwèwàŋgì hwe arzɛ.

Lukàrzɛ̀ 20:19

Hwà-òkòlèlì hwà mbenda nà Ipìlìrzì ndɛnɛ̀ hwa mà àrza nɛ hwa mò lɛ̀mbeyà aŋga mɛnɛ, èhwanja hwa mà hwiya ema wɔ̀ ndi à kpɛɛlì mònò ŋmàna, ndi hwa mà òka è ŋgìndì wɔ̀ŋgɔ̀.

Lukàrzɛ̀ 21:1

Yerzù à ma ɔ̀ŋgɔ rzìi a ɛnɛ nà òmà hwèwàŋgì hwe hwatò, hwa ika ìkahvà ja awu ò tenì yà ìwòŋgò ja màahweyà.

Yòwanìrzɛ̀ 10:39

Hwene hweyà hwe arzɛ ema à mà òhwe hwe ma gbeyà hwà mà arza lì mò lɛmbɛ hvɛ ndi à mà anjiya ò màà mà awu.

Yòwanìrzɛ̀ 2:4

Yerzù à mà mò alàhwɛ̀ nanù ema, “Ìi mòlanà kòkò, ò rza àŋgàmɛ̀nɛ̀ lì nò òhweyà mamɛ ema na hwɛni lì gbeyà. Ndi e hvònda ya ami e rzi ɔlɛyi.”

Yòwanìrzɛ̀ 7:14

È ndèma e ma kòmbɛnɛ lì uka ò ìtììtènì, Yerzù à mà ɛ̀ndɛ ò Ndawò yà Lohwà rzìi a wòteya lì òkòlɛ̀.

Yòwanìrzɛ̀ 7:30

Nà òma à mà òhwe nanù, hwa keka ò lì mò ŋgbaŋgɛ, ndi tɔ̀ mɔ̀kɔ à rzi mò hwàkɛ lìya ò nyò ya eni, èhwanja è hvònda ya eni e rzi ùke.

Yòwanìrzɛ̀ 7:44

Lòŋgò la hwatò hwà mà arza lì mò ŋgbaŋgɛ ndi tɔ̀, mòtò a rzi mò hwàkɛ lìyà.

Yòwanìrzɛ̀ 7:8

Inyɔ è ɛ̀ndɛ ò ndèma. Imba nà rza ɛ̀ndɛ èhwanja è hvònda ya ami e rzi uki.”

Yòwanìrzɛ̀ 8:2

O elele, à mà wòŋgìrzɛ̀nɛ̀ hvɛ ò hwèkpèèlì hwe e ndawò yà màkanɛ̀. Èki ema hwatò hwa arzɛ hwà mà mò jèeya hwa mò tòŋga, rzìi mɔ̀ à lìya ò rze ò lì hwa òkòlɛ̀.

Yòwanìrzɛ̀ 8:59

Nà òma à mà òhwe nanù, rzi hwa kòma màŋyàyi ò lì mò aŋgba, ndi Yerzù à mà àwutɛ̀ mɔ̀ ŋmìti, rzìi a nyɔ̀lɔ̀lɔ̀ èŋge ŋgìndì ò tenì ya èwòka ya e ndawò yà màkanɛ̀.