Yòwanìrzɛ̀ 8:2 - Mokpwe: Bakwery (New Testament)

² O elele, à mà wòŋgìrzɛ̀nɛ̀ hvɛ ò hwèkpèèlì hwe e ndawò yà màkanɛ̀. Èki ema hwatò hwa arzɛ hwà mà mò jèeya hwa mò tòŋga, rzìi mɔ̀ à lìya ò rze ò lì hwa òkòlɛ̀.

Yòwanìrzɛ̀ 8:2 Mawu Ofanana

Matiyò 26:55

Yerzù rzìi a ijòwa eŋge ŋgindi nanù ema, “Nà hwèlì ndi ŋmìhwɛ̀ ema e jelì lì nò ŋgbaŋgɛ na hweeye na irzɔ̀lɔ̀ e? Mamɛ ndeŋgatɛ e rzi nò ŋgbaŋgɛ e hvònda ema nà mà hwɛ lì òkòlɛ̀ wùnyà tɛ ò e Ndawò yà Lohwà e?

Lukàrzɛ̀ 21:37

O hwèŋge hwèyu, Yerzù à ma hwɛ lì òkòlɛ̀ ò Ndawò yà Lohwà. Ŋgòmbe tɛ à mà àgba ò lì yɛlɛ̀lɛ̀ ò mòòlì mò Njàhwɛ̀.

Lukàrzɛ̀ 21:38

Hwatò hwa mà hwɛ lì arzàŋgànɛ ekpaàrzɛ ò Ndawò yà Lohwà, ò lì mò òkànèyà.

Lukàrzɛ̀ 4:20

Nà òma Yerzù a ma kulɛ lì laŋga, rzìi a lìŋgɛ̀lɛ̀ èŋge yòwò ya mòtìlà, a e timbirzɛlɛlɛ è Mòkànèlì wà è ndawò yà màkanɛ̀, rzìi a lìya ò rze. Hwatò hwa arzɛ ema hwà mà hwɛ aŋga, hwa mà mò rzòkɛ mìirzɔ̀ hvɛ̀nyɛ-hvɛ̀nyɛ.

Lukàrzɛ̀ 5:3

À mà kpèeyà ò tenì yà wɔ̀lɔ̀ wò ama Rzìmɔ̀nì, rzìi à lìya ò rze, rzìi à òhweyà Rzìmɔ̀nì ema, a wò rzɛkɛlɛ teŋyi ò tenì yà yùlù. Àŋga ndi à mà wòteya lì òkòlɛ̀ è ŋgìndì.

Yòwanìrzɛ̀ 4:34

Yerzù rzìi à hwa òhweyà nanù ema, “Mòlèlì mò ami mò hwèlì ndi ò lì gbeyà hwètɛ̀yìrzèlèlì hwa ama è mɔ̀ ema à nò òmi.” Ndèŋgànɛ̀lɛ̀ nà hwɛnì lì kùlɛ̀ èwòlò yà eni.

Yòwanìrzɛ̀ 8:20

Yerzù à mà òhwa ndi hwenè hweyà nà òma mɔ̀ à mà hwɛ lì òkòlɛ̀ ò Ndawò yà Lohwà. Lì kòmbɛ̀nɛ̀ èki ema hwà mà aŋgbeyà e njàŋge ya e Ndawò yà Lohwà. Ndi tɔ̀ mòtò a rzi tanɛ lì mò hvùma, èhwanja e hvònda ya eni e rzi ùke.

Yòwanìrzɛ̀ 8:3

Hwà-òkòlèlì hwa mbenda nà Ihvàlìrzàyì, rzìi hwa kpeyana mòlanà mɔ̀kɔ ema hwà mà lɛ̀mbɛ ò mòrzònje. Hwà mà mò tɛmirzɛ ò wòrzò wò èŋge ŋgìndì.

Hwègbèèlì 5:21

Iŋgi àpɔ̀rzìtòlò i ma hweyàna rzìi ò eka ya elele hwà mà ɛ̀ndɛ rzìi hwa kpèeyà ò Ndawò yà Lohwà rzìi hwa wòteya lì òkòlɛ̀ hwatò. Nà òma e Pìlìrzì e karzami na hweyòrza hwe eni hwà mà kpèeyà hwà mà hwɛlɛ hwàmbaki hwa arzɛ hwa wònyà Yudà ò wòlìya wò hwatò hwa arzɛ hwa lìkànèyà la mbòwa. Rzìi hwa òma lìlò ò ndawò ya hwèwòwà nanù ema hwa hwà jàneyà I àpɔ̀rzìtòlò.