Yòwanìrzɛ̀ 8:11 - Mokpwe: Bakwery (New Testament)

¹¹ Oŋgò mòlanà à mà mò alàhwɛ̀ nanù ema, “Wa èluhwe kòkò, tɔ̀ mɔ̀kɔ.” Yerzù rzìi a mò òhweyà nanù ema, “Tɔ̀ imba hvɛ na rza ò tùulɛ̀. Ɛ̀ndɛ nàŋgɛ ò hwɛmɛ lòŋgɛ lì aŋgɔ̀ la wòhwe.”

Yòwanìrzɛ̀ 8:11 Mawu Ofanana

Lukàrzɛ̀ 13:3

Jàyɛ̀! Nà è òhweyà ema, inyɔ hvɛ è rza hwɛmì tɛ wòhwe wò anyu lì tìmbeyà Lohwɛ̀ nanù òma inyɔ hwa arzɛ è kùwa lì ŋwa nàa wɔ̀.

Lukàrzɛ̀ 13:5

Jàyɛ̀! Nà è òhweyà ema, inyɔ hvɛ è rza hwɛmì tɛ wòhwe wò anyu lì tìmbeyà Lohwɛ̀ nanù òma inyɔ hwa arzɛ è kùwà lì ŋwa nàa wɔ̀.”

Lukàrzɛ̀ 15:10

Nà è òhweyà ema, nà i aŋgèlì ja ama Lohwɛ̀ ò ŋmanyu, ja òka mɔ̀nyɛ̀ŋgì lì hvòmɛ̀nɛ̀ mòtò mɔ̀kɔ wà wòhwe ema a ayèŋgòwɛ̀ ò wòhwe wa eni ò lì tìmba ò ma Lohwɛ̀.”

Lukàrzɛ̀ 15:32

Ò jɔ̀kɛ̀! Ì hwɛnì lì rzòmbirzɛ nà lì òkà mɔ̀nyɛ̀ŋgì èhwànja ònò ŋmanyɔ̀ŋgɔ wà aŋgɔ̀ à mà ŋwa, rzìi a timbi hvɛ ò lòŋgɛ. À ma wɔ̀ rzìi a wurzi hvɛ.’”

Lukàrzɛ̀ 15:7

Yerzù rzìi à hwàtɛ hvɛ lì òhwà nanù ema, “O ò hwɛ mɔ̀nyɛ̀ŋgì mò ndɛnɛ̀, ò ŋmanyu yà lohwà, ehwànja mòtò mɔ̀kɔ wà wòhwe à tìkòhwi hwɛ̀ɛ̀mɛ̀ hwe eni a timbi nà Lohwɛ̀. Òŋgò à akayi mènìlùùwà nà lùùwà mè hwatò ema hwa hwèlì ehve-ehve. Wɔ̀ hwa rza tànɛ̀yi hvɛ lì àyèŋgòwɛ̀.

Lukàrzɛ̀ 5:32

Nà rza jɛ̀lɛ̀lɛ̀ ndi lì hwɛlɛ hwaŋga hwatò ema hwa tɛmi ehve-ehve na Lohwɛ̀, ndi nà jèlì ndi ò lì hwɛlɛ è wɔ̀ hwa wòhwe, ò lì tìkòwà.”

Lukàrzɛ̀ 9:56

Yerzù na hwà-òkòwèlì hwa eni rzìi hwa ɛ̀ndɛ ò èhvɛhvɛ mbòwà.

Yòwanìrzɛ̀ 18:36

Yerzù rzi à òhwa nanù ema, “Likànèyà là ami, lì rza enje ò ene rze. Lì mà hwɛ tɛ nanù, òma hwakutu hwa ami, hwa mà ana aŋga nanù o ma hwatò hwa ene rze hwa rzì nò akɛlɛlɛ ò màa mà wònyà Yudà. Ndi ò nàŋgɛ, Likànèyà là ami, lì rza enje là ene rze.”

Yòwanìrzɛ̀ 3:17

Lohwɛ̀ à rzi òme è Ŋmanà wà eni ò rze yà mɔ̀nyɛ̀ ò lì kàyìrzɛ̀ hwatò. Ndi à mà mò òma ò lì rzùŋgà hwatò.

Yòwanìrzɛ̀ 5:14

O mburzà ya hvònda Yerzù à mà ɛnɛ òŋgò mòtò ò Ndawò yà Lohwà. Nà òma à mà mò ɛnɛ rzìi a mò òhweyà nanù ema, “Onò òkànèyà tɛ, nàŋgɛ nanù ò ma wɔ̀wìrzɛ̀hwɛ̀ ò rzi gbeyà hvɛ hweyà hwe wòhwe. Èhwanja ò gbèyi hvɛ tɛ wòhwe, ò taka lì aka nanù.”

Yòwanìrzɛ̀ 8:15

Inyɔ e kàyìrzɛ̀ ndi hwetɛmelì hwe ami hwe mòtò wa hwènàmà, imba na rza kàyìrzɛ̀ tɔ̀ mòtò mɔ̀kɔ

Ròmànì 2:4

Ŋgà na òma Lohwɛ̀ a hwɛnì ŋmèma mò gbamù rzayi-rzayi rzi a e ŋgbelì hvɛ mɔ̀ɔ̀lì ema mò wawi rzayi-rzayi, rzi a e àjùlɛ̀nɛ̀, inyɔ e rze e wò nàa tɔ̀ eyà. È hwɛni lì hwiya nanù ema ŋmèma mò gbamu ema Lohwɛ̀ à è hwɛnelì mò hwèlì ndi nanù ema a e ŋgbee hvònda ema e tikòhwè hwɛ̀ɛ̀mɛ̀ hwe anyu hwe wòhwe ndɛnɛ wò ama Lohwɛ̀.

1 Kɔ̀rintìyà 5:12

Nà rza hwɛnì tɔ̀ wònjà o lì ohwa nanù ema hwa kɔ̀kìrzɛ̀ hwatò ema hwa rza enje hwatò hwa Lohwɛ̀. Ndi e hwèlì ndi èwòlò ya anyu o lì kàyìrzɛ̀ hwaŋga hwatò ema hwa hwèlì o tenì ya mòndeŋgè mò hwatò hwa Lohwɛ̀, ema hwa gbeyà wòhwe.

2 Pètrò 3:15

Inyɛ̀ e hwiye nanù ema na oma e Rzàŋgo e hvàŋga hvonda o lì jà, e hwèlì ndi nanù ema inyɛ mɔ̀ à ŋgbe hwatò e hvonda o lì luwa lì rzùŋgàhwa. Nànù ndi Pàwolò mɔ̀ hvɛ à mà gbeyàne lìhwiyè ema Lohwɛ̀ à mà mo ŋgbe o lì e tìleya e kààti.