Yòwanìrzɛ̀ 7:48 - Mokpwe: Bakwery (New Testament)

⁴⁸ È ma màà lì ɛnɛ mòtìmbèlì mɔ̀kɔ tɔ̀ Hvàlìrzàyì mɔ̀kɔ ema à mò lòkɛ̀ e? Tɔ̀ mɔ̀kɔ a rza mò lòkɛ̀.

Yòwanìrzɛ̀ 7:48 Mawu Ofanana

Matiyò 11:25

O èŋge hvònda Yerzù rzìi a òhwa nanù ema, “Ìi Tatɛ̀, Rzàŋgò wà ŋmanyu yà lohwà nà è rze ya mɔ̀nyɛ̀, nà ò ekì ehwànja ò ùŋmɛlɛ jùma hwanà hweyà ema ò ma wunane hwàŋgà ema hwa òhvi mahwiye na hwaŋga hwatò ema hwa rzɔ̀ŋgìtɛ̀nɛ̀.

Lukàrzɛ̀ 23:13

Pìlatò à ma rzàŋgà Ipìlìrzì ndɛnɛ, nà hwàtìmbèlì, nà hwahvɛhvɛ hwatò,

Yòwanìrzɛ̀ 12:42

Tɔ̀ nɛ hwatò rzayì-rzayì nà tɔ̀ lòŋgò là hwàmbakì hwa hwatò hwa mà lòkɛ̀ Yerzù. Ndi nà òma hwa mà òke Ihvàlìrzàyì wɔ̀ŋgɔ̀ hwa rzi à uŋmɛ̀lɛ̀ wɔ̀ hwiti, ehwànja hwa mà òka wɔ̀ŋgɔ̀ ema hwa ò hvàyàhwa ò tenì yà è ndawò yà màkanɛ̀.

Yòwanìrzɛ̀ 3:1

O ma hwɛ mòtìmbèlì mɔ̀kɔ wa wònyà Yudà ema mɔhvɛ à mà hwɛ ndi mòtò wa ehvehva ya Hvàlìrzàyì, à mà hwɛ̀lɛ̀hwɛ̀ ndi Nikòdemòrzi.

Yòwanìrzɛ̀ 7:26

Ɔ̀ŋgɔ a tɔ̀yìrzɛ na hwatò ò mòtèyi, ndi hwàmbaki hwa hwatò hwa rza mò òhwìrzɛ̀nɛ̀ tɔ̀ eyà. Ŋga hwa hwi na e jɔ̀kɛ̀ nanù ema mɔ̀ ndi à hwèlì è Mɔ̀ ema à Ɔ̀kirzɛ̀hwɛ̀yi!

Yòwanìrzɛ̀ 7:49

Ène ŋgìndì e rza hwi e mbenda ya ama Mòrzè. O èŋgànɛ̀lɛ̀ rzɔ èwòma e hwèlì na wɔ̀.”

Yòwanìrzɛ̀ 7:50

Mòtò mɔ̀kɔ wa Hvàlìrzàyì ema à mà hwɛ̀lɛ̀hwɛ̀ Nikòdemòrzi, ema à mà lòma lì ɛndɛ lì ɛnɛ Yerzù rzìi a hwa òhweyà nanù ema,

Hwègbèèlì 6:7

Ène eyà e ma gbeyà eyà ya Lohwà e nyàla ò erzòòkà ya arzɛ. Mɔ̀rzɔ̀ŋgi mò hwàlòkèlì ò Jèrurzalɛ̀mù mò ma nyàla karzi-karzi. Ndeŋgànɛ̀lɛ̀ rzayì-rzayì ja Pìlìrzì i ma wòteyà ò lì òŋgama ŋmɛ̀ndì mò gbamù.

1 Kɔ̀rintìyà 1:20

Ò èŋgànɛ̀lɛ̀ rzɔ̀ è mòtò wà gbàŋgo, à rze enje tɔ̀ eyà. Ndèŋgànɛ̀lɛ̀ è Mòòkòlèlì wà mbenda ò Ìrzàyɛ̀lì à rze enje tɔ̀ eyà. Hwatò ema hwa kòkòwɛ̀lɛ̀ hwatò hweyà nà gbàŋgo ò ene hvonda wɔ̀ hvɛ hwa rze enje tɔ̀ eyà. È jɔ̀kɛ̀ è hwèlì ndi nanù ema Lohwɛ̀ à uŋmɛ̀lɛ̀yi nanù ema lìhwiyè là hwatò ema hwa aŋgo lì hwèlì ndi èètì.

1 Kɔ̀rintìyà 2:8

Ndi, e wɔ̀ hwà kànèyà ene rze hwà rzi rzɔ̀ŋgìtɛ̀nɛ̀ lìni lìhwiyè lì ndɛnɛ̀ la ama Lohwɛ̀. Hwà mà rzɔ̀ŋgìtɛ̀nɛ̀ tɛ mamɛ ema Lohwɛ̀ ama hwɛ lì gbeyà, oma hwa rzi wòmeyà e Rzàŋgo wa èluhwe o mbàrza.