Yòwanìrzɛ̀ 7:42 - Mokpwe: Bakwery (New Testament)

⁴² È tìlahwì ò Kaàti ya Lohwà ema, è Mɔ̀ ema à Ɔ̀kirzɛ̀hwɛ̀yi a hwɛnì ndi lì ŋyaahwɛlɛ ò mòtende mò òma Dàhwitì, ò mbòwa ya Bɛtlɛ̀hɛmù ema Dàhwitì a mà uwɛ̀lɛ̀lɛ̀yi.”

Yòwanìrzɛ̀ 7:42 Mawu Ofanana

Matiyò 1:1

Nanù ndi mòtende mò imbamba jà ama Yerzù Krirztò mò hwèlì. Yerzù à mà uhwɛ̀lɛ̀lɛ ndi ò mòtende mò ama kiŋgɛ̀ Dàhwitì. Dàhwitì mɔ̀ hvɛ à mà uhwɛ̀lɛ̀lɛ ndi ò mòtende mò ama Abràhamù.

Matiyò 2:5

Hwa mà mò alàhwɛ̀ nanù ema, “À ŋyàhwɛ̀lɛ̀ ndi ò mbòwà yà Bɛ̀tlɛ̀hɛmù, ò erzòòkà yà Jùdeyà. È mòòhwèlì wà èlìŋgɛ̀ à mà tìla nanù ema,

Matiyò 2:6

‘Inyɔ hwatò hwa Bɛ̀tlɛ̀hɛmù, ò mɔ̀nyɛ̀ mò Judà, è mbòwà yà anyu è hwèlì ndi mbòwà hvɔ̀kɔ ema è ŋgbààhwi èluhwe ò ìtììtènì jà màmbòwà mà èkòmè yà Judà. Èhwanja ò ìtììtènì jà anyu o ò wurza mòtò ema à ò tìmbɛ hwatò hwa ami hwa Èkòmè yà Irzàyɛ̀lì.’”

Lukàrzɛ̀ 2:11

È hwiyè nanù ema yàwònò è Mòrzùŋgèlì wà ànyu, à ŋyààhwì ò mbòwà yà ama kiŋgɛ̀ Dàhwitì. Mɔ̀ ndi à Ɔ̀kirzɛ̀hwɛ̀yi nà Lohwɛ̀. Mɔ̀ ndì à hwèlì e Rzàŋgò.

Lukàrzɛ̀ 2:4

Jòrzɛ̀hvù mɔ̀ hvɛ à mà uhwɛlɛlɛ̀ ò mbòwà yà Nàrzàrɛ̀tì yà Galìlì. À mà àgba ò Bɛtlɛ̀hɛmù, ò mbòwà yà ama kiŋgɛ̀ Dàhwitì, ò Jùdeyà. Mɔ̀ à mà ɛ̀ndɛ aŋga èhwanja à mà uhwɛlɛlɛ ndi ò lìhwende la ama kiŋgɛ̀ Dàhwitì.

Yòwanìrzɛ̀ 7:27

Ndi e rza tànɛyi lì hwɛ mɔ̀, èhwanja i hwi nanù ema e hvònda ema è Mɔ̀ ema à Ɔ̀kirzɛ̀hwɛ̀yi à ò jɛ̀ɛ̀, tɔ̀ mòtò a rza ò hwiya èki ema a ò uwɛ̀lɛ̀lɛ̀yi. I hwi òne ònò mòtò a uwɛ̀lɛ̀lɛ̀yi.”