Yòwanìrzɛ̀ 7:40 - Mokpwe: Bakwery (New Testament)

⁴⁰ Nà òma lòŋgò la hwatò ò tenì ya eŋge ŋgindi hwà mà hweye hweyà ema Yerzù à mà òhwe, wɔ̀ hwà mà òhwa nanù ema, “Nà è jɔ̀kɛ̀ ònò mòtò a hwèlì ndi e mòòhwèlì wà èlìŋgɛ̀.”

Yòwanìrzɛ̀ 7:40 Mawu Ofanana

Matiyò 21:11

Eŋge ŋgìndì e hwa alàhwɛ̀ nanù ema, “Yerzù ònò, è Mòòhwèlì wà èlìŋgɛ̀ ema a uwɛ̀lɛ̀lɛ̀yi ò e mbòwà yà Nàrzarɛ̀tì ò èkòmè ya Galìlì.”

Yòwanìrzɛ̀ 1:21

Rzìi hwa mà mò ijòwa nanù ema, “Njɛnɛ rzɔ ò wa ò hwèlì e? O wa ndi ò hwèlì Èlàyijà e?” A ma wa alàhwɛ nanù ema, “Jàyɛ̀, rzeketɛ imba.” Hwà mà ijòwa hvɛ nanù ema, “O wa ndi ò hwèlì e mòòhwèlì wà èlìŋgɛ̀ ja ambɛ̀lɛ e?” A ma hwa alàhwɛ̀ hvɛ nanù ema, “Jàyɛ̀.”

Yòwanìrzɛ̀ 4:19

Oŋgò mòlanà à mà hweye nanù rzìi a òhweyà Yerzù nanù ema, “Ìi Rzàŋgò kòkò, na ɛnɛ ema ò hwèlì ndi mòòhwèlì wà èlìŋgɛ̀.

Yòwanìrzɛ̀ 6:14

Nà òma hwaŋga hwatò hwà mà ɛnɛ manù mànyakà ma eyà ema Yerzù à mà gbeye rzìi hwa òhwa nanù ema, “O tɛ̀ɛtɛ̀ɛ e Mòòhwèlì wà èlìŋgɛ̀ ònò ema hwà mà òhwe ema a jà ò rze.”

Yòwanìrzɛ̀ 7:12

O ìtììtènì ja eŋge ŋgindi ema e mà hwɛ ò ndèma lòŋgò la hwatò hwa mà hwɛ lì òhwa nanù ema, “À hwèlì ndi mòtò wà gbamù,” ndi hwahvɛhvɛ hwà mà òhwa nanù ema, “Jàyɛ̀, a ɔnjɔ ndi hwatò.”