Yòwanìrzɛ̀ 7:39 - Mokpwe: Bakwery (New Testament)

³⁹ Yerzù à mà hwɛ ndi lì òhwa, lì hvòmɛ̀nɛ̀ Èlìŋgɛ̀ yà Wòtani. Èŋge Èlìŋgɛ̀ yà Wòtani yɔ ndi hwaŋga hwatò ema hwà mà mò lòkɛ̀yì hwà mà hwɛnɛ lì ŋgbahwa. O lìŋgi lìrzakò ò ma Èlìŋgɛ̀ yà Wòtani e rzi hwa ŋgbàhwi èhwanja ò lìŋgi lìrzakò ò ma Lohwɛ̀ a rzi uŋmɛ̀lɛ̀ èluhwe ya ama Yerzù.

Yòwanìrzɛ̀ 7:39 Mawu Ofanana

Matiyò 16:14

Rzìi hwa mò alàhwɛ̀ nanù ema, “Lòŋgò hwa òhwa nanù ema ò hwèlì ndi Yòwanìrzɛ̀ è Mòlùhwìrzèlì. Hwanɛ̀yi hvɛ hwa òhwa nanù ema ò hwèlì ndi Èlàyijà. Hwanɛ̀yi wɔ̀ hvɛ hwa òhwi nanù ema ò hwèlì ndi Jèrìmayà tɔ̀ òhvɛhvɛ Mòòhwèlì wa Èlìŋgɛ̀.”

Matiyò 21:11

Eŋge ŋgìndì e hwa alàhwɛ̀ nanù ema, “Yerzù ònò, è Mòòhwèlì wà èlìŋgɛ̀ ema a uwɛ̀lɛ̀lɛ̀yi ò e mbòwà yà Nàrzarɛ̀tì ò èkòmè ya Galìlì.”

Lukàrzɛ̀ 24:49

Nà è òmeyà mamɛ ema Tatɛ̀ wà ami à mà kàkɛ̀nɛ̀. Inyɔ è lìyà ò ène mbòwà, è ambɛ̀lɛ̀ natɛ̀ɛ yò òndìrzɛ̀hwɛ̀ nà è ŋginyà e uhweyà ò ŋmanyu yà lohwà.”

Lukàrzɛ̀ 3:16

Yòwanìrzɛ̀ rzìi à hwa alàhwɛ̀ hwa arzɛ nanù ema, “Nà è lùhwìrzɛ̀ naŋgɛ nà màlìhwa, ndi òŋgò ema à kàrzàmi lì nò aka à ò jà, ema nà rzà ukì hvɛ tɔ̀ òŋgò ema à tànɛyì lì wùnduwa mèèrzìŋgà mè hwètàmbì hwe eni. Mɔ̀ à è ò lùhwìrzɛ̀ ndi nà Èlìŋgɛ̀ yà Wòtani nà mùnya.

Lukàrzɛ̀ 7:16

Wɔ̀ hwa arzɛ hwa mà lɛ̀mbeya mòkambiya rzìi hwa eka Lohwɛ̀ nanù ema, “Mòòhwèlì wà èlìŋgɛ̀ à jò wurzelì ò ìtììtènì jà arzu,” rzìi hwa òhwa hvɛ nanù ema, “Lohwɛ̀ à ma jà ò lì rzùŋgà hwatò hwa eni.”

Yòwanìrzɛ̀ 1:21

Rzìi hwa mà mò ijòwa nanù ema, “Njɛnɛ rzɔ ò wa ò hwèlì e? O wa ndi ò hwèlì Èlàyijà e?” A ma wa alàhwɛ nanù ema, “Jàyɛ̀, rzeketɛ imba.” Hwà mà ijòwa hvɛ nanù ema, “O wa ndi ò hwèlì e mòòhwèlì wà èlìŋgɛ̀ ja ambɛ̀lɛ e?” A ma hwa alàhwɛ̀ hvɛ nanù ema, “Jàyɛ̀.”

Yòwanìrzɛ̀ 1:25

Rzìi hwa mò ijòwa hvɛ nanù ema, “Ò wà ò rza enje tɛ è Mɔ̀ ema à Ɔ̀kirzɛ̀hwɛ̀yi tɔ̀ Èlàyijà tɔ̀ è mòòhwèlì wà èlìŋgɛ̀ ema à ambɛlɛhwɛyi ì mà wònjà rzɔ ò wà ò hwɛnì ò lì lùhwìrzɛ̀ e?”

Yòwanìrzɛ̀ 1:33

Tɔ̀ nɛ nà rzi rzɔ̀ŋgìtɛ̀nɛ̀ nanù ema mɔ̀ òŋgò. Ndi nà òma Lohwɛ̀ à mà nò òme ò lì lùhwìrzɛ̀ hwatò nà màlìhwa, à mà nò òhweyà nanù ema, ‘È mɔ̀ ema ò ɛni èlìŋgɛ̀ è mò rzihwèlì lì mò tɛmeyà, mɔ̀ ndi à hwèlì è mɔ̀ ema à ò lùhwìrzɛ̀ hwatò nà èlìŋgɛ̀ yà wòtani.’

Yòwanìrzɛ̀ 12:16

Nà òma hwene hweyà hwe mà gbèyɛ̀nɛ̀, hwà-òkòwèlì hwa eni hwa rzi hwe rzɔ̀ŋgìtɛ̀nɛ̀. Ndi nà òma Yerzù à mà hvùmùwè nà èluhwe yà ama Lohwà, rzìi hwa ɔ̀ŋgɛ̀lɛ̀ nanù ema hweyà ema hwe mà gbèyɛ̀nɛ̀ lì hvòmɛ̀nɛ̀ Yerzù, hwe mà lòma lì tìlahwa.

Yòwanìrzɛ̀ 12:23

Yerzù rzìi a hwa alàhwɛ̀ nanù ema, “È hvònda e ma uka ema èluhwe ya ama è Ŋmanà wà è Mòtò wà Hwènàmà e hwɛni lì ɛnɛhwɛ.

Yòwanìrzɛ̀ 14:13

Ndèŋgànɛ̀lɛ̀ hvɛ, imba na ò gbeyà tɔ̀ mamɛ ema ò ijò ò lìna lì ami, aŋga nanù Tatɛ̀ a ò luwa èluhwe lì akeyà è Ŋmanà wà Munyanà wa eni.

Yòwanìrzɛ̀ 14:26

È Moòŋgòwànèlì, Èlìŋgɛ̀ yà Wòtani, ema Tatɛ̀ a e òmeya ò lìna lì ami, a ò e òkòlɛ̀ hweyà hwe arzɛ. Ndèŋgànɛ̀lɛ̀ hvɛ a ò gbeyà e ò ɔ̀ŋgɛ̀lɛ̀ hweyà hwe arzɛ ema nà mà lòmɛ lì e òhweyà.

Yòwanìrzɛ̀ 16:14

Mɔ̀ a nò jàneyà èluhwe ndɛnɛ, èhwanja a ò nò wòwàna mamɛ ema na òhwa rzìi a e òhweyà.

Yòwanìrzɛ̀ 16:7

Ndi na e òhweyà ndi e jɔ̀kɛ̀. È hwèlì gbamù nanù ema, imba na ɛ̀ndɛ. Èhwanja imba na rza ɛ̀ndi tɛ nanù òma e Moòŋgòwànèlì a rza e jèeyà. Ndi na ɛndi tɛ, na e òmeya e mɔ̀.

Yòwanìrzɛ̀ 17:1

Nà òma Yerzù à mà kulɛ lì òhwa hwenè hweyà, à mà ɔ̀ŋgɔ ò ŋmanyu yà lohwà rzìi a òhwa nanù ema, “Tatà e hvònda e ma ja, uŋmɛ̀lɛ̀ hwatò èluhwe ya ama è Ŋmanà wà aŋgɔ̀, aŋga nanù è Ŋmanà wà aŋgɔ̀ mɔ̀ hvɛ a ò uŋmɛ̀lɛ̀ èluhwe.

Yòwanìrzɛ̀ 17:5

Ìi Tatà wuluhwa èluhwe ya ami ò èki ema ò wà witi ò hwèlì, mòlemilemi mò èluhwe ema nà mà hwɛnɛ na ò hwa ndèŋgàna hwewòtelì hwe ene rze.

Yòwanìrzɛ̀ 20:22

Rzìi à hwa uŋgɛlɛ muulu, a hwa òhweyà nanù ema, “È wòwe Èlìŋgɛ̀ yà Wòtani.

Yòwanìrzɛ̀ 6:14

Nà òma hwaŋga hwatò hwà mà ɛnɛ manù mànyakà ma eyà ema Yerzù à mà gbeye rzìi hwa òhwa nanù ema, “O tɛ̀ɛtɛ̀ɛ e Mòòhwèlì wà èlìŋgɛ̀ ònò ema hwà mà òhwe ema a jà ò rze.”

Yòwanìrzɛ̀ 7:12

O ìtììtènì ja eŋge ŋgindi ema e mà hwɛ ò ndèma lòŋgò la hwatò hwa mà hwɛ lì òhwa nanù ema, “À hwèlì ndi mòtò wà gbamù,” ndi hwahvɛhvɛ hwà mà òhwa nanù ema, “Jàyɛ̀, a ɔnjɔ ndi hwatò.”

Yòwanìrzɛ̀ 8:54

Yerzù ama hwa timbirzɛlɛlɛ nanù ema “È hwèlì tɛ ema na akàrzɛ̀yi imba mbiti, lì kàrzɛ̀lɛ̀hwɛ̀ lì ami lì rza òhva tɔ̀ wòlìtò. Rzàŋgò wa ami, ema inyɔ e kɔti nàa Lòohwà là anyu, mɔ̀ ndi à hwèlì e mɔ̀ ema a nò kàrzɛ.

Hwègbèèlì 19:2

Rzìi à hwa ijòwa nanù ema, “È ma luwa Èlìŋgɛ̀ yà Wòtani e hvònda ema e ma lòkɛ̀ e?” Hwà mà mò alàhwɛ̀ nanù ema, “Jàyɛ̀, irzɔ i rzi hweyi a hweyà hvɛ tɔ̀ nanù ema ò hwèlì eyà ema e hwɛ̀lɛ̀hwɛ̀ nanù ema Èlìŋgɛ̀ yà Wòtani.”

Hwègbèèlì 2:17

Lohwɛ̀ à mà òhwa nanù ema, ‘O mèenyà me lìrzukù, imba na òma Èlìŋgɛ̀ ya ami ya Wòtani ndèŋgànɛ̀lɛ̀ e jèeya tɔ̀ ima mòtò. Hwaana hwa anyu hwa wunyanà na e wɔ̀ hwa hwalana, hwa ò òhwa hweyà ema hwe ò gbèyɛ̀nɛ ò e hvònda ema e ò jɛ̀ɛ̀. Imberza ja anyu jò ò ɛnɛ jɛ̀nɛ̀nì ema jò uwɛ̀lɛ̀lɛ̀yi ò mba ami, hwàmbaki hwa anyu hvɛ hwa ò ɔ̀tɔ̀ indɔ̀tɔ̀.

Hwègbèèlì 2:33

Lohwɛ̀ à mà mò ŋgba kònda yà èluhwe ò lìya là eni là mòmɛ̀. Ndeŋgànɛ̀lɛ̀ à mà mò ŋgba Èlìŋgɛ̀ yà Wòtani ema à mà òhwe nanù ema à ò mò ŋgba. Yerzù mɔ̀ hvɛ à mà jò ŋgba eŋge èlìŋgɛ̀ ndèŋgànɛ̀lɛ̀ yɔ̀ ndi è gbèyi ema inyɔ è ɛnɛ̀ nà lì hweyà tɔ̀ mamɛ ema è gbèyɛ̀nɛ̀ yàwònò.

Hwègbèèlì 2:38

Pètrò rzìi a hwa alàhwɛ̀ nanù ema, “Tɔ̀ ima mɔ̀ wa anyu a tikòwe ò hwɛ̀ɛ̀mɛ̀ hwe wòhwe a timbeya Lohwɛ̀ rzìi a lùhwìrzɛ̀hwɛ̀ ò lìna la ama Yerzù Krirztò, aŋga nanù Lohwɛ̀ a e làkirzɛ ò wòhwe wò anyu. Ndeŋgana Lohwɛ̀ a e ŋgba jàhwèyà ja eni ja Èlìŋgɛ̀ yà Wòtani.

Hwègbèèlì 2:4

Wɔ̀ hwa arzɛ hwà mà ònda na Èlìŋgɛ̀ yà Wòtani, rzìi hwa wòteya lì òhwa imbɔrzi ja hwahvɛhvɛ hwatò ema hwa rza òkòwɛ. Èlìŋgɛ̀ yɔ ndi e ma hwa lìyɛlɛ ò lì òhwa mamɛ ema hwà mà hwɛ lì òhwa.

Hwègbèèlì 3:13

Lòohwà là ama, Abràhamù, Irzàkì nà Jèkɔ̀bù, Lòohwà là ama hwà tàatɛ̀, lɔ̀ ndi lì ŋgbèlì è mògbèèlì hwa eni Yerzù èluhwe. Inyɔ è mà mò akɛ̀lɛ̀lɛ̀ ò màà mà hwàkànèlì nanù ema à òŋwahwe, rzìi è mò rzɔ̀rzɔ̀ ò wòrzò wò ama Pìlatò. Tɔ̀ nɛ Pìlatò mɔ̀ à mà ɔ̀ŋgɛ̀lɛ̀ nanù ema à rzòlòwàhwè inyɔ è mà tìmba lì mò rzɔ̀rzɔ̀.

Hwègbèèlì 4:31

Nà òma hwà mà kulɛ ò lì kanɛ̀, èki ema hwà mà taneya e ma nyiŋgà. Wɔ̀ hwa arzɛ hwà mà òndìrzɛ̀hwɛ na Èlìŋgɛ̀ yà Wòtani rzìi hwa wòteyà lì òhwa eyà ya Lohwà e rzi hwɛ lì òka wɔ̀ŋgɔ̀.

Ròmànì 8:9

Ndi inyɔ, e rza enje hwatò ema yòwò ya nyò ye e kànèyà, ndi inyɔ e lìya ndi na òma Èlìŋgɛ̀ yà Wòtani ye e kànèyà ò lì lìya. Nà e jɔ̀kɛ̀ Èlìŋgɛ̀ ya Lohwɛ̀ e hwèlì ò tenì ya anyu. Tɔ̀ njɛ̀nɛ ema a rza hwɛnɛ Èlìŋgɛ̀ ya ama Krirztò, a rza enje na Krirztò.

2 Kɔ̀rintìyà 3:8

O èŋgànɛ̀lɛ̀ rzɔ irzɔ jo òkolɛ tɛ hwatò ŋmɛ̀ndì mo èlìŋgɛ̀ yà Lohwà, Lohwɛ̀ a uŋmɛ̀lɛ̀ hwatò nanù ema ŋmɛ̀ndì mò eni mo hwɛni wòlìto ò lòŋgɛ la hwatò.

Ɛ̀hvìrzìyà 4:30

È rzi gbeyà hweyà ema hwe gbèeyà Èlìŋgɛ̀ yà Wòtani e hwɛ̀ɛ rzɔ̀lùu. Èlìŋgɛ̀ yà Wòtani e gbèyi ndi nàa embànèlì ema Lohwɛ̀ à mà e ika o lì ambɛlɛlɛ wùùnya wo lìrzùkù ema a e kɔ̀tɔ̀.