Yòwanìrzɛ̀ 7:32 - Mokpwe: Bakwery (New Testament)

³² Ihvàlìrzàyì hwà mà hweye na òma hwatò hwa àyiŋgòwɛ̀ ò lì òhwa hwene hweyà lì hvòmɛ̀nɛ̀ Yerzù. O èŋgànɛ̀lɛ̀ wɔ̀ na Ipìlìrzì ndɛnɛ hwà mà òma hwakutu hwa e Ndawò yà Lohwà ò lì ŋgbaŋgɛ Yerzù.

Yòwanìrzɛ̀ 7:32 Mawu Ofanana

Matiyò 12:14

Nà òma ene eyà e mà gbèyɛ̀nɛ nanù, rzìi Ihvalìrzàyì i mà wurza ò ndawò yà màkanɛ̀ rzìi hwa wòteyà lì weka ŋmanò mò lì òŋwa Yerzù.

Matiyò 23:13

Yerzù rzìi a òhwa nanù ema “Mòjema na inyɔ̀ Hwà-òkòlèlì hwa mbenda na inyɔ Ihvàlìrzàyì, e hwèlì ndi hwatò hwa mòlàŋgà! Inyɔ e umbana hwatò lìyòhva là lìkànèyà là ŋmanyu yà Lohwà aŋga nanù hwatò hwa rza kpeya. Tɔ̀ inyɔ hwiti e rza ò kpèeyà. È rza tànɛyi hvɛ lì hwɛmɛ tɔ̀ hwaŋga hwatò ema hwa hwèlì hwa keka lì kpèeyà ò lì kpèeyà.

Matiyò 26:58

Nà òma hwa mà wòwe Yerzù, Pètrò hvɛ à mà mò nɔ̀ŋgɔ ò mburzà ŋmanà hvòka natɛ̀ɛ hwa mà jà lì kòmbɛnɛ èwòka yà ama Kàyìhvàrzì. À mà kpèeyà rzìi à lìya nà hwà-ɔ̀ŋgèlì hwa è Ndawò yà Lohwà ò lì ɔ̀ŋgɔ nɛ mòŋgò ŋmaŋgò mò ama Yerzù mò kuweya.

Yòwanìrzɛ̀ 11:46

Lòŋgò hvɛ hwà mà ɛ̀ndɛ lì ùŋma Ihvàlìrzàyì rzìi hwa hwà òhweyà mamɛ Yerzù à mà gbeyɛ.

Yòwanìrzɛ̀ 12:19

Ihvàlìrzàyì rzìi i àwòhwànɛ̀lɛ̀ mɔ̀kɔ nà ɔ̀nɛyi nanù ema, “È ɔ̀ŋgɔ tɔ̀ nàŋgɛ nanù ì rza tànɛyi lì gbeyà tɔ̀ eyà. È rze ya arzɛ e hwèlì e mò òŋgama.”

Yòwanìrzɛ̀ 18:3

Jùdàrzì rzìi à ɛndɛ ò eŋge hvaya ò tenì yà mùùtù mò Njàhwɛ̀, à tìmba è ŋgìndì yà hwanelì hwa njùma nà lòŋgò là hwàgbèèlì hwa è Ndawò yà Lohwà ema Ipilìrzi ndɛnɛ nà Ihvàlìrzàyì hwa mà òme wɔ̀ hwa mà hwanɛ̀ mèkakò, hwètùlù nà hwɛ̀ɛ̀kɛ̀ hwe njùma.

Yòwanìrzɛ̀ 7:30

Nà òma à mà òhwe nanù, hwa keka ò lì mò ŋgbaŋgɛ, ndi tɔ̀ mɔ̀kɔ à rzi mò hwàkɛ lìya ò nyò ya eni, èhwanja è hvònda ya eni e rzi ùke.

Hwègbèèlì 5:26

Rzìi òŋgò mòkànèlì hwa pòlìrzi ya e ndawò yà Lohwà à mà ɛndɛ na hwatò hwa eni, a ɛndɛ lì ŋgbaŋgɛ iŋgi àpɔ̀rzìtòlò rzìi a hwa jànà. Ndi hwa rzi gbeyàne ŋginyà ò lì hwa ŋgbaŋgɛ, èhwanja hwà mà òka wɔ̀ŋgɔ̀ nanù ema hwatò ema hwà mà hwɛ aŋga hwà mà tànɛyi lì hwa aŋgba màŋyàyi.