Yòwanìrzɛ̀ 7:30 - Mokpwe: Bakwery (New Testament)

³⁰ Nà òma à mà òhwe nanù, hwa keka ò lì mò ŋgbaŋgɛ, ndi tɔ̀ mɔ̀kɔ à rzi mò hwàkɛ lìya ò nyò ya eni, èhwanja è hvònda ya eni e rzi ùke.

Yòwanìrzɛ̀ 7:30 Mawu Ofanana

Matiyò 12:14

Nà òma ene eyà e mà gbèyɛ̀nɛ nanù, rzìi Ihvalìrzàyì i mà wurza ò ndawò yà màkanɛ̀ rzìi hwa wòteyà lì weka ŋmanò mò lì òŋwa Yerzù.

Matiyò 21:46

Wɔ̀ rzìi, hwa wòteya lì arza ŋmanò mò lì mò lɛmbɛ. Ndi wɔ̀ hwà mà òka wɔ̀ŋgɔ̀ ò lì gbeyà nanù èhwanja wɔ̀ hwà mà ayèmbɛ nanù ema eŋge ŋgìndì e ma ɛnɛ ndi Yerzù nàa Mòòhwèlì wà èlìŋgɛ̀.

Makòrzì 11:18

Ipìlìrzì ndɛnɛ nà hwà-òkòlèlì hwa mbenda hwà mà hweyè nà òmà Yerzù à mà òhwe nanù rzìi hwà wòteyà lì arzà njɔ̀mi ò lì mò òŋwà. Hwà mà mò òkà wɔ̀ŋgɔ̀ ehwànja è ŋgìndì ya arzɛ̀ è mà òndà nà hwètàmirzèlì ò hwèyòkòlèlì hwe eni.

Lukàrzɛ̀ 20:19

Hwà-òkòlèlì hwà mbenda nà Ipìlìrzì ndɛnɛ̀ hwa mà àrza nɛ hwa mò lɛ̀mbeyà aŋga mɛnɛ, èhwanja hwa mà hwiya ema wɔ̀ ndi à kpɛɛlì mònò ŋmàna, ndi hwa mà òka è ŋgìndì wɔ̀ŋgɔ̀.

Lukàrzɛ̀ 22:53

Mamɛ ndeŋgàtɛ è rzi nò ŋgbàŋgɛ̀ ò Ndawò yà Lohwà e? Ì mà hwɛ ò Ndawò yà Lohwà wùnyà tɛ, ndi è rzi nò lɛ̀mbɛ̀, ndi lìrzàkò là anyu lì mà uka naŋgɛ. Jììtìtì ndi ì kànèyà naŋgɛ.”

Yòwanìrzɛ̀ 10:31

O ene hvònda hwatò hwa wònyà Yudà hwà mà kòma màŋyàyi ò lì uŋma Yerzù hvɛ.

Yòwanìrzɛ̀ 10:39

Hwene hweyà hwe arzɛ ema à mà òhwe hwe ma gbeyà hwà mà arza lì mò lɛmbɛ hvɛ ndi à mà anjiya ò màà mà awu.

Yòwanìrzɛ̀ 11:57

Ipìlìrzì ndɛnɛ na Ihvàlìrzàyì hwà mà akɛ̀lɛ̀ e njàmbɛ̀ nanù ema, “Tɔ̀ njɛnɛ ema a hwi èki ema Yerzù a hwèlì a je a hwa òhweyà aŋga nanù òma hwà mà mò ŋgbaŋgɛ.”

Yòwanìrzɛ̀ 7:19

È rza enje e jɔ̀kɛ̀ nanù ema Mòrzè à mà e ŋgba imbenda e? Tɔ̀ nɛ tɔ̀ mɔ̀kɔ wa anyu a rza ika ini mbenda. Mamɛ rzɔ ndèŋgàtɛ̀ e arza lì nò òŋwa e?”

Yòwanìrzɛ̀ 7:32

Ihvàlìrzàyì hwà mà hweye na òma hwatò hwa àyiŋgòwɛ̀ ò lì òhwa hwene hweyà lì hvòmɛ̀nɛ̀ Yerzù. O èŋgànɛ̀lɛ̀ wɔ̀ na Ipìlìrzì ndɛnɛ hwà mà òma hwakutu hwa e Ndawò yà Lohwà ò lì ŋgbaŋgɛ Yerzù.

Yòwanìrzɛ̀ 7:6

Yerzù rzìi a hwa timbirzɛlɛlɛ nanù ema, “È hvònda ya ami e rzi uki. Ndi inyɔ è hvònda ya anyu e hwèlì ndi tɔ̀ ima hvònda.

Yòwanìrzɛ̀ 7:8

Inyɔ è ɛ̀ndɛ ò ndèma. Imba nà rza ɛ̀ndɛ èhwanja è hvònda ya ami e rzi uki.”

Yòwanìrzɛ̀ 8:20

Yerzù à mà òhwa ndi hwenè hweyà nà òma mɔ̀ à mà hwɛ lì òkòlɛ̀ ò Ndawò yà Lohwà. Lì kòmbɛ̀nɛ̀ èki ema hwà mà aŋgbeyà e njàŋge ya e Ndawò yà Lohwà. Ndi tɔ̀ mòtò a rzi tanɛ lì mò hvùma, èhwanja e hvònda ya eni e rzi ùke.

Yòwanìrzɛ̀ 8:37

Nà hwi nanù ema inyɔ e hwèlì ndi e nyɔ̀ŋgɔ̀nì ya ama Abràhamù. Ndi tɔ̀ nanù, inyɔ e wòŋgirzɛnɛyi ò lì nò òŋwa, èhwanja hweyòhwèlì hwe ami hwe rza òhvi tɔ̀ ìlùkù ò mèèmà me anyu.

Yòwanìrzɛ̀ 8:59

Nà òma à mà òhwe nanù, rzi hwa kòma màŋyàyi ò lì mò aŋgba, ndi Yerzù à mà àwutɛ̀ mɔ̀ ŋmìti, rzìi a nyɔ̀lɔ̀lɔ̀ èŋge ŋgìndì ò tenì ya èwòka ya e ndawò yà màkanɛ̀.

Yòwanìrzɛ̀ 9:4

Nà òma ŋmerze mò wùùnya wò hwèlì nanù, irzɔ hwa arzɛ i hwɛnì lì gbeyà èwòlò e jò ŋgbàahwì na e mɔ̀ ema a nò òmi. Nàŋgɛ ema wùùnya wa a kɔ ema tɔ̀ mòtò a rza tanɛ lì gbeyà èwòlò.