Yòwanìrzɛ̀ 7:19 - Mokpwe: Bakwery (New Testament)

¹⁹ È rza enje e jɔ̀kɛ̀ nanù ema Mòrzè à mà e ŋgba imbenda e? Tɔ̀ nɛ tɔ̀ mɔ̀kɔ wa anyu a rza ika ini mbenda. Mamɛ rzɔ ndèŋgàtɛ̀ e arza lì nò òŋwa e?”

Yòwanìrzɛ̀ 7:19 Mawu Ofanana

Matiyò 12:14

Nà òma ene eyà e mà gbèyɛ̀nɛ nanù, rzìi Ihvalìrzàyì i mà wurza ò ndawò yà màkanɛ̀ rzìi hwa wòteyà lì weka ŋmanò mò lì òŋwa Yerzù.

Matiyò 21:38

Ndi na òma hwaŋga hwàgbèèlì hwa eŋge hvaya, hwà mà ɛnɛ eŋge mberza ya ama òŋgò mò hwɛnɛ wa hvaya ndi à jà, hwa òhwanɛ̀lɛ mɔ̀kɔ nà ɔ̀nɛyi nanù ema, ‘Onò ndi à rzaŋgòwa rzaŋgɛ. È je anù i mò òŋwe aŋga nanù ò ma i ma kùwàna ene erzaŋgò ya arzɛ.’

Makòrzì 11:18

Ipìlìrzì ndɛnɛ nà hwà-òkòlèlì hwa mbenda hwà mà hweyè nà òmà Yerzù à mà òhwe nanù rzìi hwà wòteyà lì arzà njɔ̀mi ò lì mò òŋwà. Hwà mà mò òkà wɔ̀ŋgɔ̀ ehwànja è ŋgìndì ya arzɛ̀ è mà òndà nà hwètàmirzèlì ò hwèyòkòlèlì hwe eni.

Makòrzì 3:4

Rzìi à hwa ijòwa nanù ema, “Mamɛ è hwèlì e mbenda ò Wùnyà wò lì Arzìyòlɛ̀ e? O lì gbeyà gbamù ŋga wòhwe. O lì rzùŋgà lòŋgɛ la mòtò ŋgà ò lì mò òŋwa e?” Ndi wɔ̀ hwa arzɛ hwa mà kina.

Makòrzì 3:6

Ihvalìrzàyì i mà wurza ò èwòkà, rzìi hwa ùŋmanɛlɛ hwatò hwa ehvehva ya ama Hɛ̀rɔ̀dì, rzìi hwa wòteyà lì arza ŋmanò nɛ wɔ̀ hwa tànɛyì lì òŋwa Yerzù.

Yòwanìrzɛ̀ 1:17

Lohwɛ̀ à mà ŋgbà è mbenda lì akeyà nà Mòrzè ndi è ndèli nà è jɔ̀kɛ̀ è mà jà ndi lì akeyà nà Yerzù Krirztò.

Yòwanìrzɛ̀ 10:39

Hwene hweyà hwe arzɛ ema à mà òhwe hwe ma gbeyà hwà mà arza lì mò lɛmbɛ hvɛ ndi à mà anjiya ò màà mà awu.

Yòwanìrzɛ̀ 11:53

Lìwòteyà èŋge hvònda, hwàkànèlì hwa wònyà Yudà hwa wòteya lì ŋya ŋmanò ò lì òŋwa Yerzù.

Yòwanìrzɛ̀ 5:16

Rzìi hwaŋga hwatò hwa wòteya lì wòŋgìrzɛ̀nɛ̀ lì gbeyà Yerzù wòhwe, èhwanja à mà wɔ̀wìrzɛ̀ ndi òŋgò mòtò ò wùnyà wò lì arziyòlɛ.

Yòwanìrzɛ̀ 5:18

Hwenè hweyà ema Yerzù à mà òhwe hwe ma gbeyà hwatò hwa wònyà Yudà hwa mò kimeya ndi e kpelì. Rzìi hwa òhwa ema rzeketɛ tɔ̀ ema a undi ndi e mbenda mɛnɛ ndi à òhwi hvɛ nanù ema Lohwɛ̀ a hwèlì ndi Tatɛ̀ wa eni, a uŋmɛ̀lɛ̀ ndi nanù ema a hwèlì ndi èmɛ̀nɛ̀nì yɔ̀kɔ nà Lohwɛ̀.

Yòwanìrzɛ̀ 5:45

Tɔ nɛ e rza na emelɛ e rza lùtèyà nanù ema imba ndi na ò hwɛ e mɔ̀ ema a òhweyà Tatɛ̀ wa ami nanù ema e rza nò emelì Mòrzè ema inyɔ e ikayi mahvita mɔ̀ mɛnɛ ndi à hwèlì e mɔ̀ ema a òhwa nanù ema inyɔ e gbèyi wòhwe.

Yòwanìrzɛ̀ 7:1

O mburzà hwenè hweyà, Yerzù à mà lìŋgòwa hweki nà hweki ò erzòòkà ya Galìlì. A rza arze lì ɛndɛ ò erzòòkà ya Jùdeyà èhwanja lìkànèyà la wònyà Yudà lì ma kàkɛ̀nɛ̀ lì mò òŋwa.

Yòwanìrzɛ̀ 7:25

Lòŋgò là hwatò ema hwà mà hwɛ lì lìya ò Jèrurzalɛ̀mù rzìi hwa wòteya ò lì àyijòwànɛ̀ mɔ̀kɔ na ɔ̀nɛyi nanù ema, “Rzekɛ ònò mòtò ndi hwa hwèlì lì keka ò lì òŋwa e?

Hwègbèèlì 7:38

Mònò Mòrzè mɛnɛ ndi mò ma hwɛ na hwatò hwa arzu ò mòrzanjɛ̀. A ma hwɛ aŋga na imbamba ja arzu e hvònda ema e aŋgèlì ema Lohwɛ̀ à mà òme na ŋmɛ̀ndì ò e hvàko ya Rzinàyi à mà hwa òhwirzɛnɛ. Mònò ŋmɛ̀ndì ema Mòrzè à mà wòwane eŋge aŋgèlì, mɔ̀ ndi irzɔ i hwèlì i gbeyàna natɛ̀ɛ na yawònò.

Gàletìyà 3:19

Mamɛ rzɔ è mà hwɛ lìtiŋga ema Lohwɛ̀ à mà ŋgbe è mbenda e? À mà hwa ŋgba è mbenda ò lì uŋmɛ̀lɛ̀ hwatò mamɛ wòhwe wò hwèlì, eŋge mbenda è mà àŋgàmɛ̀nɛ̀yi lì hwɛ natɛ̀ɛ nà ò è hvonda ema è ŋmanà wà è nyɔ̀ŋgɔ̀nì yà ama Abràhamù ema Lohwɛ̀ à mà kàkɛ̀nɛ̀ à mà hwɛni lì jà. Lohwɛ̀ à mà ŋgba ì aŋgèlì è mbenda ò lì ŋgba Morzè. Morzè ndi à mà hwɛ è mòtò wà ìtììtènì ema à mà tɛ̀meyà è mòtò wà hwènàmà nà Lohwɛ̀.

Gàletìyà 6:13

Tɔ̀ hwaŋga hwatò ema hwa endàhwà, hwa rza ika imbenda, wɔ̀ hwa arza nanù ema e endahwe, aŋga nanù hwa tànɛyi lì ayèkirzɛ̀ nanù ema, inyɔ e ma emeyà o lì endàhwà.