Yòwanìrzɛ̀ 7:14 - Mokpwe: Bakwery (New Testament)

¹⁴ È ndèma e ma kòmbɛnɛ lì uka ò ìtììtènì, Yerzù à mà ɛ̀ndɛ ò Ndawò yà Lohwà rzìi a wòteya lì òkòlɛ̀.

Yòwanìrzɛ̀ 7:14 Mawu Ofanana

Matiyò 21:12

Ò mburza hvònda, Yerzù à mà ɛndɛ lì kpèeyà ò è Ndawò yà Lohwà. À mà hvaya hwaŋga hwatò hwa arzɛ ema hwa mà hwɛ lì anda nà lì àhwirzɛ̀ inyòŋga ja awu aŋga. À mà nòŋgòlɛ̀ itèhwèlì ja è wɔ̀ ema hwa mà hwɛ lì kènjirzɛ̀ ìkahvà, nà ì mbòkò jà è wɔ̀ ema hwa mà hwɛ lì àhwirzɛ̀ imbèŋgà.

Matiyò 26:55

Yerzù rzìi a ijòwa eŋge ŋgindi nanù ema, “Nà hwèlì ndi ŋmìhwɛ̀ ema e jelì lì nò ŋgbaŋgɛ na hweeye na irzɔ̀lɔ̀ e? Mamɛ ndeŋgatɛ e rzi nò ŋgbaŋgɛ e hvònda ema nà mà hwɛ lì òkòlɛ̀ wùnyà tɛ ò e Ndawò yà Lohwà e?

Lukàrzɛ̀ 19:47

Wùnyà tɛ, Yerzù à mà hwɛ lì òkòlɛ̀ ò Ndawò yà Lohwà. Ipìlìrzì ndɛnɛ̀ nà hwà-òkòlèlì hwa mbenda, nà hwàtìmbèlì hwa hwatò, hwa mà hwɛ ndi lì àrza ŋmànò ò lì mò òŋwà.

Yòwanìrzɛ̀ 18:20

Yerzù à mà mò alàhwɛ̀ nanù ema, “Imba nà mà màa lì òhweyà hwatò hwa arzɛ hwene hweyà hwe arzɛ ò mòte. Nà mà hwɛ ndi lì òkòlɛ̀ ò ndawò jà màkanɛ̀, nà ò Ndawò yà Lohwà. Hwèki ema hwatò hwa Yudà hwa arzɛ hwà mà hwɛ lì arzàŋganɛ. Nà rzi òhwe tɔ̀ eyà ò jùtùtà.

Yòwanìrzɛ̀ 5:14

O mburzà ya hvònda Yerzù à mà ɛnɛ òŋgò mòtò ò Ndawò yà Lohwà. Nà òma à mà mò ɛnɛ rzìi a mò òhweyà nanù ema, “Onò òkànèyà tɛ, nàŋgɛ nanù ò ma wɔ̀wìrzɛ̀hwɛ̀ ò rzi gbeyà hvɛ hweyà hwe wòhwe. Èhwanja ò gbèyi hvɛ tɛ wòhwe, ò taka lì aka nanù.”

Yòwanìrzɛ̀ 7:2

Nàŋgɛ è Ndema yà Mawòòndò ya wònyà Yudà ema kòmbɛ̀nɛ̀.

Yòwanìrzɛ̀ 7:28

Nà òma Yerzù a mà hwɛ lì òkòlɛ̀ ò Ndawò yà Lohwà, rzìi a kàrzɛ lìlò la eni a òhwa nanù ema, “Ɛ̀ɛ e nò hwi jɔ̀kɛ̀-jɔ̀kɛ̀, rzi e hwi hvɛ èki ema nà uwɛ̀lɛ̀lɛ̀yi. Ndi nà rza jelì anù ò imba mbiti. È mɔ̀ ema a nò òmi à hwèlì è jɔ̀kɛ̀. È rza mò hwi,

Yòwanìrzɛ̀ 7:37

Wùnyà wò lìrzukù wò e ndèma ema wò ma hwɛ wùnyà wò menya wò ma uka. Yerzù à mà tɛ̀mɛ̀nɛ ò ŋmanyu rzìi a òhwa na lìlò lì karzami nanù ema, “Tɔ̀ ima mɔ̀ ema a hwèya e nyìrzɛ̀ ya malìhwa, a nò jèeya a nyɔ.

Yòwanìrzɛ̀ 8:2

O elele, à mà wòŋgìrzɛ̀nɛ̀ hvɛ ò hwèkpèèlì hwe e ndawò yà màkanɛ̀. Èki ema hwatò hwa arzɛ hwà mà mò jèeya hwa mò tòŋga, rzìi mɔ̀ à lìya ò rze ò lì hwa òkòlɛ̀.

Yòwanìrzɛ̀ 8:20

Yerzù à mà òhwa ndi hwenè hweyà nà òma mɔ̀ à mà hwɛ lì òkòlɛ̀ ò Ndawò yà Lohwà. Lì kòmbɛ̀nɛ̀ èki ema hwà mà aŋgbeyà e njàŋge ya e Ndawò yà Lohwà. Ndi tɔ̀ mòtò a rzi tanɛ lì mò hvùma, èhwanja e hvònda ya eni e rzi ùke.