Yòwanìrzɛ̀ 7:13 - Mokpwe: Bakwery (New Testament)

¹³ Ndi tɔ̀ mɔ̀kɔ wa awu a rzi tànɛyi lì òhwa tɔ̀ eyà lì mò hvòmɛ̀nɛ̀, èhwanja hwà mà òka lìkànèyà la wònyà Yudà wɔ̀ŋgɔ̀.

Yòwanìrzɛ̀ 7:13 Mawu Ofanana

Yòwanìrzɛ̀ 19:38

Ò mburza yà nanù, Jòrzɛ̀hvù ema à mà uwɛ̀lɛ̀lɛ̀yi ò mbòwa yà Àrìmàtìyà à mà òhweyà Pìlatò nanù ema à mò ŋgbe wònja ò lì wòwa èèmbè yà ama Yerzù. Jòrzɛ̀hvù à mà hwɛ ndi mòòkòwèlì wà ama Yerzù ndi à rza àwùŋmɛ̀lɛ̀ mɔ̀ ŋmìti èhwanja à mà òka hwatò hwa wònyà Yudà wɔ̀ŋgɔ̀. Pìlatò à mà mò ŋgbà è wònjà ò lì wòwa èèmbè yà ama Yerzù. Ò èŋgànɛ̀lɛ̀ à mà ɛndɛ lì wòwa èèmbè yà ama Yerzù.

Yòwanìrzɛ̀ 20:19

O èŋge ŋgòmbe ya Rzɔ̀ɔ̀ndi mɛnɛ, Hwà-òkòwèlì hwa ama Yerzù hwà mà arzaŋganɛ ò tenì ya ndawò, rzìi hwa umbanɛ èhwanja hwà mà hwɛ lì òka wònyà Yudà wɔ̀ŋgɔ̀. Yerzù rzìi a hwa wurzeya rzìi a tɛ̀mɛ̀ ò ìtììtènì ja awu, rzìi a òhwa nanù ema, “Ɛ̀yɔ̀lɛ̀ e hwɛ nà inyɔ.”

Yòwanìrzɛ̀ 3:2

Wuu wɔ̀kɔ à mà ɛ̀ndɛ lì ùŋmanɛlɛ Yerzù rzìi a mò òhweyà nanù ema, “Ìi Mòòkòlèlì, irzɔ i hwi nanù ema ò hwèlì ndi Mòòkòlèlì ema a òmahwi na Lohwɛ̀. O rza enje tɔ̀ mòtò tɔ̀ mɔ̀kɔ ema a tànɛyi lì gbeyà manù mànyakà ma arzɛ ema ò gbeyà e hwèlì tɛ ema Lohwɛ̀ a rza enje na mɔ̀.”

Yòwanìrzɛ̀ 7:1

O mburzà hwenè hweyà, Yerzù à mà lìŋgòwa hweki nà hweki ò erzòòkà ya Galìlì. A rza arze lì ɛndɛ ò erzòòkà ya Jùdeyà èhwanja lìkànèyà la wònyà Yudà lì ma kàkɛ̀nɛ̀ lì mò òŋwa.

Yòwanìrzɛ̀ 7:11

Lìkànèyà la wònyà Yudà lì ma hwɛ lì mò àrza ò ndèma, rzìi hwaà wòteya lì ijòwa nanù ema, “One mɔ̀ à hwèlì e?”

Yòwanìrzɛ̀ 7:15

Lìkànèyà là ama wònyà Yudà lì ma tameya hwèyòkòlèlì hwe eni. Rzìi hwa ijòwa nanù ema, “Nɛ a hwiyelì hwenè hweyà hwa arzɛ ema a rza ɛndɛ ò rzukulu ya mbenda e?”

Yòwanìrzɛ̀ 9:22

Rzàŋgò na nyàŋgò wa eni hwà mà òhwa ndi nanù èhwanja hwà mà òka hwatò hwa lìkànèyà là wònyà Yudà wɔ̀ŋgɔ̀. Hwatò hwa wònyà Yudà hwà mà òhwa nanù ema tɔ̀ ima mɔ̀ ema a òhwi nanù ema Yerzù ndi à hwèlì è Mɔ̀ ema à Ɔ̀kirzɛ̀hwɛ̀yi, hwa mò hvaya ò ndawò ya màkanɛ̀.

Yòwanìrzɛ̀ 9:34

Iŋgi Ihvàlìrzàyì rzìi ì mò alàhwɛ̀ nanù ema, “O ma ŋyàahwà ndì ò wòhwe rzì ò òŋgeya hvɛ ò tenì ya wòhwe, rzìi nàŋgɛ wa arza lì jò òkòlɛ̀ e?” Rzìi hwa mò hvaya ò ndawò ya màkanɛ̀.

Hwèwulùwèlì 2:13

Nà hwi èki ema ò lìya. Aŋga ndi è konda yà lìkànèyà là ama mòkarzɛ̀ è hwèlì. Ndi è eka mèèmà mè anyu nà imba nanù mɛnɛ. È mà nò lòkɛ̀ nà ŋmèma mɔ̀kɔ nanù mɛnɛ tɔ̀ ò è hvonda yà ama Àntipàrzi. Àntipàrzi à mà nò tɛ̀meyà è mboŋgi yà jɔ̀kɛ̀, ndèŋgànɛ̀lɛ̀ hwa mà mò oŋwa ò ìtììtènì jà anyu ò hwèlìyelì hwe ama Mòkarzɛ̀.