Yòwanìrzɛ̀ 7:11 - Mokpwe: Bakwery (New Testament)

¹¹ Lìkànèyà la wònyà Yudà lì ma hwɛ lì mò àrza ò ndèma, rzìi hwaà wòteya lì ijòwa nanù ema, “One mɔ̀ à hwèlì e?”

Yòwanìrzɛ̀ 7:11 Mawu Ofanana

Yòwanìrzɛ̀ 1:19

Hwàmbaki hwa hwatò hwa wònyà Yudà ò e mbòwà ya Jèrurzalɛ̀mù hwà mà òma lòŋgò la Pìlìrzì na lòŋgò la hwatò hwa lìtumba la ama Lɛ̀hvì òma Yòwanìrzɛ̀ ò lì mò ijòwa nanù ema, njɛnɛ mɔ̀ à hwèlì.

Yòwanìrzɛ̀ 11:56

Hwàŋga hwatò hwa wònyà Yudà hwà mà hwɛ lì arza Yerzù nanù mɛnɛ. Ndi na òma hwà mà arzàŋganɛ ò Ndawò yà Lohwà, rzìi hwa a àyijòwànɛ̀yi mɔ̀kɔ na ɔ̀nɛyi nanù ema, “Mamɛ ò ɔ̀ŋgɛ̀lɛ̀ e? È lòkɛ̀ nanù ema a ò jà ò ndèma e?”

Yòwanìrzɛ̀ 7:1

O mburzà hwenè hweyà, Yerzù à mà lìŋgòwa hweki nà hweki ò erzòòkà ya Galìlì. A rza arze lì ɛndɛ ò erzòòkà ya Jùdeyà èhwanja lìkànèyà la wònyà Yudà lì ma kàkɛ̀nɛ̀ lì mò òŋwa.

Yòwanìrzɛ̀ 7:13

Ndi tɔ̀ mɔ̀kɔ wa awu a rzi tànɛyi lì òhwa tɔ̀ eyà lì mò hvòmɛ̀nɛ̀, èhwanja hwà mà òka lìkànèyà la wònyà Yudà wɔ̀ŋgɔ̀.

Yòwanìrzɛ̀ 7:15

Lìkànèyà là ama wònyà Yudà lì ma tameya hwèyòkòlèlì hwe eni. Rzìi hwa ijòwa nanù ema, “Nɛ a hwiyelì hwenè hweyà hwa arzɛ ema a rza ɛndɛ ò rzukulu ya mbenda e?”

Yòwanìrzɛ̀ 9:12

Hwa mò ijòwa hvɛ nanù ema, “One Yerzù mɔ̀ à hwèlì?” Rzìi à hwa alàhwɛ̀ nanù ema, “Imba na rza hwi.”