Yòwanìrzɛ̀ 6:9 - Mokpwe: Bakwery (New Testament)

⁹ “Ò hwèlì è rzɔ̀mbɛ yà ŋmanà wà munyanà anù ema à òhvi hwèhvòòtò hwèta ema hwe gbeyàhwɛnɛyi nà mbarzi jà balì, à òhvi hvɛ hwàanà nyàmà ja malìhwa ihwakɛ. Ndi nɛ mònò mòlelì mò tànɛyi lì lìrzɛ ene ŋgindi ya hwatò e?”

Yòwanìrzɛ̀ 6:9 Mawu Ofanana

Matiyò 14:17

rzìi hwa mò alàhwɛ̀ nanù ema, “Hwehvòòtò hwèta nà nyàmà jà malìhwa ihwàkɛ mɛnɛ ndi ji òhvi anù.”

Matiyò 16:9

È rza òhvi lì rzɔ̀ŋgìtɛ̀nɛ̀ hvɔ̀ni e? È rza tànɛyi lì ɔ̀ŋgɛ̀lɛ̀ e hvònda ema nà mà lìrzɛ hwekòlì hweta hwe hwatò na hwèhvòòtò hweta e? Ŋgata iti ja hwehvetɛlɛ ema e ma rzaŋge e?

Makòrzì 6:38

Yerzù rzìi a hwa ijòwa nanù ema, “Hwèhvòòtò hweti è hwɛnì e? È ɛ̀ndɛ è ɔŋgɔ̀” hwa mà ɔ̀ŋgɔ rzìi hwa mò òhweyà nanù ema, “Hwèhvòòtò hweta nà nyàmà jà malìhwa ihwàkɛ.”

Makòrzì 8:19

È hvònda ema nà ma kahweyà hwekòlì hweta hwe hwatò hwèhvòòtò hweta, ŋgata itì ja mbùmbu ja hwehvetɛlɛ ja hwèhvòòtò ema e ma rzàŋge e?” Rzi hwa òhwa nanù ema, “Lìyòmɛ̀ là ŋgata na ihwàkɛ.”

Lukàrzɛ̀ 9:13

Yerzù rzìi à hwa alàhwɛ̀ nanù ema, “Inyɔ mɛnɛ è hwa ŋgbe mamɛ ema hwa tànɛ̀yi lì làa.” Hwa mà mò òhweyà nanù ema, “Jò òhvi ndi hwèhvòòtò hweta nà nyàmà jà malìhwa ihwàkɛ. Ndi ò àrzà ema Jɛ̀ndɛ ì ànde mòlelì mò lì lìrzɛ̀ ène ŋgìndì e?”

Yòwanìrzɛ̀ 11:21

Mata rzìi a òhweyà Yerzù nanù ema, “Rzàŋgò è mà hwɛ tɛ ema ò mà hwɛ anù, òma ndòmɛ̀ wà ami a rza ŋwelì.

Yòwanìrzɛ̀ 11:32

Nà òma Màlìyɛ̀ à mà ùke aŋga òma à mà ɛnɛ Yerzù rzìi Màlìyɛ̀ a mò kpèeyà ò matàŋga rzìi a òhwa nanù ema, “Rzàŋgò ò ma hwɛ tɛ anù òma ndòmɛ̀ wa ami a rzi ŋwe.”

Yòwanìrzɛ̀ 21:10

Yerzù rzìi a hwa òhweyà nanù ema, “È jàne lòŋgò la nyàmà ja malìhwa ema e ma lɛ̀mbɛ.”

Yòwanìrzɛ̀ 21:13

O èŋgànɛ̀lɛ̀ Yerzù à mà ɛ̀ndɛ aŋga rzìi a wòwa iŋgi nyàmà ja malìhwa na hwèŋge hwèhvòòtò, rzìi a hwa ŋgbà.

Yòwanìrzɛ̀ 21:9

È hvònda hwà mà ùke ò rzàawà, hwà mà ɛnɛ mùnya mò kòtahwi na hvindi. Hwà mà ùŋma hvɛ hwèhvòòtò na nyàmà ja malìhwa ò ŋmanyu ya wèkaandò.

Yòwanìrzɛ̀ 6:11

Yerzù rzìi à wòwà hwèŋge hwèhvòòtò, à ŋgbà Lohwɛ̀ jèka, rzìi à ŋgba hwà-òkòwèlì hwa eni rzìi hwa kahweyà hwatò. Ò mburzà yà nanù à mà gbeyà hvɛ nanù nà iŋgi nyàmà. Tɔ̀ ima mòtò à mà làa nà òma à mà arze.

Yòwanìrzɛ̀ 6:7

Hvìlìpì rzìi à mò alàhwɛ̀ nanù ema, “È wòwà lì aka eyà yà egbe hwèhwàkɛ̀ hwe hwekòlì hwe hvìlàŋgì ò lì anda mòlèlì ema mò tànɛyi lì lìrzɛ̀ hwanu hwatò hwa arzɛ aŋga nanù tɔ̀ ima mòtò à làa tenyi.”

2 Kɔ̀rintìyà 8:9

È hwi na oma e Rzàŋgo ya arzu Yerzù Krirztò a e oŋgòhwànà o lì hwɛ enji. Tɔ̀ ima lìtumba la yòma ema Lohwɛ̀ a hwɛnì, mɔ̀ Yerzù ndi à e hwɛni. Ndi tɔ̀ nanù o nyòla ya anyu à mà hwɛmɛ eŋge ehwàŋgì ya eni ya arzɛ o ŋmanyu rzìi a rzihwa anù rze nàa mòtakèlì wa mòtò. A ma gbeyà ndi nanù o lì arza nanù ema inyɔ e luwe mònàmɛ̀ ema Lohwɛ̀ a ŋgbà hwatò.

Hwèwulùwèlì 6:6

Nà ma hweyà mamɛ ema e ma hweyɛnɛ nàa lìlo ema lì ma uwɛ̀lɛ̀lɛ̀yi o ìtììtènì ja hweŋge hwèembè hwe aniyɛ hwe ohwa nanù ema, “Lìkayi lɔ̀kɔ la mbàrzi mɛnɛ o etaŋgi ya èwòlò ya eyu yɔ̀kɔ, ndèŋgànɛ̀lɛ̀ màkayi mayawo ma kondi ya balì ema e rza andahwɛ na wolì ema wo lìtelì, o etàŋgì ya èwòlò ya eyu yɔ̀kɔ. Ndi inyɛ tɔ̀ mòtò a rzi hvàŋga màwuja na mìimba.”