Yòwanìrzɛ̀ 6:68 - Mokpwe: Bakwery (New Testament)

⁶⁸ Rzimɔ̀ni Pètrò rzi a timbirzɛlɛlɛ ama, “Rzàŋgò e, òma njɛnɛ irzɔ jɛ̀ɛ ɛ̀ndɛ e? O wa ndi òhvi e mbɔrzi ema e ŋgbà lòŋgɛ la gbìndèyà.

Yòwanìrzɛ̀ 6:68 Mawu Ofanana

Matiyò 16:16

Rzìmɔ̀nì Pètrò rzìi a mò alàhwɛ̀ nanù ema, “O wa ndi ò hwèlì è Mɔ̀ ema à Ɔ̀kirzɛ̀hwɛ̀yi, è Ŋmanà wà ama Lohwà ema lì hwèlì lòŋgɛ.”

Makòrzì 8:29

Yerzù rzìi a hwa ijòwa hvɛ nanù ema, “Njɛnɛ inyɔ hwìti e òhwa nanù ema na hwèlì e?” Pètrò rzìi a alàhwɛ̀ Yerzù nanù ema, “O wa ndi ò hwèlì e Mɔ̀ ema à Ɔ̀kirzɛ̀hwɛ̀yi.”

Lukàrzɛ̀ 9:20

Yerzù rzìi a hwa ijòwa hvɛ nanù ema, “Njɛnɛ inyɔ hwìti e òhwa nanù ema na hwèlì e?” Pètrò rzìi a alàhwɛ̀ Yerzù nanù ema, “O hwèlì ndi è Mɔ̀ ema à Ɔ̀kirzɛ̀hwɛ̀yi wà ama Lohwɛ̀.”

Yòwanìrzɛ̀ 12:49

È ò hwɛ ndi nanù èhwanja na rza òhwa ndi hwene hweyà hwe arzɛ na lìkànèyà la ami. Ndi e Tatɛ̀ ema a nò òmi à mà nò rzèkeya mamɛ ema na hwɛni lì òhwa.

Yòwanìrzɛ̀ 12:50

Nà hwi nanù ema tɔ̀ ima lìtumba la eyà ema a nò òhwèlì ema na òhwe lì jànà lòŋgɛ la gbìndèyà. Mamɛ ema na òhwa nanù, e hwèlì ndi mamɛ Tatɛ̀ a nò òhwèlì à mà na òhwe.”

Yòwanìrzɛ̀ 17:8

Nà hwa òhwèlì mamɛ ya arzɛ ò nò òhwèlì ò lì hwa òhweyà rzìi hwa lòkɛ̀yi hwene hweyà, hwa hwi na e tɛ̀ɛtɛ nanù ema na uwɛ̀lɛ̀lɛ̀yi ndi ò mba aŋgɔ ndèŋgàna hwa lòkɛ̀yi hvɛ nanù ema ò wa ndi ò nò òmi.

Yòwanìrzɛ̀ 5:24

“Imba na e òhweyà e jɔ̀kɛ̀ nanù ema, hwaŋga hwatò ema hwa hweyi hwèyòkòlèlì hwe ami rzìi hwa lòkɛ̀ e mɔ̀ ema a nò òmi, hwa hwɛnì lòŋgɛ la gbìndèyà ndèŋgàna hwa rza ò kàyìrzɛ̀hwɛ. Hwa rza jà ò mòkòna ndi hwà mà akeyà e kpelì lì jà ò lòŋgɛ.

Yòwanìrzɛ̀ 6:40

Tatɛ̀ wa ami arza nanù ema, tɔ̀ ima mòtò ema a ɛni e Ŋmanà rzìi a mò lòkɛ̀ a ò luwa lòŋgɛ la gbìndèyà. Ndeŋgana imba na ò hwa hvùmùlɛ̀ ò wùnyà wò lìrzukù.

Yòwanìrzɛ̀ 6:63

Èlìŋgɛ̀ yà ama Lohwɛ̀ yɔ ndi e hwèlì e yɔ ema e ŋgba lòŋgɛ. È nyàmà nyò e rza enje tɔ̀ eyà. Hweyà ema nà mà e òhweyà hwe hwèlì ndi èlìŋgɛ̀ na lòŋgɛ.

Hwègbèèlì 13:26

Pàwolò à mà hwatɛ hvɛ ò lì òhwa nanù ema, “Ìi wònyàmòwe kòkò, ò mòtèndè mò ama Abràhamù, na hwatò ema hwa gbèeyà Lohwɛ̀ naŋgɛ nanù, irzɔ ndi hwa òmelì mònò ŋmɛ̀ndì mò gbamù mò lì rzùŋgàhwa.

Hwègbèèlì 4:12

“Lì òŋgirzɛhwɛ lì rza uwɛ̀lɛ̀lɛ̀yi na ohvɛhvɛ mòtò lì aka tɛ Yerzù, èhwanja ò rza enje tɔ̀ lì hvɛhvɛ lìnà ò tenì ya ene rze ema Lohwɛ̀ à mà ŋgbe hwatò hwa hwènàmà ema lì àŋgàmɛ̀nɛyi lì jò rzùŋgà.”

Hwègbèèlì 5:20

“È ɛ̀ndɛ e tɛ̀mɛ̀ ò Ndawò yà Lohwà e òhweyà hwatò hweyà hwe arzɛ lì hvòmɛ̀nɛ̀ lòŋgɛ̀ la anyu lì hvènya.”

Hwègbèèlì 7:38

Mònò Mòrzè mɛnɛ ndi mò ma hwɛ na hwatò hwa arzu ò mòrzanjɛ̀. A ma hwɛ aŋga na imbamba ja arzu e hvònda ema e aŋgèlì ema Lohwɛ̀ à mà òme na ŋmɛ̀ndì ò e hvàko ya Rzinàyi à mà hwa òhwirzɛnɛ. Mònò ŋmɛ̀ndì ema Mòrzè à mà wòwane eŋge aŋgèlì, mɔ̀ ndi irzɔ i hwèlì i gbeyàna natɛ̀ɛ na yawònò.