Yòwanìrzɛ̀ 6:61 - Mokpwe: Bakwery (New Testament)

⁶¹ Yerzù a mà ayèmbɛ nanù ema hwà mà hwɛ lì àyiŋgòwɛ̀ lì mò hvòmɛ̀nɛ̀, rzi a hwa òhweyà nanù ema, “Ènè eyà ye e tàtìrzɛ̀ e?

Yòwanìrzɛ̀ 6:61 Mawu Ofanana

Matiyò 11:6

Mònàmɛ̀ na òŋgò mòtò ema a rza àyèŋgòwɛ̀ ŋmèma mò eni lì nò hvòmɛ̀nɛ̀.”

Matiyò 17:27

Ndi ò lì arza nanù ema i rza hwa tàtìrzɛ̀, ɛ̀ndɛ ò yulu ò aŋgbe lìyɔ̀hwi la aŋgɔ̀. È nyàmà ya wòrzò ema o ò lɛ̀mbɛ, ò e lìhvòhwè e wàna ò ùŋmanɛlɛ kahvà ema i lòŋgamɛnɛ ò lì jò rzaweya e njàŋge ya arzu ya e ndawò yà Lohwà. O ji wòwe ò ɛndɛ ò jò rzaweya e njàŋge ya arzu ya e Ndawò ya Lohwà.

Yòwanìrzɛ̀ 16:19

Yerzù à mà àyɛ̀mbɛ̀ ema hwà mà arza ò lì mò ijòwa eyà, ò èŋgànɛ̀lɛ̀ à mà hwa òhweyà nanù ema, “Èya ema na òhwi nanù ema, ‘O ŋmanà hvònda e rza ò nò ɛnɛ hvɛ, ndèŋgànɛ̀lɛ̀, ò mburzà ya ŋmanà ya hvònda hvɛ e ò nò ɛnɛ,’ eyà eŋge ema e hwèlì lì àyijòwànɛ̀ mɔ̀kɔ na ɔ̀nɛyi e?”

Yòwanìrzɛ̀ 21:17

Yerzù rzìi a mò ijòwa hvɛ e ŋgèlì e ma ùkirzɛ̀ ŋgèlì iyàwò nanù ema, “Rzìmɔ̀nì e ŋmanà wa ama Yòwanìrzɛ̀ ò nò lìŋgàni e?” Pètrò à mà tuweya ŋmèma èhwanja Yerzù à mà mò ijòwa e ŋgèlì e ma ùkirzɛ̀ ŋgèlì iyàwò nanù ema, “O nò lìŋgàni e?” Rzìi à alàhwɛ̀ Yerzù nanù ema, “Rzàŋgò ò wa ò hwi hweyà hwe arzɛ, ò hwi nanù ema imba na ò lìŋgàni.” Rzìi Yerzù a mò òhweyà nanù ema, “Aŋgòhweya mɛ̀ɛlɛ̀ŋgù me ami.”

Yòwanìrzɛ̀ 6:64

Ndi ò hwèlì lòŋgò la hwa inyɔ ema e rza lòkɛ̀yì.” (Li wòteyà lìrzakò ema Yerzù à mà wòteyà lì òkòlɛ à ma hwiya hwatò ema hwa rza lòkɛ̀ ndèŋgàna hwà mà hwɛnɛ lì mò àhwirzɛ̀).

Hibrù 4:13

Ò worzo wò ama Lohwɛ̀, ò rza enje tɔ̀ eyà ema è utami. Ndi hweyà hwe arzɛ hwe enyɛ̀lɛ̀lɛ̀yi ò worzo wò ama Lohwɛ̀. Ndeŋgànɛ̀lɛ̀ ò mà Lohwɛ̀ ndi irzɔ ì hwɛnì lì ohwa hweyà hwe arzɛ ema ì gbeyà.

Hwèwulùwèlì 2:23

Nà o oŋwa hwatò ema hwa ika hweyà ema mɔ̀ à okòlɛ, ndèŋgànɛ̀lɛ̀ meemba me arzɛ me hwiya nanù ema imba ndi na hwèlì e mɔ̀ ema a hwi màlùtèyà na mèèmà me hwatò hwa arzɛ. Tɔ̀ ima mòtò ema a gbèyi wòhwe, nanù hvɛ ndi na mo kɔ̀kìrzɛ̀.