Yòwanìrzɛ̀ 6:30 - Mokpwe: Bakwery (New Testament)

³⁰ Hwa mà alàhwɛ̀ Yerzù nanù ema, “Ima eyà ya mànyakà ema ò gbeyà i ɛnɛ rzi i ò lòkɛ̀ e? Mamɛ ò tànɛyi lì gbeyà ò tɛ̀ɛ̀tɛ̀ɛ e?

Yòwanìrzɛ̀ 6:30 Mawu Ofanana

Makòrzì 15:32

È Mɔ̀ ema à òhwi nanù ema à Ɔ̀kirzɛ̀hwɛ̀yi, ema à hwèlì ndi è kiŋgɛ̀ ya wònyà Irzàyɛ̀lì à rzìhwe ò mbarza naŋgɛ aŋga nanù je ɛnɛ rzìi ì mò lòkɛ̀.” Hwàŋga hwàyihwɛ̀ ema hwa mà wòmàwɛlɛ̀hwɛ ò itòŋgòŋgò ja ama Yerzù wɔ̀ hvɛ hwa mà hwɛ̀ lì mò hwɛnyɛ.

Makòrzì 8:11

Ihvàlìrzàyì hwà mà jà ò ma Yerzù rzi hwa wòteya e hvènda na mɔ̀, hwà mà mò arzana embànelì e uhwɛlɛlɛ ò ŋmanyu yà lohwà. Hwà mà gbeyà ndi nanù ò lì mò kèkirzɛ.

Yòwanìrzɛ̀ 10:38

Ndi imba na e gbèyi tɛ, e hwɛni lì lòkɛ̀ èwòlò ya eni tɔ̀ e hwɛ ndi nanù ema e rza nò lòkɛ̀. Aŋga nanù inyɔ e hwɛni lì lòkɛ̀ na lì hwiya na lì rzɔ̀ŋgìtɛ̀nɛ̀ ŋgelì hvɔ̀kɔ ò i ŋgelì ja arzɛ nanù ema Tatɛ̀ a hwèlì ò tenì ya ami ndèŋgàna imbahvɛ na hwèlì ò tenì ya eni ò ŋgelì ja arzɛ.”

Yòwanìrzɛ̀ 12:37

Tɔ̀ nɛ Yerzù à mà gbeye manù mànyakà ma arzɛ ò marzò ma awu, eŋge ŋgindi e rzi mò lòkɛ̀.

Yòwanìrzɛ̀ 2:18

Hwàkànèlì hwa wònyà Yudà rzìi hwa timba lì mò ijòwa nanù ema, “Ima ŋgàna ya embànelì ema ò tànɛyi lì jò uŋmɛ̀lɛ̀ aŋga nanù i hwiya nanù ema ò hwɛni wònja ò lì gbeyà ene nyayi eyà e?”

Yòwanìrzɛ̀ 4:8

(Liŋgi lìrzakò ò ma Hwà-òkòwèlì hwà mà Yerzù hwà mà ɛndɛ ò mbòwà ò lì anda mòlelì).

Yòwanìrzɛ̀ 6:14

Nà òma hwaŋga hwatò hwà mà ɛnɛ manù mànyakà ma eyà ema Yerzù à mà gbeye rzìi hwa òhwa nanù ema, “O tɛ̀ɛtɛ̀ɛ e Mòòhwèlì wà èlìŋgɛ̀ ònò ema hwà mà òhwe ema a jà ò rze.”

Yòwanìrzɛ̀ 6:2

Ŋgindi ndɛnɛ è mà hwɛ lì mò òŋgama èhwanja hwa mà hwɛ lì ɛnɛ mànyakà mà hweyà ema à mà hwɛ lì gbèye mà lì wɔ̀wìrzɛ̀ là hwà-òkòlèlì.

Yòwanìrzɛ̀ 6:36

Nà è òhweyà nanù ema inyɔ è mà màà lì nò ɛnɛ ndi è rza nò lòkɛ̀.

Hwègbèèlì 4:30

O uŋmɛ̀lɛ̀ e ŋginyà ya aŋgɔ̀ ò lì wɔ̀wìrzɛ̀ hwatò. Ndeŋgana ò jò gbeye irzɔ ò lì tanɛ lì gbeyà hwembànèlì na hweyà hwe mànyakà lì akeyà na lìinà la ama Yerzù, e mògbèèlì wa aŋgɔ̀ wa Wòtani.”

1 Kɔ̀rintìyà 1:22

Wonyà Yudà hwa arza ndi lì ɛnɛ embànèlì yà mànyakà, ò lì lòkɛ̀. Ndi hwatò hwa Grìki, wɔ̀ hwa arza ndi lìhwiyè lì ndɛnɛ.

Hibrù 2:4

Lohwɛ̀ mɔ̀ ŋmìti hvɛ à mà uŋmɛ̀lɛ̀ nanù ema hwene hweyà hwe hwèlì ndi e jɔ̀kɛ̀ na oma à mà gbeyàna hwahvɛhvɛ hwatò ò lì uŋmɛ̀lɛ̀ hwatò hwèmɛ̀nɛ̀nì na hwèèmbànèlì hwe mànyàka. Mɔ̀ à mà uŋmɛ̀lɛ̀ hvɛ na hweyà ema hwatò hwà mà hwɛ lì gbeyà lì akeyà na màyìmbi ma Èlìŋgɛ̀ yà Wòtani ema Lohwɛ̀ à mà hwa ŋgbe. Lohwɛ̀ à mà ŋgba hwatò Èlìŋgɛ̀ yà Wòtani na oma mɔ̀ à mà lìŋgàne.