Yòwanìrzɛ̀ 6:22 - Mokpwe: Bakwery (New Testament)

²² O ɛnɛyi eka ya elele e ŋgìndì ya hwatò ema e ma lìiya ò eŋge ehvàrzu ya yùlu ema Yerzù na hwà-òkòwèlì hwa eni hwà mà uwɛlɛlɛ, wɔ̀ hwà mà hwiya nanù ema e ŋgòmbe e màa aka, wɔ̀lɔ̀ wɔ̀kɔ wɔ̀ ndi wò ma hwɛ aŋga. Ndèŋgana wɔ̀ hwà mà hwiya nanù ema Yerzù a rzi kpèeyà ò wòŋgò wɔ̀lɔ̀ na hwà-òkòwèlì hwa eni. Hwà mà hwiya nanù ema hwà-òkòwèlì hwa eni mɛnɛ ndi hwà mà ɛndɛ.

Yòwanìrzɛ̀ 6:22 Mawu Ofanana

Matiyò 14:22

Yerzù rzìi à òhweyà hwà-òkòwèlì hwa eni ema hwa kpèeyà ò wɔ̀lɔ̀ hwa ɛ̀ndɛ ò wòrzò ò ɛnɛyi èhvarzù yà yùlu, rzìi à òhweyà eŋge ŋgindi ò lì timba ò màndawò mà awu.

Makòrzì 6:45

Lìwòkìmɛnɛ Yerzù à òhweyà hwà-òkòwèlì hwa eni ò lì kpèeyà ò wɔ̀lɔ̀, rzìi à hwa hvùŋgànìrzɛ̀ lì ɛ̀ndɛ ò wòrzò, ò mbòwà yà Bɛ̀trzàyìdà, ò ɛnɛyi èhvarzù yà yùlu yà malìhwa. Nà òmà hwà-òkòwèlì hwà mà hwɛ lì ɛ̀ndɛ, Yerzù rzìi à òhweyà è ŋgìndì ò lì tìmba ò màndawò ma awu.

Yòwanìrzɛ̀ 6:2

Ŋgindi ndɛnɛ è mà hwɛ lì mò òŋgama èhwanja hwa mà hwɛ lì ɛnɛ mànyakà mà hweyà ema à mà hwɛ lì gbèye mà lì wɔ̀wìrzɛ̀ là hwà-òkòlèlì.