Yòwanìrzɛ̀ 6:2 - Mokpwe: Bakwery (New Testament)

² Ŋgindi ndɛnɛ è mà hwɛ lì mò òŋgama èhwanja hwa mà hwɛ lì ɛnɛ mànyakà mà hweyà ema à mà hwɛ lì gbèye mà lì wɔ̀wìrzɛ̀ là hwà-òkòlèlì.

Yòwanìrzɛ̀ 6:2 Mawu Ofanana

Matiyò 12:15

Nà òma Yerzù à mà ayèmbɛ nanù ema hwa mò kimelì e kpelì. À mà hwɛmɛ eŋge èki rzìi ŋgindi ndɛnɛ ya hwatò e mò nɔ̀ŋgɔ. Ndèŋgànà à mà wɔ̀wìrzɛ̀ hwà-òkèlì hwa arzɛ.

Matiyò 13:2

Kanatɛ̀ ŋgìndì ndɛnɛ e ma mò tòŋga aŋga, ò èŋgànɛ̀lɛ̀ à mà kpèeyà ò tenì ya wɔ̀lɔ̀ rzìi a lìya, aŋga ndi à mà òkòlɛ̀lɛ̀ e ŋgindi ema e mà tɛ̀mɛ̀ ò rzààwà ya yulu.

Matiyò 14:14

È hvònda Yerzù à mà rzihwe ò wɔ̀lɔ̀, rzìi à ɛnɛ ŋgìndì ndɛ̀nɛ̀ yà hwatò. À mà hwa kpèeyà ììlì rzìi à wɔ̀wìrzɛ̀ hwaŋga ema hwa mà ɔ̀kirzɛ̀.

Matiyò 8:1

Nà òma Yerzù à mà rzihwe ò mòŋgò mòòlì, ŋgìndì ndɛnɛ yà hwatò è mà hwɛ lì mò nɔ̀ŋgɔ.

Makòrzì 1:45

Ndi ònò mòtò à mà ɛ̀ndɛ ò èki yà arzɛ ò lì òhwèyà hwatò mamɛ ema Yerzù à mà mò gbèeyà. O èŋgànɛ̀lɛ̀ è ŋgànèlì yà ama Yerzù è mà ɛ̀ndɛ ò èki yà arzɛ, ema Yerzù à rzi tanɛ̀ hvɛ lì kpèeyà e mbòwà ò mòte. Ndi Yerzù à mà hwɛ ndi lì lìya ò hwèki ema hwe rzi hwɛ̀ɛ hwatò rzayì-rzayì. Ndi tɔ̀ nanù hwatò hwa mà uhweyà hwèki hwe arzɛ ò lì jà lì mò ùŋma.

Makòrzì 6:33

Rzayì-rzayì jà hwatò hwa mà hwa ɛnɛ, nà òmà hwa mà hwɛ lì ɛ̀ndɛ, rzì hwa hwèmba ŋgèlì hvɔ̀kɔ. Hwaŋga hwatò hwa mà ùhwɛlɛlɛ ndi ò màmbòwà nà màmbòwà, rzìi hwa hwàŋgà nà mataŋga mà awu, rzìi hwa lòma lì uka èki ema Yerzù nà hwà-òkòwèlì hwa eni hwa mà hwɛ lì ɛ̀ndɛ̀.

Yòwanìrzɛ̀ 11:47

Aŋga ndi Ipìlìrzì ndɛnɛ nà Ihvàlìrzàyì ja arzàŋganɛ ò ndòŋgamɛni, hwà mà òhwa nanù ema, “Mamɛ i gbeyà naŋgɛ e? I hwɛni lì gbeyà eyà èhwanja ònò mòtò a gbeyà hweyà rzayi-rzayi hwe mànyakà.

Yòwanìrzɛ̀ 12:18

Lìtìŋga lìŋgi ndèŋgàtɛ̀ è ŋgìndì è mà ɛndɛ lì ùŋmanɛlɛ Yerzù èhwanja hwa mà hwèya nanù ema à gbèye manù mànyakà mà hweyà.

Yòwanìrzɛ̀ 12:37

Tɔ̀ nɛ Yerzù à mà gbeye manù mànyakà ma arzɛ ò marzò ma awu, eŋge ŋgindi e rzi mò lòkɛ̀.

Yòwanìrzɛ̀ 2:11

Manù mànyakà ndi ma hwèlì embànelì ya wòrzò, ya hwètàmìrzèlèlì ya ama Yerzù ema à mà gbeye ò mbòwà ya Kena, ò erzòòkà ya Galìlì. Anu ndi à mà awùlùhwɛ èluhwe ya eni rzìi Hwà-òkòwèlì hwa eni hwa ika lìlòkɛ̀ lì awu na mɔ̀.

Yòwanìrzɛ̀ 2:23

Nà òma Yerzù à mà hwɛ ò Ndèma yà lì Akà Ɔnɛ̀yi, ò Jèrurzalɛ̀mù, rzayì-rzayì ja hwatò hwà mà ɛnɛ hweyà hwe mànyàka ema à mà gbeye, rzìi hwa mò lòkɛ̀.

Yòwanìrzɛ̀ 20:30

Yerzù à mà gbeyà hwehvɛhvɛ hweyà hwe mànyakà jɔ̀ɔjɔ̀ɔ ò ìtììtènì ya hwà-òkòwèlì hwa eni, ema hwe rza tìlahwɛ̀ ò ene kààtì.

Yòwanìrzɛ̀ 3:2

Wuu wɔ̀kɔ à mà ɛ̀ndɛ lì ùŋmanɛlɛ Yerzù rzìi a mò òhweyà nanù ema, “Ìi Mòòkòlèlì, irzɔ i hwi nanù ema ò hwèlì ndi Mòòkòlèlì ema a òmahwi na Lohwɛ̀. O rza enje tɔ̀ mòtò tɔ̀ mɔ̀kɔ ema a tànɛyi lì gbeyà manù mànyakà ma arzɛ ema ò gbeyà e hwèlì tɛ ema Lohwɛ̀ a rza enje na mɔ̀.”

Yòwanìrzɛ̀ 6:14

Nà òma hwaŋga hwatò hwà mà ɛnɛ manù mànyakà ma eyà ema Yerzù à mà gbeye rzìi hwa òhwa nanù ema, “O tɛ̀ɛtɛ̀ɛ e Mòòhwèlì wà èlìŋgɛ̀ ònò ema hwà mà òhwe ema a jà ò rze.”

Yòwanìrzɛ̀ 6:22

O ɛnɛyi eka ya elele e ŋgìndì ya hwatò ema e ma lìiya ò eŋge ehvàrzu ya yùlu ema Yerzù na hwà-òkòwèlì hwa eni hwà mà uwɛlɛlɛ, wɔ̀ hwà mà hwiya nanù ema e ŋgòmbe e màa aka, wɔ̀lɔ̀ wɔ̀kɔ wɔ̀ ndi wò ma hwɛ aŋga. Ndèŋgana wɔ̀ hwà mà hwiya nanù ema Yerzù a rzi kpèeyà ò wòŋgò wɔ̀lɔ̀ na hwà-òkòwèlì hwa eni. Hwà mà hwiya nanù ema hwà-òkòwèlì hwa eni mɛnɛ ndi hwà mà ɛndɛ.

Yòwanìrzɛ̀ 6:26

Yerzù rzìi a hwa alàhwɛ̀ nanù ema, “Nà è òhweyà e jɔ̀kɛ̀ ema e nò arza ndi èhwanja nà mà e lìrzɛ e ma uja rzeketɛ ò mànyakà ema nà mà gbeye.

Yòwanìrzɛ̀ 6:30

Hwa mà alàhwɛ̀ Yerzù nanù ema, “Ima eyà ya mànyakà ema ò gbeyà i ɛnɛ rzi i ò lòkɛ̀ e? Mamɛ ò tànɛyi lì gbeyà ò tɛ̀ɛ̀tɛ̀ɛ e?