Yòwanìrzɛ̀ 6:14 - Mokpwe: Bakwery (New Testament)

¹⁴ Nà òma hwaŋga hwatò hwà mà ɛnɛ manù mànyakà ma eyà ema Yerzù à mà gbeye rzìi hwa òhwa nanù ema, “O tɛ̀ɛtɛ̀ɛ e Mòòhwèlì wà èlìŋgɛ̀ ònò ema hwà mà òhwe ema a jà ò rze.”

Yòwanìrzɛ̀ 6:14 Mawu Ofanana

Matiyò 11:3

A ma òhwa ama hwa ɛndɛ hwa ijòwa Krirztò nanù ema, “O wa ndi ò hwèlì e Mɔ̀ ema Lohwɛ̀ à mà òhwe nanù ema a òma e? Ŋga i lìmeya ndi ò lì ambɛ̀lɛ òhvɛhvɛ mòtò e?”

Matiyò 21:11

Eŋge ŋgìndì e hwa alàhwɛ̀ nanù ema, “Yerzù ònò, è Mòòhwèlì wà èlìŋgɛ̀ ema a uwɛ̀lɛ̀lɛ̀yi ò e mbòwà yà Nàrzarɛ̀tì ò èkòmè ya Galìlì.”

Lukàrzɛ̀ 24:19

Yerzù rzìi a hwa ijòwa nanù ema, “Ì ma nyayi ja hweyà e?” Rzìi hwa mò alàhwɛ nanù ema, “Jò òhwà ndi hweyà hwe ma gbèyɛnɛ lì hvòmɛ̀nɛ̀ Yerzù wà Nàrzàrɛ̀tì. À mà hwɛ ndi Mòòhwèlì wà Èlìŋgɛ̀ èma à ma gbeyà hweyà hwe mànyàka. À mà hwɛ ndi Mòòkòlèlì à Kàrzàmi. À mà ŋgbàahwa èluhwe nà Lohwɛ̀ nà hwatò.

Lukàrzɛ̀ 7:16

Wɔ̀ hwa arzɛ hwa mà lɛ̀mbeya mòkambiya rzìi hwa eka Lohwɛ̀ nanù ema, “Mòòhwèlì wà èlìŋgɛ̀ à jò wurzelì ò ìtììtènì jà arzu,” rzìi hwa òhwa hvɛ nanù ema, “Lohwɛ̀ à ma jà ò lì rzùŋgà hwatò hwa eni.”

Yòwanìrzɛ̀ 1:21

Rzìi hwa mà mò ijòwa nanù ema, “Njɛnɛ rzɔ ò wa ò hwèlì e? O wa ndi ò hwèlì Èlàyijà e?” A ma wa alàhwɛ nanù ema, “Jàyɛ̀, rzeketɛ imba.” Hwà mà ijòwa hvɛ nanù ema, “O wa ndi ò hwèlì e mòòhwèlì wà èlìŋgɛ̀ ja ambɛ̀lɛ e?” A ma hwa alàhwɛ̀ hvɛ nanù ema, “Jàyɛ̀.”

Yòwanìrzɛ̀ 11:27

Mata rzìi a mò alàhwɛ̀ nanù ema, “Ɛ̀ɛ na lòkɛ̀ i hvònda ja arzɛ nanù ema ò wa ndi ò hwèlì è Ŋmanà wà ama Lohwà a Ɔ̀kirzɛ̀hwɛ̀yi e mɔ̀ ema Lohwɛ̀ a òhwi nanù ema a hwɛni lì jà ò rze.”

Yòwanìrzɛ̀ 2:11

Manù mànyakà ndi ma hwèlì embànelì ya wòrzò, ya hwètàmìrzèlèlì ya ama Yerzù ema à mà gbeye ò mbòwà ya Kena, ò erzòòkà ya Galìlì. Anu ndi à mà awùlùhwɛ èluhwe ya eni rzìi Hwà-òkòwèlì hwa eni hwa ika lìlòkɛ̀ lì awu na mɔ̀.

Yòwanìrzɛ̀ 4:19

Oŋgò mòlanà à mà hweye nanù rzìi a òhweyà Yerzù nanù ema, “Ìi Rzàŋgò kòkò, na ɛnɛ ema ò hwèlì ndi mòòhwèlì wà èlìŋgɛ̀.

Yòwanìrzɛ̀ 4:25

Oŋgò mòlanà rzìi a òhwàna Yerzù nanù ema, “Nà hwi ema è mɔ̀ ema à Ɔ̀kirzɛ̀hwɛ̀yi a hwɛnì lì jà. Mɔ̀ a jelì tɛ, a jò telɛlɛ hweyà hwe arzɛ.”

Yòwanìrzɛ̀ 4:42

Wɔ̀ hwa mà òhweyà òŋgò mòlanà nanù ema, “Rzeketɛ ò hweyà mɛnɛ ema ò jò òhwèlì ɔ̀ndeŋgàtɛ̀ ì lòkɛ̀ Yerzù, ndi ì rzɔ hwiti hvɛ ì mà hweyàna nà màtò mà arzu, ndèŋgànɛ̀lɛ̀ hvɛ, ì hwi nanù ema mɔ̀ ndi à hwèlì è Mòrzùŋgèlì wà ene rze yà mɔ̀nyɛ̀.”

Yòwanìrzɛ̀ 6:2

Ŋgindi ndɛnɛ è mà hwɛ lì mò òŋgama èhwanja hwa mà hwɛ lì ɛnɛ mànyakà mà hweyà ema à mà hwɛ lì gbèye mà lì wɔ̀wìrzɛ̀ là hwà-òkòlèlì.

Yòwanìrzɛ̀ 6:26

Yerzù rzìi a hwa alàhwɛ̀ nanù ema, “Nà è òhweyà e jɔ̀kɛ̀ ema e nò arza ndi èhwanja nà mà e lìrzɛ e ma uja rzeketɛ ò mànyakà ema nà mà gbeye.

Yòwanìrzɛ̀ 6:30

Hwa mà alàhwɛ̀ Yerzù nanù ema, “Ima eyà ya mànyakà ema ò gbeyà i ɛnɛ rzi i ò lòkɛ̀ e? Mamɛ ò tànɛyi lì gbeyà ò tɛ̀ɛ̀tɛ̀ɛ e?

Yòwanìrzɛ̀ 7:40

Nà òma lòŋgò la hwatò ò tenì ya eŋge ŋgindi hwà mà hweye hweyà ema Yerzù à mà òhwe, wɔ̀ hwà mà òhwa nanù ema, “Nà è jɔ̀kɛ̀ ònò mòtò a hwèlì ndi e mòòhwèlì wà èlìŋgɛ̀.”

Hwègbèèlì 7:37

Onò Mòrzè ndi à mà hwɛ è mɔ̀ ema à mà òhweyà wònyà Irzàyɛ̀lì nanù ema, ‘Lohwɛ̀ à è òmèya mòòhwèlì wà èlìŋgɛ̀, ema à ò uwɛ̀lɛ̀lɛ̀yi ndi ò ìtììtènì jà anyu, nyayi hvɔ̀kɔ nà òma à nò òmi.’