Yòwanìrzɛ̀ 5:43 - Mokpwe: Bakwery (New Testament)

⁴³ Nà jelì ò lìna la ama Tatɛ̀ wa ami ndi e rza nò emelì. Ndi ò hvɛhvɛ mòtò a jelì tɛ ò lìna la eni, e mò emeyà.

Yòwanìrzɛ̀ 5:43 Mawu Ofanana

Matiyò 24:24

Èhwanja rzayi-rzayi ja hwatò hwa ò wurza lì kɔ̀ hweyà a lì òhwa ema wɔ̀ ndi hwa hwèlì hwaŋga ema hwa ɔ̀kirzɛ̀hwɛyi. Nà hwà-òhwèlì hwa hwèlìŋgɛ̀ hwa mòlaŋgà hwa ò wurza, hwa ò gbeyà hweyà hwe ndɛnɛ hwe mànyakà nà lì uŋmɛ̀lɛ̀ hwèembànèlì hwe ndɛnɛ hwe mànyakà. Hwa ò gbeyà ndi nanù ò lì lùkɛlɛ hwatò ema Lohwɛ̀ a hvɔ̀rzì, wɔ hwa lu tɛ njiya ya lì hwa lukɛlɛ.

Matiyò 24:5

Rzayì-rzayì ja hwatò hwa ò ja ema hwa ò òhwɛ nanù ema wɔ̀ ndi hwa hwèlì e mò ema a Ɔ̀kirzɛ̀hwɛ̀yi. Ndèŋgànà hwa ò lùkɛlɛ rzayi-rzayi ja hwatò.

Yòwanìrzɛ̀ 10:25

Yerzù rzi a hwa alàhwɛ̀ nanù ema, “Nà ma lòma lì òhweyà ndi inyɔ e rza nò lòkɛ̀yì. È mbòŋgi e hwèlì ndi èwòlò ya hwètàmìrzèlèlì ema na gbeyà ò lìinà là mà e Tatɛ̀ wa ami.

Yòwanìrzɛ̀ 12:28

Ìi Tatà, uŋmɛ̀lɛ̀ èluhwe ò lìnà là aŋgɔ̀!” Rzìi lìlò lì òhwa ò ŋmanyu yà lohwà nanù ema, “Nà ŋgbelì lìinà là ami èluhwe, ò èŋgànɛ̀lɛ̀ nà lì ŋgbà hvɛ èluhwe.”

Yòwanìrzɛ̀ 3:16

Lohwɛ̀ a lìŋgàni hwatò hwa ene e rze ya mɔ̀nyɛ̀ rzayì-rzayì. O èŋgànɛ̀lɛ̀, à mà òma ehvòwà ya eni ya Ŋmanà nanù ema, tɔ̀ ima mɔ̀ ema a mò lòkɛ̀ a rza ŋwa ndi à lùwa lòŋgɛ la gbìndèyà.

Yòwanìrzɛ̀ 5:42

Ndi na hwi i nyayi ja hwatò ema e hwèlì, na hwi hvɛ nanù ema e rza lìŋgàni Lohwɛ̀ ò mèèmà me anyu.

Yòwanìrzɛ̀ 6:38

Èhwanja na rza uhwɛlɛlɛ ò ŋmanyu yà lohwà ò lì jà lì gbeyà hweyà na òma na lìŋgàni. Nà jelì ndi ò lì gbeyà na òma Tatɛ̀ wa ami ema a nò òmi a àrzeyà.

Hwègbèèlì 21:38

Èŋge ŋgànà e hwèlì ndi nanù ema rzeketɛ ò wa ndi ò hwèlì òŋgò mòtò wa Ìjiptò ema à mà jà anu ò hvònda hvɔ̀kɔ rzìi a jànà lùwànje. Mɔ̀ à mà rzàŋga hwekòlì hweni hwe hwàanà njuma, hwà-òŋwelì hwa hwatò rzìi a hwa ɛ̀ndɛ̀nɛ̀ ò mòrzànjɛ.”