Yòwanìrzɛ̀ 5:36 - Mokpwe: Bakwery (New Testament)

³⁶ Ndi na hwɛni mbòŋgi ema e karzami lì aka Yòwanìrzɛ̀. Èwòlò ema Tatɛ̀ wa ami a nò ŋgbelì ò lì e gbeyàna lì e kulɛ, yɔ yiti ndi e nò tɛmelì mbòŋgi ema Tatɛ̀ wa ami ndi à na òmi.

Yòwanìrzɛ̀ 5:36 Mawu Ofanana

Matiyò 11:4

Yerzù rzìi a hwa tìmbìrzɛ̀lɛ̀lɛ̀ nanù ema, “È tìmbè ò ma Yòwanìrzɛ̀, e mò òhweyà mamɛ inyɔ e hweyi na mamɛ hvɛ ema e ɛnì.”

Lukàrzɛ̀ 2:49

Yerzù rzìi à hwa alàhwɛ̀ nanù ema, “Mamɛ e nò àrzana e? È rza hwi ema nà hwɛnì ndi lì hwɛ ò ndawò ya ama Rzàŋgò wà ami e?”

Yòwanìrzɛ̀ 10:25

Yerzù rzi a hwa alàhwɛ̀ nanù ema, “Nà ma lòma lì òhweyà ndi inyɔ e rza nò lòkɛ̀yì. È mbòŋgi e hwèlì ndi èwòlò ya hwètàmìrzèlèlì ema na gbeyà ò lìinà là mà e Tatɛ̀ wa ami.

Yòwanìrzɛ̀ 11:37

Ndi hwanɛ̀ hvɛ hwà mà òhwa nanù ema, “O nò mòtò à mà wɔ̀wìrzɛ̀ e ndima mòtò rzeke òma à mà gbeyà ema Làrzàrɔ̀rzì a rzi ŋwe e?”

Yòwanìrzɛ̀ 15:24

Imba na rzi gbeeye tɛ lòŋgò la hweyà ò ìtììtènì ja awu ema tɔ̀ mòtò a rzi gbeyi ò ma wòhwe wò awu, me rzi wuluwahwe. Ndi ò nàŋgɛ hwà mà ɛnɛ hweyà hwe arzɛ ema nà mà gbeye ndì tɔ̀ nanù hwa nò kɔwu ndèŋgànɛlɛ hwa kɔwu hvɛ Tatɛ̀ wa ami.

Yòwanìrzɛ̀ 17:4

Nà ma uŋmɛ̀lɛ̀ èluhwe e aŋgɔ anù rze na òma nà mà kulɛ èwòlò ema ò wa ò nò ŋgbelì ò ma na gbeye.

Yòwanìrzɛ̀ 2:23

Nà òma Yerzù à mà hwɛ ò Ndèma yà lì Akà Ɔnɛ̀yi, ò Jèrurzalɛ̀mù, rzayì-rzayì ja hwatò hwà mà ɛnɛ hweyà hwe mànyàka ema à mà gbeye, rzìi hwa mò lòkɛ̀.

Yòwanìrzɛ̀ 3:17

Lohwɛ̀ à rzi òme è Ŋmanà wà eni ò rze yà mɔ̀nyɛ̀ ò lì kàyìrzɛ̀ hwatò. Ndi à mà mò òma ò lì rzùŋgà hwatò.

Yòwanìrzɛ̀ 3:2

Wuu wɔ̀kɔ à mà ɛ̀ndɛ lì ùŋmanɛlɛ Yerzù rzìi a mò òhweyà nanù ema, “Ìi Mòòkòlèlì, irzɔ i hwi nanù ema ò hwèlì ndi Mòòkòlèlì ema a òmahwi na Lohwɛ̀. O rza enje tɔ̀ mòtò tɔ̀ mɔ̀kɔ ema a tànɛyi lì gbeyà manù mànyakà ma arzɛ ema ò gbeyà e hwèlì tɛ ema Lohwɛ̀ a rza enje na mɔ̀.”

Yòwanìrzɛ̀ 4:34

Yerzù rzìi à hwa òhweyà nanù ema, “Mòlèlì mò ami mò hwèlì ndi ò lì gbeyà hwètɛ̀yìrzèlèlì hwa ama è mɔ̀ ema à nò òmi.” Ndèŋgànɛ̀lɛ̀ nà hwɛnì lì kùlɛ̀ èwòlò yà eni.

Yòwanìrzɛ̀ 5:32

Ndi ò hwèlì ò hvɛhvɛ ema a ò nò tɛmeya mbòŋgi, na hwi hvɛ nanù ema màmɛ a òhwa lì nò hvòmɛ̀nɛ̀ e emànɛ̀lɛ̀hwɛ̀.

Hwègbèèlì 2:22

Petrò rzìi a ɛ̀ndɛ̀nɛ̀ e mbɔrzi ò wòrzò rzìi a òhwa nanù ema, “Hwàtò hwa Irzàyɛ̀lì, e òkànèyà kɔ̀yi-kɔ̀yi ò hweyà ema na arza lì òhwa. Lohwɛ̀ à mà gbeyà Yerzù mòtò wa e mbòwa ya Nàrzàrɛ̀tì ò lì gbeyà hweyà hwe ndɛnɛ hwe mànyakà na hwembànèlì ò lì e uŋmɛ̀lɛ̀ nanù ema mɔ̀ ŋmitɛ-ŋmitɛ ndi à mò òmi. Inyɔ hwiti e hwi nanù èhwanja eŋge eyà e ma gbèyɛ̀nɛ ndi ò ìtììtènì ja anyu.

1 Yòwanìrzɛ̀ 5:9

Nà oma irzɔ i lòkɛ̀ hweyà ema hwatò hwa ohwa, tɔ̀ mamɛ ema Lohwɛ̀ a jo òhweyà e hwèlì wòlìto lì aka mamɛ hwatò hwa jo òhweyà. Ène eyà e hwèlì ndi nanù ehwànja Lohwɛ̀ mɔ̀ ŋmitɛ-ŋmitɛ ndi à jo òhweyà lì hvomɛ̀nɛ̀ è Ŋmanà wà eni.