Yòwanìrzɛ̀ 5:22 - Mokpwe: Bakwery (New Testament)

²² Tatɛ̀ mɔ̀ ŋmìti a rza kàyìrzɛ tɔ̀ mòtò. A ŋgbelì e Ŋmanà è wònjà ya arzɛ ya lì kàyìrzɛ.

Yòwanìrzɛ̀ 5:22 Mawu Ofanana

Matiyò 11:27

“Tatɛ̀ wa ami a nò ŋgbelì hweyà hwe arzɛ ò màà mà ami. Tɔ̀ mòtò a rza hwi a hwiya e ŋmanà lì aka tɛ Lohwɛ̀ e Tatɛ̀. O rza enje hvɛ tɔ̀ mòtò ema a hwi a hwiya nɛ e Tatɛ̀ yɔ hvɛ e hwèlì lì aka tɛ e ŋmanà na tɔ̀ ima mòtò ema e ŋmanà a ò lìŋgànɛ ò lì mò uŋmɛ̀lɛ̀.

Matiyò 16:27

Nà è òhweyà hwene hweyà hwe arzɛ nanù èhwanja è Ŋmanà wà è Mòtò wà Hwènàmà à ò jà ò èluhwe yà ama è Tatɛ̀ wà eni nà ì aŋgèlì jà eni. À jelì tɛ, à kɔ̀kìrzɛ̀ nà lì nàmìrzɛ̀ tɔ̀ ima mòtò ò lì hvòmɛ̀nɛ̀ mamɛ ema tɔ̀ ima mòtò à mà gbèèyɛ̀.

Matiyò 28:18

Yerzù rzìi a tòmbeya lì hwa kòmbɛnɛ rzìi a hwa òhweyà nanù ema, “Nà ŋgbààhwi wònja ò lìkànèyà la ŋmanyu na e rze.

Yòwanìrzɛ̀ 17:2

Èhwanja ò mò ŋgbelì wònjà lì kànèyà hwatò hwa arzɛ ò lì arza nanù ema a ŋgbè hwaŋga ema ò mò ŋgbelì lòŋgɛ la gbìndèyà.

Yòwanìrzɛ̀ 3:35

Tatɛ̀ a lìŋgàni è Ŋmanà wà eni rzìi a ikayi hweyà hwe arzɛ ò màà mà eni.

Yòwanìrzɛ̀ 5:27

A ŋgbelì è Ŋmanà è ŋginyà ò lì kàyìrzɛ̀ èhwànja e Ŋmanà ndi à hwèlì e mɔ̀ ema hwa hwɛlɛ è Ŋmanà wà è Mòtò wà Hwènàmà.

Yòwanìrzɛ̀ 9:39

Yerzù a òhwa nanù ema, “Imba na jelì ndi anù rze lì kaya, aŋga nanù i ndima ja ɛnɛ, rzìi hwaŋga ema hwa ɛnɛ hwa hwɛ ndima.”

Hwègbèèlì 10:42

Rzìi mɔ̀ à jò kànèyà nanù ema, jò òhweyà hwatò lì hvòmɛ̀nɛ̀ ŋmɛ̀ndì mò gbamù, ndèŋgànà irzɔ i tɛmi mbòŋgi nanù ema mɔ̀ ndi à hwèlì e mɔ̀ ema Lohwɛ̀ à mà hvɔ̀rzè, ò lì kàyìrzɛ̀ hwatò ema hwa hwèlì lòŋgɛ na e wɔ̀ ema hwà mà ŋwɛ.

Hwègbèèlì 17:31

Èhwanja mɔ̀ à mà rzekeya wùnyà nanù ema mɔ̀ à ò kàyìrzɛ̀ e rze ya arzɛ na hwèkàyìrzèlèlì hwe ehve-ehve. A ma hvɔ̀rzɔ̀ e mòtò ema a kàyìrzɛ mòŋgò ŋmàŋgò. Ndeŋgànɛ̀lɛ̀ mɔ̀ à mà uŋmɛ̀lɛ̀ hwatò hwa arzɛ nanù ema òŋgò mòtò a lòŋgamɛnɛyi na òma à mà mò hvùmùlɛ̀ ò kpelì.”

Ròmànì 2:16

O èŋgànɛ̀lɛ̀ lì hvòmɛ̀nɛ̀ Ŋmɛ̀ndì mò gbamù ema imba na òhwa, nanù ndi e ò hwɛ̀ɛ ò wòŋgò Wùnyà ema Lohwɛ̀ a ò ŋgbàà Yerzù Krirztò e ŋginyà ò lì kàyìrzɛ̀ɛ hwatò, lì hvòmɛ̀nɛ̀ màlùtèyà ma ìwùndɛ̀ ja mèèmà me awu na mamɛ hwa gbeyà ò jututa.

2 Kɔ̀rintìyà 5:10

O èŋgànɛ̀lɛ̀ rzɔ, tɔ̀ ima mɔ̀kɔ hwa arzu na ɔ̀nɛyi a o tɛ̀mɛ̀ o hwèkàyìrzèlèlì o worzo wo ama Yerzù Krirztò o wùnyà ema a o kàyìrzɛ̀ hwatò hwa arzɛ o lì hvomɛ̀nɛ̀ hweyà ema tɔ̀ ima mòtò à mà gbèyi e hvonda ema à mà hwɛ o rze ya mɔ̀nyɛ̀. Tɔ̀ ima mòtò a o luwa etaŋgi lì hvomɛ̀nɛ̀ mamɛ ya arzɛ ema à mà gbeye o rze.

2 Tìmotì 4:1

Ìi Tìmòtì, o worzo wo ama Lohwɛ̀ na Yerzù Krirztò, mɔ̀ ema a o jɛ̀ɛ̀ o lì kàyìrzɛ̀ hwatò ema hwà ma ŋwɛ na e wɔ̀ ema hwa hwèlì lòŋgɛ o lìnà la ama e mɔ̀ ema a o jɛ̀ɛ̀ hvɛ rzi a hwɛ e mòkànèlì hwa hwàrzɛ, na o òhwèyà hwene hweyà kɔ̀yi-kɔ̀yi nanù ema:

1 Pètrò 4:5

Ndi wɔ̀ hwa o tɛ̀mɛ̀ o hwèkayirzelì o worzo wo ama Lohwɛ̀ ema mɔ̀ à ambɛlɛlɛ o lì kàyìrzɛ̀ tɔ̀ ima mòtò. Mɔ̀ a kàyìrzɛ hwaŋga ema hwa hwèlì lòŋgɛ na e wɔ̀ ema hwà mà ŋwɛɛ.