Yòwanìrzɛ̀ 5:16 - Mokpwe: Bakwery (New Testament)

¹⁶ Rzìi hwaŋga hwatò hwa wòteya lì wòŋgìrzɛ̀nɛ̀ lì gbeyà Yerzù wòhwe, èhwanja à mà wɔ̀wìrzɛ̀ ndi òŋgò mòtò ò wùnyà wò lì arziyòlɛ.

Yòwanìrzɛ̀ 5:16 Mawu Ofanana

Matiyò 12:13

Yerzù rzìi a òhweyà òŋgò mòtò ema à mà ɔ̀kirzɛ̀ mɔ̀ɔ̀ mò njɛmbu nanù ema, “Ènyòwa mɔ̀ɔ̀ mò aŋgɔ̀.” A ma enyòwa mɔ̀ɔ̀ mò eni, rzìi mò wɔ̀hweyà gbamù nàa mɔnɛ̀yi mɔ̀.

Makòrzì 3:6

Ihvalìrzàyì i mà wurza ò èwòkà, rzìi hwa ùŋmanɛlɛ hwatò hwa ehvehva ya ama Hɛ̀rɔ̀dì, rzìi hwa wòteyà lì arza ŋmanò nɛ wɔ̀ hwa tànɛyì lì òŋwa Yerzù.

Lukàrzɛ̀ 6:11

Ihvàlìrzàyì nà Hwà-òkòlèlì hwà mbenda hwa mà ònda nà hwètàtò rzìi hwa òhwanɛ̀lɛ mɔ̀kɔ nà ɔ̀nɛ̀yi mamɛ hwa tànɛyi lì gbeyàna Yerzù.

Yòwanìrzɛ̀ 1:19

Hwàmbaki hwa hwatò hwa wònyà Yudà ò e mbòwà ya Jèrurzalɛ̀mù hwà mà òma lòŋgò la Pìlìrzì na lòŋgò la hwatò hwa lìtumba la ama Lɛ̀hvì òma Yòwanìrzɛ̀ ò lì mò ijòwa nanù ema, njɛnɛ mɔ̀ à hwèlì.

Yòwanìrzɛ̀ 10:39

Hwene hweyà hwe arzɛ ema à mà òhwe hwe ma gbeyà hwà mà arza lì mò lɛmbɛ hvɛ ndi à mà anjiya ò màà mà awu.

Yòwanìrzɛ̀ 15:20

È ɔ̀ŋgɛ̀lɛ̀ kɔ̀yi-kɔ̀yi mamɛ nà mà è òhweyà nanù ema, ‘Ò rza enje mògbèèlì ema à akayi rzaŋgɛ.’ Hwatò hwa nò tàkìrzɛ̀ tɛ eŋge ŋgàna è hwèlì ndi nanù ema hwa è ò tàkìrzɛ̀ inyɔ hvɛ, hwa mà ika tɛ hwèyòkòlelì hwe ami, nanù òma hwa ò ika hvɛ hwèyòkòlelì hwe anyu.

Yòwanìrzɛ̀ 5:10

Nà òma hwàkànèlì hwa wònyà Yudà hwa mà ɛnɛ òŋgò mòtò ema Yerzù à mà wɔ̀wìrzɛ̀ rzìi hwa mò ijòwa nanù ema, “Wùùnyà wò yàwònò wò hwèlì ndi Wùùnyà wò lì Arzìyòlɛ̀. È hwèlì ndi eyà è teŋgɛ̀nɛ̀ è mbenda ema ò hwanɛ̀ lìkɔ̀kɔ̀ lì aŋgɔ̀ nà lì ahwànà.”

Yòwanìrzɛ̀ 5:13

Ndi è mòtò ema à mà wɔ̀wìrzɛ̀hwɛ̀ à rzi hwiye njɛnɛ Yerzù à hwèlì nà òma Yerzù mɔ̀hvɛ à mà kpèeyà ò èŋge ŋgìndì ema è mà hwɛ aŋga.

Yòwanìrzɛ̀ 5:15

Rzìi òŋgò mòtò a ɛ̀ndɛ lì òhweyà hwatò hwa lìkànèyà là wònyà Yudà nanù ema Yerzù ndi à mò wɔ̀wìrzɛ̀yi.

Yòwanìrzɛ̀ 5:17

Yerzù rzìi a hwa alàhwɛ̀ nanù ema, “Tatɛ̀ wa ami a gbeyà èwòlò hvònda tɛ, imbahvɛ na àŋgàmɛ̀nɛ̀yi lì gbeyà èwòlò.”

Yòwanìrzɛ̀ 5:18

Hwenè hweyà ema Yerzù à mà òhwe hwe ma gbeyà hwatò hwa wònyà Yudà hwa mò kimeya ndi e kpelì. Rzìi hwa òhwa ema rzeketɛ tɔ̀ ema a undi ndi e mbenda mɛnɛ ndi à òhwi hvɛ nanù ema Lohwɛ̀ a hwèlì ndi Tatɛ̀ wa eni, a uŋmɛ̀lɛ̀ ndi nanù ema a hwèlì ndi èmɛ̀nɛ̀nì yɔ̀kɔ nà Lohwɛ̀.

Yòwanìrzɛ̀ 7:21

Yerzù rzi a hwa òhweyà nanù ema, “Nà mà gbeyà eyà ya mànyakà yɔ̀kɔ ndi inyɔ hwa arzɛ e ma nò tàmeyà.

Yòwanìrzɛ̀ 7:25

Lòŋgò là hwatò ema hwà mà hwɛ lì lìya ò Jèrurzalɛ̀mù rzìi hwa wòteya ò lì àyijòwànɛ̀ mɔ̀kɔ na ɔ̀nɛyi nanù ema, “Rzekɛ ònò mòtò ndi hwa hwèlì lì keka ò lì òŋwa e?