Yòwanìrzɛ̀ 4:6 - Mokpwe: Bakwery (New Testament)

⁶ O mòŋgò mɔ̀nyɛ̀ ò mà hwɛ ehvɔ̀ndi ya malìhwa. Ène ehvɔ̀ndi ya malìhwa ema hwɛ ndi e ya ama Jèkɔ̀bù. Yerzù mɔ̀ hvɛ na lìŋgi lìyɔ̀tɛ̀ la arzɛ la èŋge yɔ̀ndɔ̀, rzìi a lìya ò rze ò tòŋgòŋgò ya èŋge ehvɔ̀ndi ya malìhwa. O ma hwɛ ndi eyà ya kɔ̀rzì yà ŋmèrze.

Yòwanìrzɛ̀ 4:6 Mawu Ofanana

Matiyò 27:45

O lìrzàkò la kɔ̀rzì ya ŋmèrze rzìi jììtìtì i lìŋga èki ya arzɛ natɛ̀ɛ lì uka ŋgɛ̀ŋgi iyàwò.

Matiyò 4:2

Yerzù à mà lìya mòkìyà njàwò ò tenì yà mènìmènì mè mèenyà. Ò mburzà eŋge hvònda à mà hwèyà njàwò.

Matiyò 8:24

Nà òma hwa mà uke ò tenì yà malìhwa, è mbɛ̀hvɛ̀nì rzìi è wòteyà lì uŋgɛlɛ. È mà imbama nyayi ema è mà arze lì indirzɛ wɔ̀ɔ̀lɔ̀, ndi Yerzù mɔ̀ à mà hwɛ ndi ò ijɔ̀.

Lukàrzɛ̀ 2:7

Màlìyɛ̀ rzìi a ŋya è ŋmanà wà mùnyanà. Mɔ̀ ndì à ma mò lìhvòhwa ewònì. À mà mò lìŋgɛ̀lɛ̀ ndi nà hwèhvàhve hwe mààtù. Rzìi à mò nàŋgɛlɛ ò èwòki ema hwèembè hwe mà leeyà. À mà gbeyà ndi nanù èhwanja, ò rzi hwɛ èhvòlò ò ndawò yà hwàyɛ̀ni.

Lukàrzɛ̀ 9:58

Ndi Yerzù à mà mò òhwìrzɛ̀nɛ̀ nanù ema, “I njùhwɛ̀ ja òhvi hvòkò ema i nàŋgeya. Hwenɔ̀ni hwe ŋmanyu hweyɔ hvɛ hwe òhvi màwùmbù, ndi e Ŋmàna wà e Mòtò wà Hwènàmà mɔ̀ à rza òhvi tɔ̀ èki ema a nàŋgɛlɛ mòòhvò mò eni.”

Yòwanìrzɛ̀ 11:9

Yerzù rzìi a hwa alàhwɛ̀ ama, “Rzeke e hwèlì e jɔ̀kɛ̀ nanù ema wùnyà tɛ wò hwɛni lìyòmɛ la awa na ihwàkɛ e? Hwàŋga hwatò ema hwa ɛndɛ o ŋmèrze hwa rza kpa, èhwanja wɔ̀ hwa hwèlì na e mɔ̀ ema a hwèlì ŋmàye mò ène rze.

Yòwanìrzɛ̀ 4:12

È mbamba ya arzu Jèkɔ̀bù hwa kòòhwa mɔ̀ ndi à mà jò lìiya ene ehvɔ̀ndi ya malìhwa. Mɔ̀ hvɛ ŋmìti, hwàanà hwa eni, na hwèembè hwa eni hwe arzɛ anu ndi hwà mà nyɔ̀yèya malìhwa. O èŋgànɛ̀lɛ̀ rzɔ ò arza lì òhwa nanù ema ò wa ò akayi Jèkɔ̀bù e?”

Yòwanìrzɛ̀ 4:5

O èŋge èrzòòkà ya Rzàmàrìyà à mà uka mbòwà hvɔ̀kɔ ema e hwɛ̀lɛ̀hwɛ̀ Rzika. Ène mbòwa e ma kòmbɛ̀nɛ̀ mɔ̀nyɛ̀ ema Jèkɔ̀bù à mà ŋgbe è ŋmanà wa eni Jòrzɛ̀hvù na e kòòhwa.

Yòwanìrzɛ̀ 4:7

Ò mà ja mòlanà mɔ̀kɔ wa Rzàmàrìyà à mà jà ò lì kòòhwa malìhwa, Yerzù rzìi a mò òhweyà nanù ema, “O nò ŋgbe malìhwà mà lì nyɔ.”

2 Kɔ̀rintìyà 8:9

È hwi na oma e Rzàŋgo ya arzu Yerzù Krirztò a e oŋgòhwànà o lì hwɛ enji. Tɔ̀ ima lìtumba la yòma ema Lohwɛ̀ a hwɛnì, mɔ̀ Yerzù ndi à e hwɛni. Ndi tɔ̀ nanù o nyòla ya anyu à mà hwɛmɛ eŋge ehwàŋgì ya eni ya arzɛ o ŋmanyu rzìi a rzihwa anù rze nàa mòtakèlì wa mòtò. A ma gbeyà ndi nanù o lì arza nanù ema inyɔ e luwe mònàmɛ̀ ema Lohwɛ̀ a ŋgbà hwatò.

Hibrù 2:17

O eŋgànɛ̀lɛ̀ rzɔ̀, e ma àŋgàmɛ̀nɛ̀ lì hwɛ nanù ema Yerzù a hwɛ nàa wònyànyàŋgò hwa eni o hweyà hwe arzɛ, aŋga nanù mɔ̀ à hwɛ e Pìlìrzì e kàrzàmi, ema e ohvi ŋmèma mo ììlì ndèŋgànɛ̀lɛ̀ a hwèlì ndi mòtò ema hwa tanɛyi lì ika mèèmà me awu. Nà oma mɔ̀ à gbèeyà Lohwɛ̀, à mà gbeyà Lohwɛ̀ à mà làkìrzɛ̀ hwatò wòhwe wo awu.

Hibrù 4:15

Ì hwɛnì è Pìlìrzì è kàrzàmi ema è jò òkeya ììlì. Èhwànja mɔ̀ à mà kèkìrzɛ̀hwɛ̀ ŋgana hvɔ̀kɔ nà oma irzɔ hvɛ ì mà kèkìrzɛ̀hwɛ̀, tɔ̀ nɛ mɔ̀ à rzìi gbèyɛ tɔ̀ wòhwe tɔ̀ wɔ̀kɔ.