Yòwanìrzɛ̀ 4:53 - Mokpwe: Bakwery (New Testament)

⁵³ Àŋga ndi è rzàŋgò yà è ŋmanà à àyɛ̀mbɛ̀ ema lìŋgi lìrzakò mɛnɛ lɔ̀ ndi Yerzù à mà mò òhweyà nanù ema, “È ŋmanà wà aŋgɔ wà mùnyanà à ò hwɛ lòŋgɛ.” Ò èŋgànɛ̀lɛ̀ rzɔ mɔ̀ nà mòndèŋge mò eni mò arzɛ mò è ndawò hwa mà mò lòkɛ̀.

Yòwanìrzɛ̀ 4:53 Mawu Ofanana

Matiyò 8:13

Yerzù rzìi à òhweyà òŋgò ŋmanèlì wà njùma nanù ema, “Ɛndɛ! Yò ò gbèyɛnɛ̀ nà òma ò lòkɛ̀ nanù.” Ò lìŋgi lìrzàkò mɛnɛ, è mògbèèlì wà ama òŋgò mòkànèlì à mà wɔ̀hweyà.

Lukàrzɛ̀ 19:9

Yerzù rzìi a mò òhweyà nanù ema, “O yàwònò, lìrzùŋgàhwa lì ma kpèeyà ò tenì yà ène ndawò. Ònò mòtò mɔ̀ hvɛ à hwèlì ndi ò mòtende mò ama Abràhamù.

Yòwanìrzɛ̀ 4:51

Nà òma mɔ̀ à mà hwɛ ò njiya yà eni yà yɔ̀ndɔ yà hwètìmbèlì, à mà tàneyà hwàgbèèlì wà eni ema hwa mà mò òhweyà nanù ema, “È ŋmanà wà eni à hwèlì lòŋgɛ.”

Yòwanìrzɛ̀ 4:52

Àŋga ndi à hwa ijòwa nanù ema, ima lìrzakò ema è ŋmanà wà eni wà mùnyanà à mà amàmùwànɛ̀ e? Hwa mà mò òhweyà nanù ema, “È ŋgɔwu è mà mò hwɛmɛ ŋgɛ̀ŋgi hvɔ̀kɔ yà ŋmèrze mò ŋmɛ̀lɛ ema è mà aka.”

Hwègbèèlì 11:14

Mɔ̀ à jèlì tɛ à è òhweyà mòndeŋga ema mò gbeyà Lohwɛ̀ à ò rzùŋgà lòŋgɛ là aŋgɔ̀ nà lìtumba là aŋgɔ̀.’

Hwègbèèlì 16:15

Hwà mà mò lùhwìrzɛ̀ na lìtumba la eni la arzɛ, ò mburza nanù à mà jò yòwɛ ò màandà mà eni rzi a òhwa nanù ema, “È lutelì tɛ ema imbahvɛ na hwèlì ndi mòlòkèlì mɔ̀kɔ, wa ama Rzàŋgò, e jèe e lìya ò màandà mà ami” mɔ̀ à mà jò tinɛlɛ natɛ̀ɛ rzìi je emeyà.

Hwègbèèlì 16:34

Oŋgò mɔɔŋgelì wa hwèwòwà à mà ɛ̀ndɛ̀nɛ̀ Pàwolò na Rzàyìlàrzì ò ndawò ya eni, rzìi a hwa ŋgba mòlelì. Oŋgò mòtò na lìtumba la eni la arzɛ hwà mà ònda na mɔ̀nyɛ̀ŋgì ehwànja hwà mà lòkɛ̀ Lohwɛ̀.

Hwègbèèlì 18:8

Klìrzpùrzì, ema mɔndi à mà hwɛ e mòkànèlì wa e ndawò ya màkanɛ̀ ya wònyà Yudà, mɔ̀ na lìtumba la eni la arzɛ, hwà mà lòkɛ̀ e Rzàŋgò. Rzayì-rzayì ja hwatò hvɛ ò Kɔ̀rintò hwà mà hweyà Ŋmɛ̀ndì mò Gbamù, hwà mà mò lòkɛ̀ ndèŋgàna hwà mà lùhwìrzɛ̀hwɛ̀.

Hwègbèèlì 2:39

Lini lì kàkɛ̀nɛ̀ lì hwèlì ndi è la anyu na hwàànà hwa anyu na hwaŋga hwatò ema hwa rzɔlɛnɛyi ema hwa rza enje wònyà Yudà. È hwèlì ndi nàa tɔ̀ ima mòtò ema Rzàŋgò ya arzu Lohwɛ̀ à mà hwɛlɛ ò lì hwɛ na mɔ̀.”