Yòwanìrzɛ̀ 4:5 - Mokpwe: Bakwery (New Testament)

⁵ O èŋge èrzòòkà ya Rzàmàrìyà à mà uka mbòwà hvɔ̀kɔ ema e hwɛ̀lɛ̀hwɛ̀ Rzika. Ène mbòwa e ma kòmbɛ̀nɛ̀ mɔ̀nyɛ̀ ema Jèkɔ̀bù à mà ŋgbe è ŋmanà wa eni Jòrzɛ̀hvù na e kòòhwa.

Yòwanìrzɛ̀ 4:5 Mawu Ofanana

Lukàrzɛ̀ 9:52

Yerzù à mà òma mèèrzènjà ò wòrzò. Hwa mà ɛ̀ndɛ ŋmanà mbòwà mɔ̀kɔ ò Rzàmarìyà, ò lì mò rzèkeya èki.

Yòwanìrzɛ̀ 4:12

È mbamba ya arzu Jèkɔ̀bù hwa kòòhwa mɔ̀ ndi à mà jò lìiya ene ehvɔ̀ndi ya malìhwa. Mɔ̀ hvɛ ŋmìti, hwàanà hwa eni, na hwèembè hwa eni hwe arzɛ anu ndi hwà mà nyɔ̀yèya malìhwa. O èŋgànɛ̀lɛ̀ rzɔ ò arza lì òhwa nanù ema ò wa ò akayi Jèkɔ̀bù e?”

Yòwanìrzɛ̀ 4:39

Hwatò rzayi-rzayi hwa Rzàmàrìyà ema hwa mà uhwɛlɛlɛ ò eŋge mbòwà hwa mà lòkɛ̀ Yerzù èhwanja ò è mbɔrzi yà ama òŋgò mòlanà à mà hwa òhweyà. Oŋgò mòlanà à mà hwa òhweyà nanù ema, “À mà nò òhweyà hweyà hwe arzɛ ema nà mà gbèyɛ.”

Yòwanìrzɛ̀ 4:6

O mòŋgò mɔ̀nyɛ̀ ò mà hwɛ ehvɔ̀ndi ya malìhwa. Ène ehvɔ̀ndi ya malìhwa ema hwɛ ndi e ya ama Jèkɔ̀bù. Yerzù mɔ̀ hvɛ na lìŋgi lìyɔ̀tɛ̀ la arzɛ la èŋge yɔ̀ndɔ̀, rzìi a lìya ò rze ò tòŋgòŋgò ya èŋge ehvɔ̀ndi ya malìhwa. O ma hwɛ ndi eyà ya kɔ̀rzì yà ŋmèrze.

Yòwanìrzɛ̀ 4:8

(Liŋgi lìrzakò ò ma Hwà-òkòwèlì hwà mà Yerzù hwà mà ɛndɛ ò mbòwà ò lì anda mòlelì).