Yòwanìrzɛ̀ 4:48 - Mokpwe: Bakwery (New Testament)

⁴⁸ Yerzù rzìi à mò òhweyà nanù ema, “È rza lòkɛ̀! Nàtɛ̀ɛ inyɔ hwanù hwatò è ɛnɛ hwèèmbànèlì nà mànyàka.”

Yòwanìrzɛ̀ 4:48 Mawu Ofanana

Matiyò 16:1

Lòŋgò la Hvàlìrzàyì na i Rzàdòrzi hwa mà jèeyà Yerzù. Hwà mà arza lì mò kpɛ njɔ̀mì, ò èŋgànɛ̀lɛ̀ hwà mà mò ijòwa ema a hwa uŋmɛ̀lɛ̀ èmbànèlì ema e uhwɛlɛlɛ ò ŋmanyu yà lohwà.

Matiyò 24:24

Èhwanja rzayi-rzayi ja hwatò hwa ò wurza lì kɔ̀ hweyà a lì òhwa ema wɔ̀ ndi hwa hwèlì hwaŋga ema hwa ɔ̀kirzɛ̀hwɛyi. Nà hwà-òhwèlì hwa hwèlìŋgɛ̀ hwa mòlaŋgà hwa ò wurza, hwa ò gbeyà hweyà hwe ndɛnɛ hwe mànyakà nà lì uŋmɛ̀lɛ̀ hwèembànèlì hwe ndɛnɛ hwe mànyakà. Hwa ò gbeyà ndi nanù ò lì lùkɛlɛ hwatò ema Lohwɛ̀ a hvɔ̀rzì, wɔ hwa lu tɛ njiya ya lì hwa lukɛlɛ.

Matiyò 27:42

“À ma hwɛ lì rzùŋgà hwatò ndi nàŋgɛ à rza tànɛyi lì àwòŋgòwànɛ̀ tɔ̀ mɔ̀ ŋmìti. È hwèlì tɛ e jɔ̀kɛ̀ nanù ema mɔ̀ ndi à hwèlì e kiŋgɛ ya èkòmè ya Irzàyɛ̀lì, inyɛ a rzihwe rzɔ ò eŋge mbarza naŋgɛ. Aŋga ndi irzɔ i lòkɛ̀ nanù ema mɔ̀ ndi à hwèlì è Mɔ̀ ema à Ɔ̀kirzɛ̀hwɛ̀yi.

Makòrzì 13:22

Rzayì-rzayì ja hwatò hwa ò ja, tɔ̀ ima mɔ̀ à ò kɔ hweyà nanù ema mɔ̀ ndi à hwèlì è Mɔ̀ ema à Ɔ̀kirzɛ̀hwɛ̀yi. Rzìi hwà-òhwèlì hwa hwèlìŋgɛ̀ hwa mèlàŋgà wɔ̀ hvɛ hwa ò wurza. Hwa ò gbeyà hweyà hwe mànyaka na lì uŋmɛ̀lɛ̀ hwèèmbànèlì hwe nyàyì na nyàyì. Hwa ò gbeyà nanù ò lì arza nanù ema hwa lùkɛlɛ hwaŋga ema Lohwɛ̀ à mà lòme lì hvɔ̀rzɔ̀, hwa lù tɛ hvèyò yà lì hwa lùkɛ̀lɛ.

Lukàrzɛ̀ 10:18

Yerzù rzìi a hwa òhweyà nanù ema, “Nà mà ɛ̀nɛ nà òmà Mòkarzɛ̀ a mà unde nàa lìŋmɛ̀tì-ŋmɛ̀tì ò ŋmanyu yà Lohwà.

Lukàrzɛ̀ 16:31

Abràhamù rzìi a mò òhweyà nanù ema, ‘Wɔ̀, hwa rzà hweyànì tɛ Mòrzè, nà hwanɛ̀yi hwà-òhwèlì hwa hwèlìŋgɛ̀, èŋge ŋgàna è hwèlì ndi ema hwa rzà tànɛyi lì lòkɛ̀ è mɔ̀ ema à ò hvùmùwɛ̀ ò èkòmè ya kpelì.’”

Yòwanìrzɛ̀ 12:37

Tɔ̀ nɛ Yerzù à mà gbeye manù mànyakà ma arzɛ ò marzò ma awu, eŋge ŋgindi e rzi mò lòkɛ̀.

Yòwanìrzɛ̀ 15:24

Imba na rzi gbeeye tɛ lòŋgò la hweyà ò ìtììtènì ja awu ema tɔ̀ mòtò a rzi gbeyi ò ma wòhwe wò awu, me rzi wuluwahwe. Ndi ò nàŋgɛ hwà mà ɛnɛ hweyà hwe arzɛ ema nà mà gbeye ndì tɔ̀ nanù hwa nò kɔwu ndèŋgànɛlɛ hwa kɔwu hvɛ Tatɛ̀ wa ami.

Yòwanìrzɛ̀ 2:18

Hwàkànèlì hwa wònyà Yudà rzìi hwa timba lì mò ijòwa nanù ema, “Ima ŋgàna ya embànelì ema ò tànɛyi lì jò uŋmɛ̀lɛ̀ aŋga nanù i hwiya nanù ema ò hwɛni wònja ò lì gbeyà ene nyayi eyà e?”

Yòwanìrzɛ̀ 20:29

Yerzù rzìi a mò òhweyà nanù ema, “O lòkɛ̀ rzɔ ndì èhwanja ò nò ɛni e? Mònàmɛ̀ mò hwɛ na hwaŋga ema hwa rza ɛnɛ rzìi hwa lòkɛ̀yì.”

Yòwanìrzɛ̀ 4:49

Oŋgò mòkànèlì wà lìkànèyà rzìi à òhwa nanù ema, “Ìi Rzàŋgò kòkò, jà, jè ɛndɛ ndèŋgàna è ŋmanà wà ami à è ŋwa”

Hwègbèèlì 14:3

O èŋgànɛ̀lɛ̀ Pàwolò na Bànàbàrzì hwà mà akɛlɛ hvònda rzayi-rzayi aŋga, hwa rza òke tɔ̀ wɔ̀ŋgɔ̀ ò lì òhwa lì hvòmɛ̀nɛ̀ hweyà hwe gbamù ema Lohwɛ̀ a gbèelì hwatò hwa eni. Rzàŋgò Yerzù e ma gbeyà hwà mà uŋmɛ̀lɛ̀ hwèmɛ̀nɛ̀nì na lì gbeyà hweyà hwe mànyàka rzayi-rzayi, ò lì uŋmɛ̀lɛ̀ nanù ema hweyà ema hwà-òkòwèlì hwa eni hwà mà hwɛ lì òhwa ò lì hvòmɛ̀nɛ̀ e ndèli ya eni, hwe hwèlì ndi e jɔ̀kɛ̀.

Hwègbèèlì 15:12

Èŋge ŋgindi ya arzɛ e ma hwɛ ndi lì òkànèyà ŋmɛ̀ɛ, na òma Bànàbàrzì na Pàwolò hwà mà hwɛ lì hwa òhweyà hwèèmbanelì na mànyàka ema Lohwɛ̀ à mà gbeye lì akeyà na wɔ ò ìtììtènì ja hwaŋga hwatò ema hwa rzi hwɛ wònyà Yudà.

Hwègbèèlì 2:19

Imba na ò uŋmɛ̀lɛ̀ hweyà hwe mànyakà ò ŋmanyu yà lohwà, ndèŋgànɛ̀lɛ̀ na uŋmɛ̀lɛ̀ hwembànèlì ò rze ya mɔ̀nyɛ̀. Màyìjà mò ò rzòweya, mùnya mò òŋwa na yutùtù hvɛ e wurza.

Hwègbèèlì 2:22

Petrò rzìi a ɛ̀ndɛ̀nɛ̀ e mbɔrzi ò wòrzò rzìi a òhwa nanù ema, “Hwàtò hwa Irzàyɛ̀lì, e òkànèyà kɔ̀yi-kɔ̀yi ò hweyà ema na arza lì òhwa. Lohwɛ̀ à mà gbeyà Yerzù mòtò wa e mbòwa ya Nàrzàrɛ̀tì ò lì gbeyà hweyà hwe ndɛnɛ hwe mànyakà na hwembànèlì ò lì e uŋmɛ̀lɛ̀ nanù ema mɔ̀ ŋmitɛ-ŋmitɛ ndi à mò òmi. Inyɔ hwiti e hwi nanù èhwanja eŋge eyà e ma gbèyɛ̀nɛ ndi ò ìtììtènì ja anyu.

Hwègbèèlì 2:43

Tɔ̀ ima mòtò à mà jeja, ò nyòla rzayi-rzayi ja hweyà hwe mànyakà na hwembànèlì ema i àpɔ̀rzìtòlò i ma gbeye.

Hwègbèèlì 4:30

O uŋmɛ̀lɛ̀ e ŋginyà ya aŋgɔ̀ ò lì wɔ̀wìrzɛ̀ hwatò. Ndeŋgana ò jò gbeye irzɔ ò lì tanɛ lì gbeyà hwembànèlì na hweyà hwe mànyakà lì akeyà na lìinà la ama Yerzù, e mògbèèlì wa aŋgɔ̀ wa Wòtani.”

Hwègbèèlì 5:12

I àpɔ̀rzìtòlò i ma gbeyà hweyà hwe mànyakà na hwembànèlì hwe rzayì-rzayì ò tenì ya hwatò. Hwàlòkèlì hwa arzɛ hwà mà hwɛ ndi lì taneya nàa mòtò mɔ̀kɔ ò ihvònda ja arzɛ ò marzɛrzɛ ma ama Rzòlòmɔ̀nì ò e ndawò yà Lohwà.

Hwègbèèlì 6:8

Nàŋgɛ Rzìtehvànɛ à mà hwɛ ndi mòtò ema lòŋgɛ la eni lì ma hwɛ lì uŋmɛ̀lɛ̀ e ndèli ya ama Lohwɛ̀ rzayi-rzayi. A ma hwɛnɛ ŋginyà ò lì gbeyà hweyà hwe ndɛnɛ hwe mànyakà ò ìtììtènì ja hwatò.

Hwègbèèlì 7:36

Oŋgò Mòrzè ndi à mà wùrzànà hwatò hwa Irzàyɛ̀lì ò èkòmè ya Ìjiptò, à mà gbeyà hweyà hwe mànyakà nà hwembànèlì ò èkòmè ya Ìjiptò, ò ŋmànja ema mò teyàà. À mà gbeyà hwembànèlì hwe mànyakà ò mènìmenì mè mèya ema hwa mà lììyà ò mòrzanjɛ̀.

Ròmànì 15:19

Nà ma gbeyà ndi hwene hweyà ò ŋginyà ya hweembànèlì na mànyakà na e ŋginyà ya Èlìŋgɛ̀ ya ama Lohwɛ̀. O eŋgànɛ̀lɛ̀ rzɔ, lì anjiya ò e mbòwa ya Jèrurzalɛ̀mù natɛ̀ɛ na ò erzòòkà ya Ilìlìkumi, nà mà òhwa Ŋmɛ̀ndì mò Gbamù mò ama Krirztò gbamù.

1 Kɔ̀rintìyà 1:22

Wonyà Yudà hwa arza ndi lì ɛnɛ embànèlì yà mànyakà, ò lì lòkɛ̀. Ndi hwatò hwa Grìki, wɔ̀ hwa arza ndi lìhwiyè lì ndɛnɛ.

2 Kɔ̀rintìyà 12:12

È hvonda nà mà hwɛ na inyɔ nà mà àjùlɛ̀ o lì e uŋmɛ̀lɛ̀ hwèmɛ̀nɛ̀nì ndèŋgànɛlɛ nà mà gbeyà hweyà hwe mànyakà hwe ndɛnɛ o lì uŋmɛ̀lɛ̀ nanù ema na hwèlì ndi àpɔ̀rzìtòlò ema Lohwɛ̀ a omi.

2 Tɛ̀rzàlonìyà 2:9

È mòtò wa wòhwe a o jà na e ŋginyà ya ama Mòkarzɛ̀, a o gbèeyà hwèwòlò hwe mòlàŋga o lì uŋmɛ̀lɛ̀ iŋginyà ja eni, ndèŋgànɛlɛ a o gbeyà nyayi na nyayi ja hwèèmbànèlì na hweyà hwe mànyaka.

Hibrù 2:4

Lohwɛ̀ mɔ̀ ŋmìti hvɛ à mà uŋmɛ̀lɛ̀ nanù ema hwene hweyà hwe hwèlì ndi e jɔ̀kɛ̀ na oma à mà gbeyàna hwahvɛhvɛ hwatò ò lì uŋmɛ̀lɛ̀ hwatò hwèmɛ̀nɛ̀nì na hwèèmbànèlì hwe mànyàka. Mɔ̀ à mà uŋmɛ̀lɛ̀ hvɛ na hweyà ema hwatò hwà mà hwɛ lì gbeyà lì akeyà na màyìmbi ma Èlìŋgɛ̀ yà Wòtani ema Lohwɛ̀ à mà hwa ŋgbe. Lohwɛ̀ à mà ŋgba hwatò Èlìŋgɛ̀ yà Wòtani na oma mɔ̀ à mà lìŋgàne.