Yòwanìrzɛ̀ 4:47 - Mokpwe: Bakwery (New Testament)

⁴⁷ Nà òma ònò mòtò à mà hwèye ema Yerzù à mà anjiya ò erzòòkà yà Jùdeyà, ema à mà uka ò erzòòkà yà Galìlì, à mà mò ɛndèya, à mò rzòrzòmeyà ema à ɛndɛ nà mɔ̀ à wɔ̀wìrzɛ̀ è ŋmanà wà eni, ema à mà kòmbɛ̀nɛ̀ è kpelì.

Yòwanìrzɛ̀ 4:47 Mawu Ofanana

Matiyò 2:1

Nà òma Yerzù à mà ŋyahwe ò mbòwà yà Bɛ̀tlɛ̀hɛmù, ò erzòòkà yà Jùdèyà, ò eŋge hvòndà Hɛ̀rɔ̀dì ndi à mà hwɛ è Kiŋgɛ̀. Hwàlaŋgà rzòmbe hwa mà uhwèyà wate rzi hwa jà ò mbòwà yà Jèrurzalɛ̀mù.

Makòrzì 10:47

È hvònda ema a mà hweye nanù ema Yerzù wa Nàrzarɛ̀tì mɔ̀ ndi à aka, rzìi a wòteya lì tɛ nanù ema, “Ìi Yerzù è Ŋmanà wà mùnyanà wa lìhwende la ama Dàhwitì ò nò òkeya ììlì!”

Lukàrzɛ̀ 8:41

Mòtò mɔ̀kɔ ema hwa mà hwɛlɛ Jàrìyɔ̀rzɛ̀, à mà mò jèeya. Jàrìyɔ̀rzɛ̀ à mà hwɛ ndi mòkànèlì mɔ̀kɔ wà è ndawò yà màkanɛ̀. À mà kpèeyà Yerzù ò màtàŋgà, rzìi a mò atɛkɛ ema a jèe ò ndawò yà èni. À mà atɛkɛ Yerzù nanù,

Yòwanìrzɛ̀ 11:21

Mata rzìi a òhweyà Yerzù nanù ema, “Rzàŋgò è mà hwɛ tɛ ema ò mà hwɛ anù, òma ndòmɛ̀ wà ami a rza ŋwelì.

Yòwanìrzɛ̀ 11:32

Nà òma Màlìyɛ̀ à mà ùke aŋga òma à mà ɛnɛ Yerzù rzìi Màlìyɛ̀ a mò kpèeyà ò matàŋga rzìi a òhwa nanù ema, “Rzàŋgò ò ma hwɛ tɛ anù òma ndòmɛ̀ wa ami a rzi ŋwe.”

Yòwanìrzɛ̀ 4:3

Nà òma Yerzù à mà hwèye nanù, à mà anjiiya ò erzòòkà ya Jùdeyà, rzìi a tìmba hvɛ ò erzòòkà ya Galìlì.

Yòwanìrzɛ̀ 4:54

Ène embànelì hvɛ yɔ̀ ndi è mà ùkirzɛ̀ hwèèmbànèlì hwehwakɛ ema Yerzù à mà gbèye, nà òma mɔ̀ à mà uhwɛlɛlɛ ò erzòòkà yà Jùdeyà rzìi à jà ò erzòòkà yà Galìlì.

Hwègbèèlì 9:38

È mbòwa ya Jopà e rzi rzɔlɛnɛ na e mbòwa ya Lida. O èŋgànɛ̀lɛ̀ na òma hwàlòkèlì hwa Jopà hwà mà hweye nanù ema Pètrò a hwèlì ò mbòwa ya Lida, wɔ̀ hwà mà mò òmeya wunyanà hwahwakɛ ò lì mò rzòrzòmeya nanù ema, “Jò ò atɛ̀kɛ̀yi nanù ema ò hvinjɛ̀lɛ ò jò jèeya.”