Yòwanìrzɛ̀ 4:43 - Mokpwe: Bakwery (New Testament)

⁴³ O mburzà hwèŋge hweyu hweahwakɛ Yerzù à mà anjiya ò erzòòkà ya Rzàmàrìyà, a ɛ̀ndɛ ò erzòòkà ya Galìlì.

Yòwanìrzɛ̀ 4:43 Mawu Ofanana

Matiyò 4:13

Yerzù à mà hwɛmɛ è mbòwà yà Nàrzarɛ̀tì, rzi à ɛ̀ndɛ lì lìya ò mbòwà yà Kàpɛ̀nàwɔ̀mì. Ene mbòwà è mà hwɛ ndi ò tòŋgòŋgò yà yùlu yà Galìlì ò erzòòkà ya Rzɛ̀bulɔ̀nì nà Nàhvìtàlì.

Yòwanìrzɛ̀ 1:42

Àndèlè rzìi à jànà Rzimɔ̀nì ò mà Yerzù, Yerzù rzìi à ɔ̀ŋgɔ Rzìmɔ̀nì kòò à mò òhweyà nanù ema, “Lìinà lì aŋgɔ lì hwèlì ndi Rzimɔ̀nì è ŋmanà wà mùnyanà hwa ama Yòwanìrzɛ̀. Ndi ò nàŋgɛ ò hwɛ̀lɛ̀hwɛ̀ ndi Rzɛ̀hvàrzì.” (Lìni lìna lì hwèlì ndi nyayi hvɔ̀kɔ nà Pètrò ema jànda ì hwèlì ndì ema èwòmɛ̀ yà lìŋyàyi).

Yòwanìrzɛ̀ 4:40

Ène ŋgàna è mà gbeyà ema nà òma hwatò hwa Rzàmàrìyà hwa mà mò jèeyà, hwa mò rzòrzòmeyà nanù ema, à jè ò mbòwa yà awu. Ò èŋgànɛ̀lɛ̀ mɔ̀ à mà lìya nà wɔ̀ hweyu hwehwakɛ.

Yòwanìrzɛ̀ 4:44

Yerzù mɔ̀ ŋmìti à mà hwɛ ama òhwa ama mòòhwèlì wà èlìŋgɛ̀ a rza ŋgbààhwà èluhwe ò mbòwà yà èni.

Yòwanìrzɛ̀ 4:46

Ŋgelì hvɔ̀kɔ hvɛ, mɔ̀ à mà jà hvɛ ò mbòwà yà Kenà ò èki ema mɔ̀ à mà eŋgòwe malìhwa ò lì tìmba mimba. Àŋga òma rzɔ, ò mà hwɛ mòkànèlì mɔ̀kɔ wà lìkànèyà, ema è ŋmanà wà eni à mà nàŋgana mòrziyò ò mbòwà yà Kàpɛ̀nàwɔ̀mì.

Ròmànì 15:8

Nà e òhweyà nanù ema, Krirztò à mà timba ndi mògbèèlì wa wònyà Yudà ò lì uŋmɛ̀lɛ̀ nanù ema Lohwɛ̀ a hwèlì jɔ̀kɛ̀, ò lì òndìrzɛ̀ lì kàkɛ̀nɛ̀ ema à mà ika na imbamba ja awu jò ò gbèyɛ̀nɛ na e jɔ̀kɛ̀.