Yòwanìrzɛ̀ 4:42 - Mokpwe: Bakwery (New Testament)

⁴² Wɔ̀ hwa mà òhweyà òŋgò mòlanà nanù ema, “Rzeketɛ ò hweyà mɛnɛ ema ò jò òhwèlì ɔ̀ndeŋgàtɛ̀ ì lòkɛ̀ Yerzù, ndi ì rzɔ hwiti hvɛ ì mà hweyàna nà màtò mà arzu, ndèŋgànɛ̀lɛ̀ hvɛ, ì hwi nanù ema mɔ̀ ndi à hwèlì è Mòrzùŋgèlì wà ene rze yà mɔ̀nyɛ̀.”

Yòwanìrzɛ̀ 4:42 Mawu Ofanana

Matiyò 1:21

À ò ŋya ŋmanà wà mùnyanà, o ò mò kpɛ̀ ndi lìinà Yerzù, èhwanja à ò òŋgirzɛ hwatò wà eni ò wòhwe wò awu.”

Lukàrzɛ̀ 2:32

Ŋmàye mò eni mò ò gbeyà hwaŋga hwatò ema hwa rza enje wònyà Yudà hwa ò hwiyà, ndèŋgàna a ò jànà èluhwe ò hwatò hwa aŋgɔ̀ hwa Irzàyɛ̀lì.”

Yòwanìrzɛ̀ 1:29

Ò wònɛ̀yi wùnyà Yòwanìrzɛ̀ rzìi à ɛnɛ Yerzù nà òma à mò jèeyà. Rzìi Yòwanìrzɛ̀ à òhwa nanù ema, “È ɔŋgɔ̀ tɛ, è Ŋgumà Mɔ̀lɛ̀ŋgù wà ama Lohwɛ̀ mɔ̀ òŋgò. Mɔ̀ ndi à wòwi wòhwe wò hwatò hwa è rze yà mɔ̀nyɛ̀ yà arzɛ.

Yòwanìrzɛ̀ 11:17

Nà òma Yerzù à mà ùke ò Bɛ̀tanì à mà ùŋmànɛ̀lɛ̀ ema hwà mà màa lì imeya Làrzàrɔ̀rzì à mà hwɛ ò rzɔ̀ŋgɔ̀ mèenyà menii merzurzu.

Yòwanìrzɛ̀ 17:8

Nà hwa òhwèlì mamɛ ya arzɛ ò nò òhwèlì ò lì hwa òhweyà rzìi hwa lòkɛ̀yi hwene hweyà, hwa hwi na e tɛ̀ɛtɛ nanù ema na uwɛ̀lɛ̀lɛ̀yi ndi ò mba aŋgɔ ndèŋgàna hwa lòkɛ̀yi hvɛ nanù ema ò wa ndi ò nò òmi.

Yòwanìrzɛ̀ 4:29

“È jèe, è ɔ̀ŋgɔ è mòtò ema à mà nò òhweyà tɔ̀ ima eyà ema nà mà gbeyɛ. Rzeke è Mɔ̀ ema à Ɔ̀kirzɛ̀hwɛ̀yi ònò ema jà ambɛ̀lɛ e?”

Yòwanìrzɛ̀ 4:41

Hwahvɛhvɛ hwatò rzayì-rzayì hwa Rzàmàrìyà hwa mà mò lòkɛ̀ èhwanja ò hwèyòkòlèlì hwe eni.

Hwègbèèlì 13:23

Yerzù mɔ̀ ema a uwɛ̀lɛ̀lɛ̀yi ò mòtende mò ama Dàhwitì, mɔ̀ ndi Lohwɛ̀ à mà gbeye e Mòrzùŋgèlì hwà hwatò hwa Irzàyɛ̀lì, na òma mɔ̀ à mà òhwe nanù ema a gbeyà.

Hwègbèèlì 4:12

“Lì òŋgirzɛhwɛ lì rza uwɛ̀lɛ̀lɛ̀yi na ohvɛhvɛ mòtò lì aka tɛ Yerzù, èhwanja ò rza enje tɔ̀ lì hvɛhvɛ lìnà ò tenì ya ene rze ema Lohwɛ̀ à mà ŋgbe hwatò hwa hwènàmà ema lì àŋgàmɛ̀nɛyi lì jò rzùŋgà.”

Hwègbèèlì 5:31

Lohwɛ̀ à mà mò kàrzɛ, rzìi à mò ika ò lìya là eni là mòmɛ̀ nàa Mòtìmbèlì nà è Mòrzùŋgèlì. À mà gbeyà ndi nanù èhwanja, à uŋmɛ̀lɛ̀ hwatò hwa Irzàyɛ̀lì è njiya yà lì hwɛ̀mɛ̀ hwɛ̀ɛ̀mɛ̀ hwe awu hwe wòhwe aŋga nanù, Lohwɛ̀ à ò hwa làkìrzɛ̀ wòhwe wò awu.

2 Kɔ̀rintìyà 5:19

Mamɛ ema imba na ohwa, e hwèlì ndi lì hvomɛ̀nɛ̀ e kpelì ema Krirztò à mà ŋwèeyà o mbarza. Lohwɛ̀ à mà gbeyà ema hwatò hwa uke o lì ahweyànɛ na mɔ̀. Lohwɛ̀ a rza kɔki wòhwe ema hwatò hwà mà gbeyɛ ndèŋgàna a jo ŋgbelì èwòlò, o lì ohweyà hwatò nanù ema hwa tànɛyi lì hwɛ o ɛ̀yɔ̀lɛ̀ na Lohwà.

1 Tìmotì 4:10

O eŋgànɛ̀lɛ̀ rzɔ ɔ̀ndeŋgàtɛ̀ ja a atàkìrzɛ̀ na lì gbeyà èwòlò ema e imbami èhwanja irzɔ i ma ika lìhvìtà la arzu na Lòohwà ema lì hwèlì lòŋgɛ. Mɔ̀ ndi à ŋgbelì tɔ̀ ima mòtò lì oŋgirzɛ, rzɛhvɔ̀ni hwaŋga ema hwa mo lòkɛ̀yi.

1 Yòwanìrzɛ̀ 2:2

Krirztò ŋmìti à mà hwɛ ndi nàa jàhwèyà ema Lohwɛ̀ à mà gbeyàne o lì jo kɔ̀tɔ̀ o wòhwe ema i ma gbeye. A ma gbeyà ndi nanù aŋga nanù irzɔ i luwa lì làkìrzɛnɛ. Rzeketɛ o wòhwe wo arzu mɛnɛ ndi o wòhwe wo hwatò hwa arzɛ hwa ene rze.

1 Yòwanìrzɛ̀ 4:14

Ndèŋgànɛ̀lɛ̀ irzɔ ì mà ɛnɛ nà lì ohweyà hwahvɛhvɛ hwatò nanù ema Tatɛ̀ à mà oma è Ŋmanà wà eni ò lì hwɛ è Mòrzùŋgèlì hwa è rze.

1 Yòwanìrzɛ̀ 5:20

Ì hwi nanù ema è Ŋmanà wà ama Lohwɛ̀ à mà jà ò rze yà mɔ̀nyɛ̀, ndèŋgànɛ̀lɛ̀ à mà jò gbeyà ò lì hwiya Lòohwà là jɔ̀kɛ̀. Ndeŋgana irzɔ ì hwèlì ndi ò lì ahvìyànɛ̀ nà mɔ̀, nà oma jà ahvìyànɛ̀ nà è Ŋmanà wà eni Yerzù Krirztò. Mɔ̀ ndi à hwèlì Lohwà là jɔ̀kɛ̀ ndèŋgànɛlɛ mɔ̀ ndi à hwèlì è mɔ̀ ema à ŋgba lòŋgɛ là gbìndèyà.