Yòwanìrzɛ̀ 4:41 - Mokpwe: Bakwery (New Testament)

⁴¹ Hwahvɛhvɛ hwatò rzayì-rzayì hwa Rzàmàrìyà hwa mà mò lòkɛ̀ èhwanja ò hwèyòkòlèlì hwe eni.

Yòwanìrzɛ̀ 4:41 Mawu Ofanana

Lukàrzɛ̀ 4:32

Wɔ̀ hwa arzɛ hwa mà tàmeyà hwèyòkòlèlì hwe eni, èhwanja ŋmɛ̀ndì mò hwèyòkòlèlì hwe eni mò mà òhva màyìmbì.

Yòwanìrzɛ̀ 4:40

Ène ŋgàna è mà gbeyà ema nà òma hwatò hwa Rzàmàrìyà hwa mà mò jèeyà, hwa mò rzòrzòmeyà nanù ema, à jè ò mbòwa yà awu. Ò èŋgànɛ̀lɛ̀ mɔ̀ à mà lìya nà wɔ̀ hweyu hwehwakɛ.

Yòwanìrzɛ̀ 4:42

Wɔ̀ hwa mà òhweyà òŋgò mòlanà nanù ema, “Rzeketɛ ò hweyà mɛnɛ ema ò jò òhwèlì ɔ̀ndeŋgàtɛ̀ ì lòkɛ̀ Yerzù, ndi ì rzɔ hwiti hvɛ ì mà hweyàna nà màtò mà arzu, ndèŋgànɛ̀lɛ̀ hvɛ, ì hwi nanù ema mɔ̀ ndi à hwèlì è Mòrzùŋgèlì wà ene rze yà mɔ̀nyɛ̀.”

Yòwanìrzɛ̀ 6:63

Èlìŋgɛ̀ yà ama Lohwɛ̀ yɔ ndi e hwèlì e yɔ ema e ŋgba lòŋgɛ. È nyàmà nyò e rza enje tɔ̀ eyà. Hweyà ema nà mà e òhweyà hwe hwèlì ndi èlìŋgɛ̀ na lòŋgɛ.

Yòwanìrzɛ̀ 7:46

Rzìi hwàkutu hwa e Ndawò yà Lohwà hwa òhwa nanù ema, “I rzi hweyi wùnyà ema mòtò à mà òhwɛ nàa ò nò mòtò a òhwi.”

Hwègbèèlì 1:8

Ndi inyɔ e ò luwa màyìmbì e hvònda ema Èlìŋgɛ̀ yà Wòtani ye e rzihweyà, eŋge hvònda ɔ̀ndi hweyà hwe arzɛ ema e ma nò ɛnɛnɛ e ò hwe òhweyà hwatò ò e mbòwa ya Jèrurzalɛ̀mù, ò hwèrzòòkà hwe Jùdeyà na Rzàmàrìyà na ò màrzuku ma e rze ya arzɛ.”

Hwègbèèlì 15:3

Hwàtò hwa ŋmèmba hwà mà ɛndɛ lì hwa lìyɛlɛ ò njiya. Nà òma wɔ̀ hwà mà akeyà ò hwèrzòòkà hwe Hvɔ̀nìrzìyà na Rzàmarìyà hwà mà nɔ̀ŋgeyà hwatò nɛ hwaŋga hwatò ema hwa rza enje wònyà Yudà hwà mà tikòwahwɛ ò lì timbeya Lohwɛ̀. Mònò ŋmɛ̀ndì mò ma lìŋgirzɛ hwàlòkèlì hwa arzɛ.

Hwègbèèlì 8:12

Ndì nà òma wɔ̀ hwa mà lòkɛ̀yi Hvìlìpì nà òma mɔ̀ à mà òhwe Ŋmɛ̀ndì mò gbamù mò lìkànèyà là ama Lohwɛ̀, nà lì hvòmɛ̀nɛ̀ Yerzù Krirztò, wunyanà nà hwààlanà hwa arzɛ hwa mà lùhwìrzɛ̀hwɛ̀.

Hwègbèèlì 8:25

È hvònda ema Petrò na Yòwanìrzɛ̀ hwà mà kulɛ ò lì òhwa hweyà hwe arzɛ lì hvòmɛ̀nɛ̀ Yerzù na lì kulɛ lì òhwa ŋmɛ̀ndì mò ama Rzàŋgò, rzìi hwa timba ò mbòwa ya Jèrurzalɛ̀mù. O hwetimbelì hwe awu, hwà mà hwɛ lì òhwa Ŋmɛ̀ndì mò Gbamù mò ama Yerzù ò mambòwà mà rzayi-rzayi ja hwèrzòokà hwe Rzàmàrìyà.

Hibrù 4:13

Ò worzo wò ama Lohwɛ̀, ò rza enje tɔ̀ eyà ema è utami. Ndi hweyà hwe arzɛ hwe enyɛ̀lɛ̀lɛ̀yi ò worzo wò ama Lohwɛ̀. Ndeŋgànɛ̀lɛ̀ ò mà Lohwɛ̀ ndi irzɔ ì hwɛnì lì ohwa hweyà hwe arzɛ ema ì gbeyà.