Yòwanìrzɛ̀ 4:38 - Mokpwe: Bakwery (New Testament)

³⁸ Nà ma ò òma ò lì ɛ̀ndɛ lì rzàŋga e mbòtà ema ò rzi òne. Hwahvɛhvɛ hwatò hwa gbeyà èwòlò, ndi ò wa rzɔ ò hwèlì lì lùwa mònàmɛ̀ mò èwòlò ya awu.”

Yòwanìrzɛ̀ 4:38 Mawu Ofanana

Matiyò 4:23

Yerzù à mà lìŋgòwa màmbòwà mà arzɛ mè èkòmè ya Galìlì, ò lì òkòlɛ̀ eyà yà Lohwà ò màndawò mà awu mà màkanɛ̀, nà lì òhwa hvɛ Ŋmɛ̀ndì mò Gbamù mò Likànèyà là ama Lohwɛ̀. À mà hwɛ hvɛ lì wɔ̀wìrzɛ̀ hwatò hwa arzɛ ema hwa mà ɔ̀kìrzɛ̀ nà inyayi ja nyàmbɛ ema hwa mà ɔ̀kìrzɛ̀.

Yòwanìrzɛ̀ 1:7

Yòwanìrzɛ̀ à mà jà ndi ò lì òhweyà hwatò lì hvòmɛ̀nɛ̀ mònò ŋmàye ò lì arza nanù ema hwa arzɛ hwa hwèye mònò ŋmɛ̀ndì rzìi hwa lòkɛ̀.

Yòwanìrzɛ̀ 17:18

Nà hwa òmi ò rze, na òma ò ma nò òme ò ene rze.

Yòwanìrzɛ̀ 4:37

Ɔ̀ndeŋgàtɛ̀ hweyòhwèlì ema hwe òhwa nanù ema, ‘Mɔ̀kɔ à òna ndèŋgàna ɔ̀nɛyi mɔhvɛ a rzàŋga e mbòtà,’ hwe òhwa ndi è jɔ̀kɛ̀.

Yòwanìrzɛ̀ 4:39

Hwatò rzayi-rzayi hwa Rzàmàrìyà ema hwa mà uhwɛlɛlɛ ò eŋge mbòwà hwa mà lòkɛ̀ Yerzù èhwanja ò è mbɔrzi yà ama òŋgò mòlanà à mà hwa òhweyà. Oŋgò mòlanà à mà hwa òhweyà nanù ema, “À mà nò òhweyà hweyà hwe arzɛ ema nà mà gbèyɛ.”

Hwègbèèlì 2:41

Rzayi-rzayi ja hwàtò ema hwà mà lòkɛ̀ eyà ema Petrò à mà òhwe hwà mà lùhwìrzɛ̀hwɛ̀. O wòŋgò wùnyà mɛnɛ, eyà ya hwekòlì hweyàwò hwe hwatò hwe mà ahwatɛ ò Mɔ̀rzɔ̀ŋgi mò hwàlòkèlì hwa ama Krirztò.

Hwègbèèlì 4:32

Hwàlòkèlì hwa arzɛ hwà mà òhva ŋmèma nà màlùtèyà mɔ̀kɔ. Tɔ̀ mɔ̀kɔ wa awu a rza òhwe nanù ema lìrzaŋgò la ami lì hwèlì ndi e la ami, ndi wɔ̀ hwà mà akahwanɛ mamɛ ema hwà mà òhve.

Hwègbèèlì 4:4

Ndi tɔ̀ nɛ hwà mà ŋgbaŋgɛ Petrò na Yòwanìrzɛ̀, rzayì-rzayì ja hwatò ema hwà mà hweya ŋmɛ̀ndì mò awu hwà mà lòkɛ̀. Mɔ̀rzɔ̀ŋgi mò hwàlòkèlì mò ma uka hwekòlì hweta hwe hwatò.

Hwègbèèlì 5:14

Ndi tɔ̀ nanù rzayì-rzayì ja wunyanà na hwalana ema hwà mà lòkɛ̀ e Rzàŋgò Yerzù, hwà mà hwɛ lì kpèeyà ò ehvehva ya awu ndèŋgànɛ̀lɛ̀ mɔ̀rzɔ̀ŋgi mò hwatò ema mò ma lòkɛ̀ mò ma hwɛ lì ahwàtɛ.

Hwègbèèlì 6:7

Ène eyà e ma gbeyà eyà ya Lohwà e nyàla ò erzòòkà ya arzɛ. Mɔ̀rzɔ̀ŋgi mò hwàlòkèlì ò Jèrurzalɛ̀mù mò ma nyàla karzi-karzi. Ndeŋgànɛ̀lɛ̀ rzayì-rzayì ja Pìlìrzì i ma wòteyà ò lì òŋgama ŋmɛ̀ndì mò gbamù.

2 Kɔ̀rintìyà 10:15

Irzɔ i rza kùmba màà mà arzu o kòkò lì aka lìmɛni ema i hwɛni lì kumba, eŋge ŋgàna e ohwa ndi nanù ema, irzɔ i rza kùmba màà mà arzu o kòkò lì hvomɛ̀nɛ̀ èwòlò ema hwahvɛhvɛ hwatò hwà mà gbeyɛ. Ndi irzɔ jo ikayi mahvita nanù ema na oma lì lòkɛ̀ la anyu lì olohwa, nanù ndi èwòlò ema i gbeyà e o nyàla o weki ema i gbèeyà hwèwòlò.