Yòwanìrzɛ̀ 4:34 - Mokpwe: Bakwery (New Testament)

³⁴ Yerzù rzìi à hwa òhweyà nanù ema, “Mòlèlì mò ami mò hwèlì ndi ò lì gbeyà hwètɛ̀yìrzèlèlì hwa ama è mɔ̀ ema à nò òmi.” Ndèŋgànɛ̀lɛ̀ nà hwɛnì lì kùlɛ̀ èwòlò yà eni.

Yòwanìrzɛ̀ 4:34 Mawu Ofanana

Matiyò 26:39

Yerzù à mà tòmba ŋmanà hvòkà teŋyi, rzìi à ahvimbɛ nà lùùŋgà ò rze, rzìi à kanɛ̀ nanù ema, “Ìi Tatà wà ami, è hwèlì tɛ ema è tànɛyi tɛ lì gbèyɛ̀nɛ, ò nò ulɛ̀ ò tenì yà mònò mòtàkà. Ndi tɔ̀ nanù gbeyà ndi mamɛ è ò lɔ̀ɔ̀nì ndi rzeketɛ nà òma imba nà àrzeyà.”

Matiyò 3:15

Yerzù rzìi à mò tìmbirzɛ̀lɛ̀lɛ̀ nanù ema, “Inyɛ̀ è hwɛ nanù ò naŋgɛ. Ò lɔ̀wu ema ì gbèèye ene eyà naŋgɛ nà òma Lohwɛ̀ arza.” Yòwanìrzɛ̀ rzi à emèyà ò lì mò lùhwìrzɛ̀.

Matiyò 9:19

Yerzù à mà tɛ̀mɛ̀ ò ŋmanyu na hwà-òkòwèlì hwa eni rzìi hwa mò nɔ̀ŋgɔ.

Lukàrzɛ̀ 15:10

Nà è òhweyà ema, nà i aŋgèlì ja ama Lohwɛ̀ ò ŋmanyu, ja òka mɔ̀nyɛ̀ŋgì lì hvòmɛ̀nɛ̀ mòtò mɔ̀kɔ wà wòhwe ema a ayèŋgòwɛ̀ ò wòhwe wa eni ò lì tìmba ò ma Lohwɛ̀.”

Lukàrzɛ̀ 19:10

È Ŋmanà wà è Mòtò wà Hwènàmà, à jelì ndi ò lì àrza hwaŋga hwatò ema hwa mà wɔ̀, nà ò lì hwa rzùŋgà.”

Lukàrzɛ̀ 2:49

Yerzù rzìi à hwa alàhwɛ̀ nanù ema, “Mamɛ e nò àrzana e? È rza hwi ema nà hwɛnì ndi lì hwɛ ò ndawò ya ama Rzàŋgò wà ami e?”

Yòwanìrzɛ̀ 17:4

Nà ma uŋmɛ̀lɛ̀ èluhwe e aŋgɔ anù rze na òma nà mà kulɛ èwòlò ema ò wa ò nò ŋgbelì ò ma na gbeye.

Yòwanìrzɛ̀ 19:28

O mburza nanù Yerzù à mà hwiya ema hweyà hwe arzɛ hwe ma kùwa. O lì òndìrzɛ̀ mamɛ e ma tìlahwa ò Kaàti ya Lohwà rzìi mɔ̀ à òhwa nanù ema, “Nà hwèya e nyìrzɛ̀.”

Yòwanìrzɛ̀ 19:30

Nà òma Yerzù à mà nyɔ hweŋge hwèkàkò hwe mimba, rzi a òhwa nanù ema, “O ku.” Rzìi à ujɛ mòòhvò rzìi a undɛnɛ.

Yòwanìrzɛ̀ 4:32

Ndi mɔ̀ à mà hwa alàhwɛ̀ nanù ema, “Nà òhvi mòlèlì mò lì làa, ema inyɔ è rza hwiyɛ hvɛ tɔ̀.”

Yòwanìrzɛ̀ 5:30

“Nà rza tànɛ̀yi lì gbeyà eyà na è wònjà yà amì, na kàyìrzɛ̀ ndi na òma e Rzàŋgò a nò òhwèlì, ò èŋgànɛ̀lɛ̀ hwèkàyìrzèlèlì hwe tɛmi ehve-ehve, èhwanja na rza kàyìrzɛ̀ ndi na òma imba na arza, ndi na kàyìrzɛ̀ ndi na òma e mɔ̀ e ma a nò òmi a arza.

Yòwanìrzɛ̀ 5:36

Ndi na hwɛni mbòŋgi ema e karzami lì aka Yòwanìrzɛ̀. Èwòlò ema Tatɛ̀ wa ami a nò ŋgbelì ò lì e gbeyàna lì e kulɛ, yɔ yiti ndi e nò tɛmelì mbòŋgi ema Tatɛ̀ wa ami ndi à na òmi.

Yòwanìrzɛ̀ 6:33

Èhwanja imba ndi nà hwèlì eŋge èhvòòtò ema Lohwɛ̀ à ŋgba, ema è uhwɛlɛlɛ ò ŋmanyu yà lohwà, ema è ŋgba hwatò hwa ene rze lòŋgɛ.”

Yòwanìrzɛ̀ 6:38

Èhwanja na rza uhwɛlɛlɛ ò ŋmanyu yà lohwà ò lì jà lì gbeyà hweyà na òma na lìŋgàni. Nà jelì ndi ò lì gbeyà na òma Tatɛ̀ wa ami ema a nò òmi a àrzeyà.

Yòwanìrzɛ̀ 8:29

È mɔ̀ ema à mà nò òma a hwèlì na imba. Mɔ̀ a rza nò rzɔnjɛ̀lɛ̀ na imba mbiti, èhwanja na hwèlì ndi ò lì gbeyà mamɛ ema e mò lìŋgìrzɛ hvònda tɛ.”

Hwègbèèlì 20:35

O tenì ya hwene hweyà hwe arzɛ, imba nà mà e uŋmɛ̀lɛ̀ nanù ema, ò lì gbeyà èwòlò na ŋginyà ò ene ŋgana, aŋga nanù inyɔ e òŋgòwàna hwà-òkèlì na lì ɔ̀ŋgɛ̀lɛ̀ e mbɔrzi ema Rzàŋgò Yerzù a ma òhwe nanù ema, ‘O hwèlì mònàmɛ̀ rzayi-rzayi ò lì ŋgbàà lì aka ò lì wòwa.’”

Hibrù 12:2

Ì rzòkɛ̀ ndi Yerzù mììrzɔ̀ mà arzu. Èhwanja mɔ̀ ndi à hwèlì è mɔ̀ ema à jò timba ò lì hwɛnɛ lìlòkɛ̀. À mà èmeyà ò lì ŋwa è kpèelì yà ìrzɔnì ò mbarza ndeŋgànɛ̀lɛ̀ à rzi wòwè iŋgi ìrzɔnì nàa tɔ̀ eyà aŋga nanù mɔ̀ à luwa mɔ̀nyɛ̀ŋgì ema Lohwɛ̀ à mò ùtelì. Ò èŋgànɛ̀lɛ̀ eŋge è mà gbeyà ema a lìyà ò lìya là mòmɛ̀ ò mbòkò yà lìkànèyà là ama Lohwɛ̀.