Yòwanìrzɛ̀ 4:3 - Mokpwe: Bakwery (New Testament)

³ Nà òma Yerzù à mà hwèye nanù, à mà anjiiya ò erzòòkà ya Jùdeyà, rzìi a tìmba hvɛ ò erzòòkà ya Galìlì.

Yòwanìrzɛ̀ 4:3 Mawu Ofanana

Matiyò 10:23

È ɛni tɛ ema hwa e tàkirzɛ tɛ ò mbòwa hvɔ̀kɔ, e hwaŋge, e ɛ̀ndɛ èhvɛhvɛ mbòwà. Nà e òhweyà ndi e jɔ̀kɛ̀ ema e rza ò kulɛ lì tàneya i mbòwà ja arzɛ ja èkòmè ya Irzàyɛ̀lì ndèŋgànà è Ŋmanà wà è mòtò wà Hwènàmà à è ja.

Makòrzì 3:7

Yerzù à mà ànjiya nà hwà-òkòwèlì hwa eni rzìi hwa ɛ̀ndɛ ò yùlu ya Galìlì. Ndi ŋgìndì ndɛnɛ̀ yà hwatò è mà hwa nɔ̀ŋgɔ aŋga. Hwaŋga hwatò hwa mà uwɛ̀lɛ̀lɛ̀yi ndi ò erzòòkà ya Galìlì, Jùdeyà,

Lukàrzɛ̀ 17:11

Nà òmà Yerzù à mà hwɛ lì ɛ̀ndɛ ò Jèrurzalɛ̀mù, à mà akeyà ò ŋmèyò mò ma hwɛ è njìya yà èkòmè ya Rzàmarìyà nà Gàlìlì.

Yòwanìrzɛ̀ 1:43

Ènɛ̀yi eka yà èlèlè Yerzù à mà kùlɛ̀ nanù ema à hwɛni lì ɛ̀ndɛ ò erzòòkà yà Galìlì. À mà ɛndɛ lì ùŋmànɛ̀lɛ̀ Hvìlìpì rzìi à mò òhweyà nanù ema, “Jà, ò nò òŋgame.”

Yòwanìrzɛ̀ 10:40

O mburza nanù, Yerzù à mà timba ò enɛyi èhvàrzù ya mòrzò mò Jɔdànì ò èki ema Yòwanìrzɛ̀ è Mòlùhwìrzèlì à mà hwɛ lì lùhwìrzɛ̀ hwatò. A ma lìiya aŋga.

Yòwanìrzɛ̀ 11:54

Ène eyà e ma gbeyà Yerzù a rzìi hwɛ lì wurza hvɛ ò ìtììtènì ja wònyà Yudà. Rzìi mɔ̀ na hwà-òkòwèlì hwa eni hwà mà anjiya rzìi hwa ɛ̀ndɛ ò èkòmè ema e ma hwɛ̀lɛ̀hwɛ̀ Èhvlèmì, rzìi hwa lìya aŋga. Èŋge mbòwa e ma kòmbɛnɛ mòrzanjɛ̀.

Yòwanìrzɛ̀ 2:11

Manù mànyakà ndi ma hwèlì embànelì ya wòrzò, ya hwètàmìrzèlèlì ya ama Yerzù ema à mà gbeye ò mbòwà ya Kena, ò erzòòkà ya Galìlì. Anu ndi à mà awùlùhwɛ èluhwe ya eni rzìi Hwà-òkòwèlì hwa eni hwa ika lìlòkɛ̀ lì awu na mɔ̀.

Yòwanìrzɛ̀ 3:22

Ò mburzà yà hvònda Yerzù nà Hwà-òkòwèlì hwa eni hwa mà ɛ̀ndɛ ò e erzòòkà ya Jùdeyà. Wɔ̀ hwa arzɛ hwà mà akɛlɛ ŋgurzu ja mèenyà aŋga, rzìi a lùhwìrzɛ̀ hvɛ hwatò aŋga.

Yòwanìrzɛ̀ 3:32

Hweyà ema a ɛnɛ na mamɛ ema a hweyà ɔ̀ndi mɔ̀ à òhwa ndi tɔ̀ nanù tɔ̀ mòtò a rza mò lòkɛ̀.

Yòwanìrzɛ̀ 4:47

Nà òma ònò mòtò à mà hwèye ema Yerzù à mà anjiya ò erzòòkà yà Jùdeyà, ema à mà uka ò erzòòkà yà Galìlì, à mà mò ɛndèya, à mò rzòrzòmeyà ema à ɛndɛ nà mɔ̀ à wɔ̀wìrzɛ̀ è ŋmanà wà eni, ema à mà kòmbɛ̀nɛ̀ è kpelì.

Yòwanìrzɛ̀ 7:1

O mburzà hwenè hweyà, Yerzù à mà lìŋgòwa hweki nà hweki ò erzòòkà ya Galìlì. A rza arze lì ɛndɛ ò erzòòkà ya Jùdeyà èhwanja lìkànèyà la wònyà Yudà lì ma kàkɛ̀nɛ̀ lì mò òŋwa.