Yòwanìrzɛ̀ 4:29 - Mokpwe: Bakwery (New Testament)

²⁹ “È jèe, è ɔ̀ŋgɔ è mòtò ema à mà nò òhweyà tɔ̀ ima eyà ema nà mà gbeyɛ. Rzeke è Mɔ̀ ema à Ɔ̀kirzɛ̀hwɛ̀yi ònò ema jà ambɛ̀lɛ e?”

Yòwanìrzɛ̀ 4:29 Mawu Ofanana

Matiyò 12:23

Ene eyà ema Yerzù à mà gbèèye e ma tàmìrzɛ̀ e ŋgìndì ya hwatò ya arzɛ. Rzìi hwa wòteyà lì ayijòwanɛ mɔ̀kɔ na ɔ̀nɛyi nanù ema, “Aŋgàmɛnɛ ònò mòtò ndi à hwèlì è Ŋmanà wà e nyɔ̀ŋgɔ̀nì ya ama Dàhwitì ema a ambɛlɛhwɛyi e?”

Yòwanìrzɛ̀ 4:25

Oŋgò mòlanà rzìi a òhwàna Yerzù nanù ema, “Nà hwi ema è mɔ̀ ema à Ɔ̀kirzɛ̀hwɛ̀yi a hwɛnì lì jà. Mɔ̀ a jelì tɛ, a jò telɛlɛ hweyà hwe arzɛ.”

Yòwanìrzɛ̀ 4:28

Oŋgò mòlanà rzìi, a rzɔnjɛ̀lɛ̀ itɛŋgɛ ja eni ja malìhwa aŋga. A tìmba lì ɛ̀ndɛ ò mbòwà rzìi a òhweyà hwatò nanù ema,

Yòwanìrzɛ̀ 4:30

Hwatò hwa mà anjiya ò mbòwà rzìi hwa tòmba ò lì ɛnɛ Yerzù.

Yòwanìrzɛ̀ 4:39

Hwatò rzayi-rzayi hwa Rzàmàrìyà ema hwa mà uhwɛlɛlɛ ò eŋge mbòwà hwa mà lòkɛ̀ Yerzù èhwanja ò è mbɔrzi yà ama òŋgò mòlanà à mà hwa òhweyà. Oŋgò mòlanà à mà hwa òhweyà nanù ema, “À mà nò òhweyà hweyà hwe arzɛ ema nà mà gbèyɛ.”

Yòwanìrzɛ̀ 7:26

Ɔ̀ŋgɔ a tɔ̀yìrzɛ na hwatò ò mòtèyi, ndi hwàmbaki hwa hwatò hwa rza mò òhwìrzɛ̀nɛ̀ tɔ̀ eyà. Ŋga hwa hwi na e jɔ̀kɛ̀ nanù ema mɔ̀ ndi à hwèlì è Mɔ̀ ema à Ɔ̀kirzɛ̀hwɛ̀yi!

Yòwanìrzɛ̀ 7:31

Ndi tɔ̀ nanù rzayì-rzayì ja hwatò ò ìtììtènì ja èŋge ŋgìndì hwa mà mò lòkɛ̀. Wɔ̀ hwà mà hwɛ lì òhwa nanù ema, “È Mɔ̀ ema a Ɔ̀kirzɛ̀hwɛ̀yi a jelì tɛ, a ò gbeyà hwèmbànèlì hwe mànyakà ema hwe ò aka hwenè hweyà ema ònò mòtò amà gbeyà e?”

Hwèwulùwèlì 22:17

Èlìŋgɛ̀ ya ama Lohwɛ̀ nà Mɔ̀ɔmbì hwa ohwa nanù ema, “Jà.” Tɔ̀ njɛnɛ ema a hweyi ene eyà mɔ̀ hvɛ a ohwa nanù ema, “Jà.” Tɔ̀ njɛnɛ ema a hwɛni nyìrzɛ ya malìhwa inyɛ a jèe a nyɔ malìhwa emà mà gbeyà hwatò hwa hwɛ o lòŋgɛ natɛ̀ɛ na o gbìndèyà. Tɔ̀ njɛnɛ ema a arzi manù malìhwa à mà luwa ŋgundu.